ആവശ്യത്തിന് ഡോക്ടർമാരില്ല; പൊന്നാനി താലൂക്കാശുപത്രിയിൽ രോഗികൾക്ക് ദുരിതം

പൊ​ന്നാ​നി: പൊ​ന്നാ​നി താ​ലൂ​ക്കാ​ശു​പ​ത്രി​യി​ലെ​ത്തു​ന്ന രോ​ഗി​ക​ളു​ടെ ദു​രി​ത​ങ്ങ​ൾ​ക്ക് അ​റു​തി​യി​ല്ല. വേ​ന​ൽ​ക്കാ​ല രോ​ഗ​ങ്ങ​ൾ പ​ട​രു​ന്ന സാ​ഹ​ച​ര്യ​ത്തി​ൽ ദി​നം​പ്ര​തി ആ​യി​ര​ത്തി​ലേ​റെ രോ​ഗി​ക​ളാ​ണ് ആ​ശു​പ​ത്രി​യി​ലെ​ത്തു​ന്ന​ത്. ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ലാ​ത്ത​തി​നാ​ൽ ഒ.​പി. പ്ര​വ​ർ​ത്ത​ന​ങ്ങ​ൾ താ​ളം തെ​റ്റി​യ അ​വ​സ്ഥ​യാ​ണ്. നൂ​റു ക​ണ​ക്കി​നാ​ളു​ക​ൾ എ​ത്തു​ന്ന കാ​ല​ത്തു​ണ്ടാ​യി​രു​ന്ന ര​ണ്ട് ഡോ​ക്ട​ർ​മാ​രാ​ണ് ഇ​പ്പോ​ഴും ഒ.​പി​യി​ലു​ള്ള​ത്.

മ​ണി​ക്കൂ​റു​ക​ൾ കാ​ത്തു നി​ന്നാ​ലാ​ണ് ഒ​പി.​ടി​ക്ക​റ്റ് ല​ഭി​ക്കു​ക. തു​ട​ർ​ന്ന് ഡോ​ക്ട​റെ കാ​ണാ​നും മ​ണി​ക്കൂ​റു​ക​ൾ കാ​ത്തു നി​ൽ​ക്ക​ണം. നേ​ര​ത്തെ ഉ​ണ്ടാ​യി​രു​ന്ന ഡോ​ക്ട​ർ​മാ​രി​ൽ മി​ക്ക​വ​രും ട്രാ​ൻ​സ്ഫ​ർ ആ​യ ശേ​ഷം പു​തി​യ​വ​ർ എ​ത്തി​യി​ട്ടി​ല്ല. കു​റ​ഞ്ഞ വേ​ത​നം മാ​ത്ര​മാ​ണു​ള്ള​തെ​ന്ന​തി​നാ​ൽ താ​ൽ​ക്കാ​ലി​ക ഡോ​ക്ട​ർ​മാ​രും ഇ​ങ്ങോ​ട്ട് വ​രാ​ൻ മ​ടി​ക്കു​ക​യാ​ണ്. 1965 ൽ ​അ​നു​വ​ദി​ച്ച സ്റ്റാ​ഫ് പാ​റ്റേ​ൺ ത​ന്നെ​യാ​ണ് ഇ​വി​ടെ​യു​ള്ള​ത്. ഇ​ത് പ്ര​കാ​രം 22 ഡോ​ക്ട​ർ​മാ​രാ​ണ് നി​ല​വി​ൽ വേ​ണ്ട​ത്. എ​ന്നാ​ൽ പ​ത്ത് ഡോ​ക്ട​ർ​മാ​ർ മാ​ത്ര​മാ​ണു​ള്ള​ത്. ദി​വ​സ​വും ശ​രാ​ശ​രി മൂ​ന്ന് ഡോ​ക്ട​ർ​മാ​ർ കാ​ഷ്വ​ൽ അ​വ​ധി​യി​ലാ​യി​രി​ക്കും. രാ​ത്രി ഡ്യൂ​ട്ടി​യി​ലു​ണ്ടാ​വു​ന്ന ര​ണ്ട് പേ​രു​ടെ സേ​വ​നം പ​ക​ൽ ല​ഭി​ക്കി​ല്ല. ഈ ​ക​ണ​ക്ക് പ്ര​കാ​രം ആ​യി​ര​ത്തോ​ളം രോ​ഗി​ക​ളെ ചി​കി​ത്സി​ക്കാ​ൻ വെ​റും മൂ​ന്നോ നാ​ലോ ഡോ​ക്ട​ർ​മാ​രാ​ണ് ഉ​ണ്ടാ​വു​ക. ഇ​തി​ൽ വാ​ർ​ഡ് പ​രി​ശോ​ധ​ന​ക്കും, മ​റ്റും പോ​കു​ന്ന​വ​രെ മാറ്റി നിർത്തിയാൽ ര​ണ്ടു ഡോ​ക്ട​ർ​മാ​രാ​ണ് തി​ര​ക്കേ​റി​യ സ​മ​യ​ത്ത് ഒ.പിയിലുണ്ടാവുക. ഇ​താ​ണ് പ്ര​തി​സ​ന്ധിക്ക് കാരണം.