ദുരിതാശ്വാസ ക്യാമ്പിൽനിന്ന് മൊയ്തീൻ കുട്ടിയും കുടുംബവും വാടക വീട്ടിലേക്ക് മാറും

പൊ​ന്നാ​നി: 'മാ​ധ്യ​മം' വാ​ർ​ത്ത തു​ണ​യാ​യി, ദു​രി​താ​ശ്വാ​സ ക്യാ​മ്പി​ൽ​നി​ന്ന് മൊ​യ്തീ​ൻ കു​ട്ടി​യും കു​ടും​ബ​വും വാ​ട​ക വീ​ട്ടി​ലേ​ക്ക് മാ​റും. പി.​സി.​ഡ​ബ്ല്യൂ.​എ​ഫ് വീ​ട്ടു​വാ​ട​ക ന​ൽ​കാ​ൻ ത​യാ​റാ​യ​തോ​ടെ​യാ​ണ് കു​ടും​ബം വാ​ട​ക വീ​ട്ടി​ലേ​ക്ക് മാ​റു​ന്ന​ത്. ക​ട​ൽ​ക്ഷോ​ഭ​ത്തെ തു​ട​ർ​ന്ന് വീ​ട് ന​ഷ്​​ട​പ്പെ​ട്ട് ക്യാ​മ്പി​ൽ ക​ഴി​യു​ന്ന രോ​ഗി​യാ​യ ആ​ലി​ക്കു​ട്ടി​ൻ​റ മൊ​യ്തീ​ൻ കു​ട്ടി​ക്കും കു​ടും​ബ​ത്തി​നു​മാ​ണ് സ്വ​സ്ഥ​മാ​യി ത​ല ചാ​യ്ക്കാ​ൻ ഇ​ട​മൊ​രു​ങ്ങു​ന്ന​ത്.

പൊ​ന്നാ​നി എം.​ഇ.​എ​സ് ഹൈ​സ്കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ ഒ​രു മാ​സ​ത്തി​ല​ധി​ക​മാ​യി ക​ഴി​യു​ന്ന ഇ​വ​രു​ടെ ദു​ര​വ​സ്ഥ 'മാ​ധ്യ​മം' ക​ഴി​ഞ്ഞ​ദി​വ​സം പ്ര​സി​ദ്ധീ​ക​രി​ച്ചി​രു​ന്നു. ഇ​തേ​തു​ട​ർ​ന്നാ​ണ് ഇ​വ​രെ വാ​ട​ക വീ​ട്ടി​ലേ​ക്ക് മാ​റ്റു​ന്ന​തി​നു​ള്ള സ​ഹാ​യ​വു​മാ​യി പൊ​ന്നാ​നി​യി​ലെ സ​ന്ന​ദ്ധ സം​ഘ​ട​ന​യാ​യ പൊ​ന്നാ​നി ക​ൾ​ച​റ​ൾ വേ​ൾ​ഡ് ഫൗ​ണ്ടേ​ഷ​ൻ വി​ഷ​യ​ത്തി​ൽ ഇ​ട​പെ​ട്ട​ത്. ന​ഗ​ര​സ​ഭ ചെ​യ​ർ​മാ​ൻ ശി​വ​ദാ​സ് ആ​റ്റു​പു​റ​ത്തിെൻറ നേ​തൃ​ത്വ​ത്തി​ൽ പി.​സി.​ഡ​ബ്ല്യൂ.​എ​ഫ് അം​ഗ​ങ്ങ​ൾ മൊ​യ്തീ​ൻ കു​ട്ടി​യെ സ​ന്ദ​ർ​ശി​ച്ചു. ക​ഴി​ഞ്ഞ​ദി​വ​സം പൊ​ന്നാ​നി ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ ക​ട്ടി​ലും എ​യ​ർ​ബെ​ഡും ന​ൽ​കി​യി​രു​ന്നു.

മ​ത്സ്യ​ത്തൊ​ഴി​ലാ​ളി​യാ​യ മൊ​യ്തീ​ൻ കു​ട്ടി ര​ക്ത​സ​മ്മ​ർ​ദ​ത്തെ​ത്തു​ട​ർ​ന്ന് 13 വ​ർ​ഷം മു​മ്പാ​ണ് കി​ട​പ്പി​ലാ​യ​ത്. ഇ​തോ​ടെ ഈ ​കു​ടും​ബം ഏ​റെ ദു​രി​ത​ത്തി​ലാ​യി. മ​ത്സ്യ​ത്തൊ​ഴി​ലാ​ളി​യാ​യ ഏ​ക​മ​ക​െൻറ വ​രു​മാ​നം കൊ​ണ്ട് ക​ഴി​ഞ്ഞു​കൂ​ടി​യി​രു​ന്ന കു​ടും​ബ​ത്തി‍െൻറ വീ​ട് പൂ​ർ​ണ​മാ​യും ക​ട​ലെ​ടു​ത്തു. പു​ന​ർ​ഗേ​ഹം പ​ദ്ധ​തി​യി​ൽ ഉ​ൾ​പ്പെ​ട്ട​തി​നാ​ൽ ഇ​വ​ർ​ക്കു​ള്ള വീ​ട് നി​ർ​മ്മി​ച്ചു ന​ൽ​കു​ന്ന​തി​നു​ള്ള ന​ട​പ​ടി​ക​ളും വേ​ഗ​ത്തി​ലാ​ക്കും. പൊ​തു​മ​രാ​മ​ത്ത് സ്ഥി​രം സ​മി​തി അ​ധ്യ​ക്ഷ​ൻ ഒ.​ഒ. ശം​സു, പി.​സി.​ഡ​ബ്ല്യൂ.​എ​ഫ് ഭാ​ര​വാ​ഹി​ക​ളാ​യ സി.​വി. ന​വാ​സ്, ടി.​വി. സു​ബൈ​ർ എ​ന്നി​വ​രും സ​ന്ദ​ർ​ശി​ച്ചു.