പൊ​ലീ​സ് ക​സ്​​റ്റ​ഡി​യി​ലു​ള്ള വാ​ഹ​ന​ങ്ങ​ളുടെ ലേലത്തിലൂ​ടെ ല​ഭി​ച്ച​ത് 2.77 കോ​ടി

പൊ​ന്നാ​നി: വ​ർ​ഷ​ങ്ങ​ളാ​യി ജി​ല്ല​യി​ലെ വി​വി​ധ പൊ​ലീ​സ് സ്​​റ്റേ​ഷ​നു​ക​ൾ​ക്ക് സ​മീ​പ​ത്തും റോ​ഡ​രി​കി​ലു​മാ​യി നി​ർ​ത്തി​യി​ട്ടി​രു​ന്ന ഉ​പ​യോ​ഗ​ശൂ​ന്യ​മാ​യ​തും അ​വ​കാ​ശി​ക​ളി​ല്ലാ​ത്ത​തു​മാ​യ വാ​ഹ​ന​ങ്ങ​ളു​ടെ ലേ​ല ന​ട​പ​ടി​ക​ൾ പു​രോ​ഗ​മി​ക്കു​ന്നു. 2019 ന​വം​ബ​റി​നു​ശേ​ഷം ന​ട​ന്ന ലേ​ല​ത്തി​ലൂ​ടെ 2,77,55,323 രൂ​പ​യാ​ണ് സ​ർ​ക്കാ​റി​ന് ല​ഭി​ച്ച​ത്. 1225 വാ​ഹ​ന​ങ്ങ​ളും തു​രു​മ്പെ​ടു​ത്ത് ന​ശി​ച്ച വാ​ഹ​ന​ങ്ങ​ളു​മാ​ണ് ലേ​ലം വ​ഴി വി​റ്റ​ഴി​ക്കു​ന്ന​ത്.

വ്യാ​ഴാ​ഴ്ച പൊ​ന്നാ​നി പൊ​ലീ​സ് സ്​​റ്റേ​ഷ​ന് കീ​ഴി​ൽ ന​ട​ന്ന ലേ​ല​ത്തി​ൽ 85,73,500 രൂ​പ​ക്കാ​ണ് ക​സ്​​റ്റ​ഡി വാ​ഹ​ന​ങ്ങ​ൾ വി​റ്റ​ത്. മൂ​ന്ന് വി​ഭാ​ഗ​ങ്ങ​ളാ​യി തി​രി​ച്ചാ​യി​രു​ന്നു ലേ​ലം. ഇ​തി​ൽ കൂ​ടു​ത​ൽ കേ​ടു​പാ​ടു​ക​ൾ സം​ഭ​വി​ക്കാ​ത്ത വാ​ഹ​ന​ങ്ങ​ൾ 73,05,000 രൂ​പ​ക്കും സ്ക്രാ​പ്പു​ക​ൾ 12,68,500 രൂ​പ​ക്കും ലേ​ല​ത്തി​ൽ പോ​യി.

പ​ത്ത് വ​ർ​ഷ​ത്തി​ല​ധി​കം പ​ഴ​ക്ക​മേ​റി​യ ലോ​റി​ക​ളും ഓ​ട്ടോ​റി​ക്ഷ​ക​ളും ബൈ​ക്കു​ക​ളു​മു​ൾ​പ്പെ​ടെ വാ​ഹ​ന​ങ്ങ​ളാ​ണ് ലേ​ല​ത്തി​ൽ വെ​ച്ച​ത്. പ​ത്ത് വ​ർ​ഷ​ത്തി​ൽ കൂ​ടു​ത​ൽ അ​നാ​ഥ​മാ​യി കി​ട​ക്കു​ന്ന വാ​ഹ​ന​ങ്ങ​ളു​ടെ ആ​ർ.​സി ഉ​ട​മ​ക്ക് നോ​ട്ടീ​സ് ന​ൽ​കു​ക​യും തു​ട​ർ​ന്ന് ആ​ർ.​ടി.​ഒ വി​ല നി​ശ്ച​യി​ച്ച് എ​സ്.​പി​ക്ക് റി​പ്പോ​ർ​ട്ട് ന​ൽ​കു​ക​യും തു​ട​ർ​ന്ന് വി​ജ്ഞാ​പ​ന​മി​റ​ക്കി ഓ​ൺ​ലൈ​ൻ ലേ​ല​ത്തി​ന് ശേ​ഷ​മാ​ണ് വാ​ഹ​ന​ങ്ങ​ൾ ലേ​ല​ത്തി​ൽ വി​ൽ​ക്കു​ന്ന​ത്. ലേ​ല ന​ട​പ​ടി​ക​ൾ​ക്ക് പൊ​ന്നാ​നി സി.​ഐ മ​ഞ്ജി​ത് ലാ​ൽ, എ​സ്.​ഐ മ​നോ​ജ് എ​ന്നി​വ​ർ നേ​തൃ​ത്വം ന​ൽ​കി. മു​പ്പ​തോ​ളം പേ​ർ ലേ​ല ന​ട​പ​ടി​ക​ളി​ൽ പ​ങ്കെ​ടു​ത്തു.