ആർഭാടങ്ങളില്ല; വൃദ്ധസദനത്തിൽ നിരഞ്ജനക്ക്​ മാംഗല്യം

പൊ​ന്നാ​നി: ജീ​വി​ത സാ​യ​ന്ത​ന​ത്തി​ൽ വൃ​ദ്ധ​സ​ദ​ന​ത്തി​ൽ ക​ഴി​യു​ന്ന​വ​രു​ടെ സാ​ന്നി​ധ്യ​ത്തി​ലാ​ക​ണം വി​വാ​ഹ​മെ​ന്ന നി​ര​ഞ്ജ​ന​യു​ടെ സ്വ​പ്ന​ത്തി​ന് സാ​ക്ഷാ​ത്കാ​രം. നി​യ​മ​സ​ഭ മു​ൻ സ്പീ​ക്ക​ർ പി. ​ശ്രീ​രാ​മ​കൃ​ഷ്‌​ണ​ന്റെ​യും ദി​വ്യ​യു​ടെ​യും മ​ക​ൾ നി​ര​ഞ്ജ​ന​യാ​ണ് ത​വ​നൂ​രി​ലെ വൃ​ദ്ധ​സ​ദ​ന​ത്തി​ൽ വി​വാ​ഹി​ത​യാ​യ​ത്. കൊ​ട്ടും കു​ര​വ​യു​മി​ല്ലാ​തെ താ​ലി​ചാ​ർ​ത്തി​യ ഇ​രു​വ​ർ​ക്കും ഗ​വ​ർ​ണ​ർ ആ​രി​ഫ് മു​ഹ​മ്മ​ദ് ഖാ​ൻ മാ​ല കൈ​മാ​റി. ശ്രീ​രാ​മ​കൃ​ഷ്ണ​ൻ ത​ല​യി​ൽ കൈ​വെ​ച്ച് അ​നു​ഗ്ര​ഹി​ച്ച​തോ​ടെ നി​ര​ഞ്ജ​ന പു​തു​ജീ​വി​ത​ത്തി​ലേ​ക്ക് പ്ര​വേ​ശി​ച്ചു. തി​രു​വ​ന​ന്ത​പു​രം പി.​ടി.​പി ന​ഗ​ർ വൈ​റ്റ്‌​പേ​ളി​ൽ ശി​വ​കു​മാ​റി​ന്റെ​യും ചി​ത്ര​ലേ​ഖ​യു​ടെ​യും മ​ക​ൻ സം​ഗീ​താ​ണ് വ​ര​ൻ. ത​വ​നൂ​ർ വൃ​ദ്ധ​സ​ദ​ന​ത്തി​ലെ സ്ഥി​രം സ​ന്ദ​ർ​ശ​ക​രാ​ണ്​ ശ്രീ​രാ​മ​കൃ​ഷ്ണ​നും കു​ടും​ബ​വും.

അ​ന്തേ​വാ​സി​ക​ൾ​ക്ക് പു​റ​മെ കു​ടും​ബാം​ഗ​ങ്ങ​ളും സു​ഹൃ​ത്തു​ക്ക​ളും ച​ട​ങ്ങി​ൽ പ​ങ്കെ​ടു​ത്തു. വി​വാ​ഹം അ​മ്പ​ല​ത്തി​ൽ വേ​ണ്ട, വൃ​ദ്ധ​സ​ദ​ന​ത്തി​ലെ അ​മ്മ​മാ​രു​ടെ മു​ന്നി​ൽ മ​തി​യെ​ന്ന​ത്​ നി​ര​ഞ്ജ​ന​യു​ടെ തീ​രു​മാ​ന​മാ​യി​രു​ന്നു.

കോ​ഴി​ക്കോ​ട് ഊ​രാ​ളു​ങ്ക​ൽ ലേ​ബ​ർ കോ​ൺ​ട്രാ​ക്ട് സ​ഹ​ക​ര​ണ സൊ​സൈ​റ്റി​യി​ലെ എ​ച്ച്.​ആ​ർ വി​ഭാ​ഗ​ത്തി​ലാ​ണ് നി​ര​ഞ്ജ​ന ജോ​ലി ചെ​യ്യു​ന്ന​ത്. മു​ഖ്യ​മ​ന്ത്രി പി​ണ​റാ​യി വി​ജ​യ​ൻ, കാ​യി​ക മ​ന്ത്രി വി. ​അ​ബ്ദു​റ​ഹി​മാ​ൻ, എം.​എ​ൽ.​എ​മാ​രാ​യ കെ.​ടി. ജ​ലീ​ൽ, പി. ​ന​ന്ദ​കു​മാ​ർ, പി. ​മ​മ്മി​ക്കു​ട്ടി, മു​ൻ മ​ന്ത്രി വി.​എ​സ്. സു​നി​ൽ​കു​മാ​ർ, മു​ൻ എം.​എ​ൽ.​എ​മാ​രാ​യ വി. ​ശ​ശി​കു​മാ​ർ, വി.​കെ.​സി. മ​മ്മ​ദ് കോ​യ, ഐ.​ജി പി. ​വി​ജ​യ​ൻ, സി.​പി.​എം ജി​ല്ല സെ​ക്ര​ട്ട​റി ഇ.​എ​ൻ. മോ​ഹ​ൻ​ദാ​സ്, പ്ര​ഫ. എം.​എം. നാ​രാ​യ​ണ​ൻ, വി.​പി. അ​നി​ൽ, സം​സ്ഥാ​ന ഹ​ജ്ജ് ക​മ്മി​റ്റി അം​ഗം കെ.​എം. മു​ഹ​മ്മ​ദ് ഖാ​സിം കോ​യ, പൊ​ന്നാ​നി മ​ഖ്ദൂം എം.​പി. മു​ത്തു​കോ​യ ത​ങ്ങ​ൾ, പി.​ടി. അ​ജ​യ് മോ​ഹ​ൻ, അ​ഷ​റ​ഫ് കോ​ക്കൂ​ർ തു​ട​ങ്ങി​യ​വ​ർ ച​ട​ങ്ങി​ൽ പ​ങ്കെ​ടു​ത്തു.