പൊ​ന്നാ​നി ഹാ​ർ​ബ​ർ: യാ​ത്രാനി​ര​ക്ക് കു​റ​ക്കാ​ത്ത​തി​ൽ പ്ര​തി​ഷേ​ധം ശ​ക്തം

പൊ​ന്നാ​നി: ലോ​ക്ഡൗ​ൺ ക​ഴി​ഞ്ഞി​ട്ടും പൊ​ന്നാ​നി ഹാ​ർ​ബ​റി​ൽ വ​ർ​ധി​പ്പി​ച്ച യാ​ത്രാ നി​ര​ക്കു​ക​ൾ കു​റ​ക്കാ​ത്ത​തി​ൽ പ്ര​തി​ഷേ​ധം ശ​ക്തം. യാ​ത്ര​ക്കാ​രു​ടെ എ​ണ്ണം കു​റ​വാ​ണെ​ന്ന കാ​ര​ണം പ​റ​ഞ്ഞാ​ണ് അ​ഞ്ച് മാ​സം മു​മ്പ് വ​ർ​ധി​പ്പി​ച്ച നി​ര​ക്ക് തു​ട​രു​ന്ന​ത്. കോ​വി​ഡ് നി​യ​ന്ത്ര​ണ​ത്തെ​ത്തു​ട​ർ​ന്ന് മാ​സ​ങ്ങ​ളോ​ളം നി​ർ​ത്തി​വെ​ക്കു​ക​യും പി​ന്നീ​ട് പു​ന​രാ​രം​ഭി​ക്കു​ക​യും ചെ​യ്ത പൊ​ന്നാ​നി അ​ഴി​മു​ഖം-​പ​ടി​ഞ്ഞാ​റേ​ക്ക​ര ജ​ങ്കാ​ർ സ​ർ​വി​സി​ലാ​ണ് യാ​ത്ര​ക്കാ​രി​ൽ​നി​ന്ന് ഇ​പ്പോ​ഴും ഉ​യ​ർ​ന്ന നി​ര​ക്ക് ഈ​ടാ​ക്കു​ന്ന​തെ​ന്ന പ​രാ​തി​യു​ള്ള​ത്.

ലോ​ക്ഡൗ​ൺ കാ​ല​യ​ള​വി​ലാ​ണ് 33 ശ​ത​മാ​നം വ​ർ​ധ​ന​വ് ഏ​ർ​പ്പെ​ടു​ത്തി​യ​ത്. ആ​ഗ​സ്​​റ്റ് മു​ത​ൽ യാ​ത്ര​ക്കാ​രു​ടെ എ​ണ്ണം കു​റ​ച്ച​തി​നാ​ലാ​ണ് സ​ർ​വി​സി​ന് ന​ഷ്​​ട​മു​ണ്ടാ​വാ​തി​രി​ക്കാ​ൻ നി​ര​ക്ക് വ​ർ​ധി​പ്പി​ച്ച​ത്. എ​ന്നാ​ൽ, ഇ​പ്പോ​ൾ യാ​ത്ര​ക്കാ​ർ കൂ​ടു​ത​ലാ​യി എ​ത്തു​ക​യും സ​ർ​വി​സു​ക​ളു​ടെ എ​ണ്ണം പ​ഴ​യ​പ​ടി​യാ​യി​ട്ടും നി​ര​ക്കി​ൽ കു​റ​വി​ല്ലെ​ന്നാ​ണ് ആ​രോ​പ​ണം.

ഒ​രു യാ​ത്ര​ക്കാ​ര​ന് 13 രൂ​പ​യും ബൈ​ക്കി​ന് 25 രൂ​പ​യും ഓ​ട്ടോ​ക്ക് 40ഉം ​ഗു​ഡ്സ് ഓ​ട്ടോ​ക്ക് 60ഉം ​ലോ​റി​ക​ൾ​ക്ക് 113 മു​ത​ൽ 530 രൂ​പ​യു​മാ​ണ് ഈ​ടാ​ക്കു​ന്ന​ത്. ജ​ങ്കാ​ർ സ​ർ​വി​സ് പ​ഴ​യ​പ​ടി​യാ​യാ​ൽ നി​ര​ക്ക് കു​റ​ക്കു​മെ​ന്നാ​യി​രു​ന്നു ന​ഗ​ര​സ​ഭ അ​റി​യി​ച്ചി​രു​ന്ന​ത്. പൊ​ന്നാ​നി ന​ഗ​ര​സ​ഭ​യു​ടെ നേ​രി​ട്ടു​ള്ള നി​യ​ന്ത്ര​ണ​ത്തി​ലു​ള്ള ജ​ങ്കാ​ർ സ​ർ​വി​സ് പൊ​ന്നാ​നി-​പു​റ​ത്തൂ​ർ പ​ഞ്ചാ​യ​ത്തു​ക​ളെ ബ​ന്ധി​പ്പി​ക്കു​ന്ന മി​ക​വു​റ്റ​തും ചെ​ല​വു കു​റ​ഞ്ഞ​തു​മാ​യ ജ​ല​ഗ​താ​ഗ​ത മാ​ർ​ഗ​മാ​ണ്.