കാ​ലാ​വ​സ്ഥ വ്യ​തി​യാ​ന​വും പ്ലാ​സ്റ്റി​ക്കി​ന്റെ അ​തി​പ്ര​സ​ര​വും; ക​ട​ലി​ലെ ആ​വാ​സ​വ്യ​വ​സ്ഥ​ക്ക് തി​രി​ച്ച​ടി

പൊ​ന്നാ​നി: കാ​ലാ​വ​സ്ഥ​യി​ലു​ണ്ടാ​കു​ന്ന മാ​റ്റ​വും ക​ട​ലി​ലെ​ത്തു​ന്ന പ്ലാ​സ്റ്റി​ക് മാ​ലി​ന്യ​ങ്ങ​ളു​ടെ അ​തി​പ്ര​സ​ര​വും മ​ത്സ്യ​ങ്ങ​ളു​ടെ​യും മ​റ്റു സ​മു​ദ്ര​ജീ​വി​ക​ളു​ടെ​യും വം​ശ​നാ​ശ​ത്തി​നി​ട​യാ​ക്കു​ന്ന​താ​യി പ​ഠ​ന റി​പ്പോ​ർ​ട്ടു​ക​ൾ.

സ​മു​ദ്ര​ത്തി​ലെ ഉ​പ​രി​ത​ല​ത്തി​ൽ വ​ർ​ഷ​ങ്ങ​ളാ​യി ചൂ​ട് വ​ർ​ധി​ച്ചു​വ​രു​ന്ന​ത് ഉ​പ​രി​ത​ല മ​ത്സ്യ​ങ്ങ​ളു​ടെ ല​ഭ്യ​ത​യി​ൽ വ​ൻ കു​റ​വു​ണ്ടാ​ക്കി​യ​താ​യാ​ണ് സെ​ൻ​ട്ര​ൽ മ​റൈ​ൻ ഫി​ഷ​റീ​സി​ന്റെ പ​ഠ​ന റി​പ്പോ​ർ​ട്ടു​ക​ൾ ചൂ​ണ്ടി​ക്കാ​ട്ടു​ന്ന​ത്. ഇ​തു​മൂ​ലം അ​യ​ല ഉ​ൾ​പ്പെ​ടെ മ​ത്സ്യ​വ​ർ​ഗ​ങ്ങ​ൾ താ​ഴേ​ത​ട്ടി​ലേ​ക്കും മ​റ്റി​ട​ങ്ങ​ളി​ലേ​ക്കും കു​ടി​യേ​റ്റം ന​ട​ത്തു​ന്നു​വെ​ന്നു​മാ​ണ് ഈ ​മേ​ഖ​ല​യി​ലെ വി​ദ​ഗ്ധ​ർ ചൂ​ണ്ടി​ക്കാ​ട്ടു​ന്ന​ത്.

ക​ട​ൽ വെ​ള്ള​ത്തി​ന്റെ അ​മ്ല​ത്വം കു​റ​യു​ന്ന​ത് മൂ​ലം പ​വി​ഴ​പ്പു​റ്റു​ക​ൾ ഉ​ൾ​പ്പെ​ടെ​യു​ള്ള ജീ​വ​ജാ​ല​ങ്ങ​ളു​ടെ നി​ല​നി​ൽ​പ്പ് ത​ന്നെ ഭീ​ഷ​ണി​യി​ലാ​ണ്. കൂ​ടാ​തെ ക​ട​ലി​ലെ ആ​വാ​സ വ്യ​വ​സ്ഥ​യി​ലെ മാ​റ്റം മ​ത്സ്യ​ങ്ങ​ളു​ടെ പ്ര​ജ​ന​ന​ത്തേ​യും സാ​ര​മാ​യി ബാ​ധി​ക്കു​ന്നു​ണ്ട്. ഉ​യ​ർ​ന്ന താ​പ​വും അ​മ്ല​ത്വ​ത്തി​ന്റെ കു​റ​വും​മൂ​ലം മ​ത്സ്യ​ങ്ങ​ൾ മു​ട്ട​യി​ടു​ന്ന​തും കു​ഞ്ഞു​ങ്ങ​ൾ വി​രി​യു​ന്ന​തും ഗ​ണ്യ​മാ​യി കു​റ​ഞ്ഞു​വെ​ന്നാ​ണ് റി​പ്പോ​ർ​ട്ടു​ക​ൾ. ഇ​തി​നി​ടെ വി​വി​ധ ജ​ലാ​ശ​യ​ങ്ങ​ൾ വ​ഴി ഒ​ഴു​കി​യെ​ത്തു​ന്ന പ്ലാ​സ്റ്റി​ക് മാ​ലി​ന്യം വ്യാ​പ​ക​മാ​യി ക​ട​ലാ​മ​ക​ളു​ടെ​യും ക​ട​ൽ കാ​ക്ക​ക​ളു​ടെ​യും കു​ട​ലി​ൽ നി​ന്നും ല​ഭി​ച്ചി​ട്ടു​ണ്ട്.

മ​ത്സ്യ​ങ്ങ​ളി​ൽ​നി​ന്ന് സൂ​ക്ഷ്മ​ങ്ങ​ളാ​യ പ്ലാ​സ്റ്റി​ക്കും സെ​ൻ​ട്ര​ൽ മ​റൈ​ൻ ഫി​ഷ​റീ​സും നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഓ​ഷ്യാ​നോ​ഗ്ര​ഫി​യും ന​ട​ത്തി​യ പ​രി​ശോ​ധ​ന​ക​ളി​ലും ക​ണ്ടെ​ത്തി​യി​ട്ടു​ണ്ട്. സ​മു​ദ്ര​ത്തി​ലെ ജീ​വി​വ​ർ​ഗ​ങ്ങ​ളു​ടെ നി​ല​നി​ൽ​പ്പി​നെ ത​ന്നെ ബാ​ധി​ക്കു​ന്ന ത​ര​ത്തി​ലാ​ണ് ഓ​രോ വ​ർ​ഷ​വും ക​ഴി​യും​തോ​റും പ്ര​തി​കൂ​ല ഘ​ട​ക​ങ്ങ​ൾ വ​ർ​ധി​ക്കു​ന്ന​ത്.