വിദൂര പ്രത്യാശയുടെ നേരിയ വെട്ടത്തിൽ മത്സ്യത്തൊഴിലാളികൾ കടലിലേക്ക്

പൊ​ന്നാ​നി: കോ​വി​ഡ് സൃ​ഷ്​​ടി​ച്ച പ്ര​തി​സ​ന്ധി ഒ​രു​ഭാ​ഗ​ത്ത്. ക​ട​ലാ​ക്ര​മ​ണം വി​ത​ച്ച ദു​രി​തം മ​റു​ഭാ​ഗ​ത്ത്. സ​ബ്സി​ഡി പോ​ലും ല​ഭി​ക്കാ​തെ കു​ത്ത​നെ ഉ​യ​രു​ന്ന ഡീ​സ​ൽ വി​ല; ഇ​ട​ക്കി​ടെ​യു​ണ്ടാ​കു​ന്ന കാ​ലാ​വ​സ്ഥ മു​ന്ന​റി​യി​പ്പും. പ്ര​തീ​ക്ഷ​ക​ൾ അ​സ്ത​മി​ച്ച കാ​ല​ത്തി​ലൂ​ടെ ക​ട​ന്നു​പോ​കു​മ്പോ​ഴും വി​ദൂ​ര​മാ​യ പ്ര​ത്യാ​ശ​യു​ടെ നേ​രി​യ വെ​ട്ട​ത്തി​ലാ​ണ് മ​ത്സ്യ​ത്തൊ​ഴി​ലാ​ളി​ക​ൾ ക​ട​ലി​ലേ​ക്കി​റ​ങ്ങാ​ൻ ത​യാ​റെ​ടു​ക്കു​ന്ന​ത്. 52 ദി​വ​സ​ത്തെ ട്രോ​ളി​ങ് നി​രോ​ധ​ന​ത്തി​നൊ​ടു​വി​ലാ​ണ് മ​റ്റൊ​രു ചാ​ക​ര​ക്കാ​ലം തേ​ടി മ​ത്സ്യ​ബ​ന്ധ​ന ബോ​ട്ടു​ക​ൾ ജൂ​ലൈ 31ന് ​അ​ർ​ധ​രാ​ത്രി​യോ​ടെ ക​ട​ലി​ലി​റ​ങ്ങു​ക.

അ​റ്റ​കു​റ്റ​പ്പ​ണി​ക​ൾ​ക്കാ​യി നേ​ര​ത്തേ​യെ​ടു​ത്ത ക​ടം പോ​ലും തി​രി​ച്ച​ട​ക്കാ​നാ​യി​ല്ലെ​ങ്കി​ലും സ്വ​ർ​ണം പ​ണ​യ​പ്പെ​ടു​ത്തി​യും വ​ലി​യ തു​ക വാ​യ്​​പ​യെ​ടു​ത്തു​മാ​ണ് ക​ട​ലി​ലേ​ക്കി​റ​ങ്ങു​ന്ന​തി​ന് മു​ന്നോ​ടി​യാ​യി അ​റ്റ​കു​റ്റ​പ്പ​ണി​ക​ൾ ന​ട​ത്തു​ന്ന​ത്. പെ​യി​ൻ​റ​ടി​ച്ചും ചെ​റി​യ രീ​തി​യി​ൽ അ​റ്റ​കു​റ്റ​പ്പ​ണി​ക​ൾ ന​ട​ത്തി​യും ബോ​ട്ടു​ക​ളു​ടെ കേ​ടു​പാ​ടു​ക​ൾ തീ​ർ​ക്കു​ന്ന തി​ര​ക്കി​ലാ​ണ് ഉ​ട​മ​ക​ൾ. ഡീ​സ​ലി​ന് ദി​നേ​ന​യു​ണ്ടാ​കു​ന്ന വി​ല വ​ർ​ധ​ന​ക്ക്​ ആ​ശ്വാ​സ​മാ​യി സ​ർ​ക്കാ​ർ സ​ബ്സി​ഡി അ​നു​വ​ദി​ക്ക​ണ​മെ​ന്നാ​ണ് മ​ത്സ്യ​ത്തൊ​ഴി​ലാ​ളി​ക​ളു​ടെ ആ​വ​ശ്യം.

