സബ്ട്രഷറിക്ക് പിന്നാലെ സബ് രജിസ്ട്രാർ ഓഫിസും സ്വകാര്യ കെട്ടിടത്തിലേക്ക് മാറ്റാൻ നീക്കം

പൊ​ന്നാ​നി: പൊ​ന്നാ​നി കോ​ട​തി കെ​ട്ടി​ട സ​മു​ച്ച​യ​ത്തി​ൽ പ്ര​വ​ർ​ത്തി​ക്കു​ന്ന ഓ​ഫി​സു​ക​ളോ​രോ​ന്നും സ്വ​കാ​ര്യ കെ​ട്ടി​ട​ങ്ങ​ളി​ലേ​ക്ക് മാ​റ്റാ​ൻ ഉ​ദ്യോ​ഗ​സ്ഥ ഒ​ത്താ​ശ​യോ​ടെ ശ്ര​മം ന​ട​ക്കു​ന്ന​താ​യി വ്യാ​പ​ക ആ​ക്ഷേ​പം.

കോ​ട​തി കെ​ട്ടി​ട സ​മു​ച്ച​യ​ത്തി‍െൻറ ശോ​ച്യാ​വ​സ്ഥ​യു​ടെ മ​റ​വി​ലാ​ണ് പു​തി​യ നീ​ക്കം. പൊ​ന്നാ​നി താ​ലൂ​ക്ക് ഓ​ഫി​സ് കോ​മ്പൗ​ണ്ടി​ൽ അ​ഞ്ച് സെ​ന്‍റ് സ്ഥ​ലം അ​നു​വ​ദി​ച്ചി​ട്ടും ഇ​വി​ടെ പു​തി​യ കെ​ട്ടി​ടം നി​ർ​മി​ക്കാ​നു​ള്ള തീ​രു​മാ​ന​ങ്ങ​ൾ ഇ​ഴ​ഞ്ഞു നീ​ങ്ങു​ന്ന​തി​നി​ടെ​യാ​ണ് ര​ജി​സ്ട്രാ​ർ ഓ​ഫി​സും സ്വ​കാ​ര്യ കെ​ട്ടി​ട​ത്തി​ലേ​ക്ക് മാ​റ്റാ​നു​ള്ള നീ​ക്കം സ​ജീ​വ​മാ​യ​ത്. നേ​ര​ത്തേ ശോ​ച്യാ​വ​സ്ഥ ചൂ​ണ്ടി​ക്കാ​ട്ടി സ​ബ്ട്ര​ഷ​റി​യും സ്വ​കാ​ര്യ കെ​ട്ടി​ട​ത്തി​ലേ​ക്ക് മാ​റ്റി​യി​രു​ന്നു.

നി​ല​വി​ലെ സ​ബ് ര​ജി​സ്ട്രാ​ർ ഓ​ഫി​സ് കോ​ട​തി കെ​ട്ടി​ട​ത്തി​ലെ താ​ഴ​ത്തെ നി​ല​യി​ലാ​ണ് പ്ര​വ​ർ​ത്തി​ക്കു​ന്ന​തെ​ങ്കി​ലും ഓ​ഫി​സ് ഫ​യ​ലു​ക​ൾ സൂ​ക്ഷി​ക്കു​ന്ന​ത് കെ​ട്ടി​ട​ത്തി​ന് മു​ക​ളി​ലെ നി​ല​യി​ലാ​ണ്. ഇ​വി​ടെ നി​ല​മു​ൾ​പ്പെ​ടെ ത​ക​ർ​ന്നി​ട്ടു​മു​ണ്ട്.

മു​ക​ൾ​നി​ല​യി​ലെ കേ​ടു​പാ​ടു​ക​ളെ​ത്തു​ട​ർ​ന്ന് ര​ണ്ട് വ​ർ​ഷം മു​മ്പാ​ണ് ഓ​ഫി​സ് താ​ഴ​ത്തെ നി​ല​യി​ലേ​ക്ക് മാ​റ്റി​യ​ത്. എ​ന്നാ​ൽ, സ​ബ് ര​ജി​സ്ട്രാ​ർ ഓ​ഫി​സ് നി​ർ​മി​ക്കാ​നു​ള്ള സ്ഥ​ലം നേ​ര​ത്തേ ല​ഭ്യ​മാ​യി​ട്ടും കെ​ട്ടി​ട നി​ർ​മാ​ണ​ത്തി​നു​ള്ള നീ​ക്ക​ങ്ങ​ളൊ​ന്നു​മാ​യി​ട്ടി​ല്ല. സ​ബ്ട്ര​ഷ​റി ഓ​ഫി​സ് പ്ര​വ​ർ​ത്തി​ക്കു​ന്ന സ്വ​കാ​ര്യ കെ​ട്ടി​ട​ത്തി​ൽ ഫ​യ​ലു​ക​ൾ സൂ​ക്ഷി​ക്കാ​നു​ള്ള സ്ഥ​ല​വും വ​കു​പ്പ്​ അ​ധി​കൃ​ത​ർ തേ​ടു​ന്നു​ണ്ട്. കോ​ട​തി കെ​ട്ടി​ടം ത​ക​ർ​ച്ച​യി​ലേ​ക്ക് നീ​ങ്ങു​മ്പോ​ൾ താ​ലൂ​ക്ക് ഓ​ഫി​സ് കോ​മ്പൗ​ണ്ടി​ൽ ത​ന്നെ കൂ​ടു​ത​ൽ ഓ​ഫി​സു​ക​ൾ​ക്ക് പ്ര​വ​ർ​ത്തി​ക്കാ​വു​ന്ന ത​ര​ത്തി​ൽ ഇ​രു​നി​ല കെ​ട്ടി​ടം നി​ർ​മി​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​ണ്.