കോ​വി​ഡി​െൻറ പ​ശ്ചാ​ത്ത​ല​ത്തി​ൽ ക​ര്‍ശ​ന നി​യ​ന്ത്ര​ണ​ങ്ങ​ളോ​ടെ​യാ​ണ് മ​ത്സ്യ​ബ​ന്ധ​ന​ത്തി​ന് അ​നു​മ​തി. യാ​ന​ങ്ങ​ള്‍ക്ക് ര​ജി​സ്ട്രേ​ഷ​ന്‍ ന​മ്പ​റി‍െൻറ അ​ടി​സ്ഥാ​ന​ത്തി​ല്‍ ഒ​റ്റ ഇ​ര​ട്ട അ​ക്കം പാ​ലി​ച്ച്‌ ഒ​ന്നി​ട​വി​ട്ടു​ള്ള ദി​വ​സ​ങ്ങ​ളി​ല്‍ മ​ത്സ്യ​ബ​ന്ധ​ന​ത്തി​ന് പോ​കാം. പു​റ​പ്പെ​ടു​ന്ന സ്ഥ​ല​ത്തു​ത​ന്നെ നി​ര്‍ബ​ന്ധ​മാ​യും തി​രി​ച്ചെ​ത്ത​ണം. നി​യ​ന്ത്രി​ത മേ​ഖ​ല​ക​ളി​ലും മ​ത്സ്യ​ബ​ന്ധ​ന​മാ​കാം. ഇ​വി​ടെ പി​ടി​ക്കു​ന്ന മ​ത്സ്യ​ങ്ങ​ള്‍ അ​ത​ത് സ്ഥ​ല​ത്തു​ത​ന്നെ വി​ല്‍പ​ന ന​ട​ത്ത​ണം. പു​റ​ത്ത് പോ​കാ​ന്‍ പാ​ടി​ല്ല. അ​ധി​ക​മു​ള്ള മ​ത്സ്യം സ​ഹ​ക​ര​ണ സം​ഘ​ങ്ങ​ള്‍ വ​ഴി മാ​ർ​ക്ക​റ്റു​ക​ളി​ലെ​ത്തി​ക്കാം. മ​ത്സ്യ ലേ​ലം പൂ​ര്‍ണ​മാ​യും ഒ​ഴി​വാ​ക്ക​ണം. തു​റ​മു​ഖ​ങ്ങ​ളി​ല്‍ ഹാ​ര്‍ബ​ര്‍ മാ​നേ​ജ്മെൻറ്​ സൊ​സൈ​റ്റി​ക​ളും ലാ​ന്‍ഡി​ങ് സെൻറ​റു​ക​ളി​ല്‍ ജ​ന​കീ​യ ക​മ്മി​റ്റി​ക​ളും വി​ല നി​ശ്ച​യി​ക്കും.

ഒ​ന്ന​ര​മാ​സം ക​ര​യി​ൽ നി​ർ​ത്തി​യി​ട്ടി​രു​ന്ന ബോ​ട്ടു​ക​ളു​ടെ എ​ൻ​ജി​െൻറ പ്ര​വ​ർ​ത്ത​ന​ക്ഷ​മ​ത പ​രി​ശോ​ധ​ന​യും ബോ​ട്ടു​ക​ളി​ലേ​ക്കാ​വ​ശ്യ​മാ​യ വ​ല​ക​ളും മ​റ്റു ഉ​പ​ക​ര​ണ​ങ്ങ​ളും ഉ​ൾ​പ്പെ​ടെ​യു​ള്ള​വ എ​ത്തി​ക്കു​ന്ന പ്ര​വ​ർ​ത്ത​ന​ങ്ങ​ളു​മാ​യി തൊ​ഴി​ലാ​ളി​ക​ൾ സ​ജീ​വ​മാ​യി. പൊ​ന്നാ​നി ഹാ​ർ​ബ​റി​ൽ നി​ര​വ​ധി ബോ​ട്ടു​ക​ളാ​ണ് അ​വ​സാ​ന​ഘ​ട്ട മി​നു​ക്കു​പ​ണി​ക​ളി​ൽ ഏ​ർ​പ്പെ​ട്ട​ത്.

കോ​വി​ഡ് പ്ര​തി​സ​ന്ധി​യെ​ത്തു​ട​ർ​ന്ന് ബോ​ട്ടു​ക​ളു​ടെ അ​റ്റ​കു​റ്റ​പ്പ​ണി​ക​ൾ നാ​മ​മാ​ത്ര​മാ​യാ​ണ് ന​ട​ത്തി​യ​ത്. മ​ത്സ്യ​ങ്ങ​ളു​ടെ പ്ര​ജ​ന​ന​കാ​ല​വും പൂ​ർ​ത്തി​യാ​യ​തോ​ടെ തീ​ര​ക്ക​ട​ലി​ലു​ൾ​പ്പെ​ടെ മ​ത്സ്യ​ങ്ങ​ൾ ധാ​രാ​ള​മു​ണ്ടാ​വു​മെ​ന്നാ​ണ് തൊ​ഴി​ലാ​ളി​ക​ൾ പ​റ​യു​ന്ന​ത്. ആ​ഴ​ക്ക​ട​ൽ മ​ത്സ്യ​ബ​ന്ധ​ന​ത്തി​നാ​യാ​ണ് മി​ക്ക ബോ​ട്ടു​ക​ളും ക​ട​ലി​ലേ​ക്കി​റ​ങ്ങു​ന്ന​ത്. നി​യ​ന്ത്ര​ണ​ങ്ങ​ളു​ണ്ടെ​ങ്കി​ലും മ​റ്റൊ​രു പ​ഞ്ഞ​മാ​സ​ക്കാ​ല​ത്തി​ന് അ​റു​തി​യാ​യി സ​മൃ​ദ്ധി​യു​ടെ നാ​ളു​ക​ൾ ഉ​ണ്ടാ​വു​മെ​ന്നാ​ണ് തൊ​ഴി​ലാ​ളി​ക​ളു​ടെ പ്ര​തീ​ക്ഷ.