ന​ഷ്ട​ങ്ങ​ളു​ടെ മ​റ്റൊ​രു സീ​സ​ണും അ​വ​സാ​ന​ത്തി​ലേ​ക്ക്

പൊ​ന്നാ​നി: ക​ട​ലൊ​ന്ന് ശാ​ന്ത​മാ​കു​മ്പോ​ൾ പ്ര​തീ​ക്ഷ​യു​ടെ തു​ഴ​യെ​റി​ഞ്ഞ് ക​ട​ലി​ലി​റ​ങ്ങു​മ്പോ​ഴേ​ക്കും കാ​ലാ​വ​സ്ഥ മു​ന്ന​റി​യി​പ്പ്, മാ​സ​ങ്ങ​ൾ​ക്ക് ശേ​ഷം ക​ട​ലി​ലി​റ​ങ്ങി​യാ​ൽ മ​ത്സ്യ​ല​ഭ്യ​ത കു​റ​ഞ്ഞ​തി​നാ​ൽ വെ​റും​കൈ​യോ​ടെ തി​രി​ച്ചു​വ​ര​വ്. ഇ​തി​നി​ടെ തൊ​ഴി​ലാ​ളി​ക​ളെ​യും ബോ​ട്ടു​ട​മ​ക​ളെ​യും വ​ല​ച്ച് സ​ർ​ക്കാ​രി​ന്റെ തൊ​ഴി​ലാ​ളി വി​രു​ദ്ധ ന​യ​ങ്ങ​ളും. ക​ടം വാ​ങ്ങി​യും ലോ​ണെ​ടു​ത്തും ക​ട​ലി​ലി​റ​ങ്ങി​യ മ​ത്സ്യ​ത്തൊ​ഴി​ലാ​ളി​ക​ൾ​ക്ക് നി​രാ​ശ മാ​ത്രം സ​മ്മാ​നി​ച്ച ഒ​രു സീ​സ​ൺ കൂ​ടി പി​ന്നി​ടു​ന്നു. ജൂ​ൺ 10 മു​ത​ൽ ജൂ​ലൈ 31 വ​രെ ട്രോ​ളി​ങ് നി​രോ​ധ​നം.

മ​ത്സ്യ​ങ്ങ​ളു​ടെ പ്ര​ജ​ന​നകാ​ലം ക​ണ​ക്കി​ലെ​ടു​ത​ത് 52 ദി​വ​സ​ത്തെ ട്രോ​ളി​ങ് നി​രോ​ധ​ന​മാ​ണ് ഏ​ർ​പ്പെ​ടു​ത്തി​യ​ത്. ഈ ​സ​മ‍യ​ത്ത് ക​ര​യി​ൽ​നി​ന്നും 12 നോ​ട്ടി​ക്ക​ൽ മൈ​ൽ വ​രെ​യു​ള്ള മേ​ഖ​ല​യി​ൽ ട്രോ​ളി​ങ് ന​ട​ത്തു​ന്ന​വ​ർ​ക്കെ​തി​രെ‍യും ക​ർ​ശ​ന ന​ട​പ​ടി​യു​ണ്ടാ​കും. ട്രോ​ളി​ങ് നി​രോ​ധ​ന കാ​ല​ത്ത് തീ​ര​ക്ക​ട​ലി​ൽ മ​ത്സ്യ​ബ​ന്ധ​നം ന​ട​ത്താ​ന്‍ ചെ​റു​വ​ള്ള​ങ്ങ​ൾ​ക്ക് നി​രോ​ധ​ന​മി​ല്ല. 4000ത്തോ​ളം ട്രോ​ൾ ബോ​ട്ടു​ക​ൾ​ക്കും വി​ദൂ​ര മേ​ഖ​ല​ക​ളി​ലേ​ക്ക് മീ​ന്‍ പി​ടി​ക്കാ​ന്‍ പോ​കു​ന്ന ബോ​ട്ടു​ക​ൾ​ക്കും ഈ ​നി​രോ​ധ​നം ബാ​ധ​ക​മാ​ണ്.

ജൂ​ൺ 10 മു​ത​ൽ 52 ദി​വ​സം പ​ട്ടി​ണി​യു​ടെ​യും പ​രി​വ​ട്ട​ത്തി​ന്റേ​യും ദി​ന​ങ്ങ​ൾ. 10 മാ​സ​ത്തെ സീ​സ​ണി​ൽ ഈ ​വ​ർ​ഷം ആ​കെ ക​ട​ലി​ലി​റ​ങ്ങാ​നാ​യ​ത് നാ​ല​ഞ്ച് മാ​സം മാ​ത്രം. ദു​രി​ത​ങ്ങ​ൾ മാ​ത്ര​മാ​യി​രു​ന്നു ക​ഴി​ഞ്ഞ കാ​ല​യ​ള​വി​ൽ മ​ത്സ്യ​മേ​ഖ​ല അ​ഭി​മു​ഖീ​ക​രി​ച്ച​ത്. ക​ട​ലാ​ക്ര​മ​ണ​വും കാ​ലാ​വ​സ്ഥ മു​ന്ന​റി​യി​പ്പും മ​ത്സ്യ​ല​ഭ്യ​ത​ക്കു​റ​വും മൂ​ലം തീ​രം നേ​ര​ത്തെ ത​ന്നെ പ​ട്ടി​ണി​യി​ലേ​ക്ക് നീ​ങ്ങി. മാ​സ​ങ്ങ​ൾ​ക്ക് മു​മ്പു​ണ്ടാ​യ ക​ട​ലാ​ക്ര​മ​ണ​ത്തി​ന്റെ ദു​രി​തം ഇ​നി​യും വി​ട്ടു മാ​റി​യി​ട്ടി​ല്ല. ഇ​നി​യു​ള്ള ദി​വ​സ​ങ്ങ​ളി​ൽ ബോ​ട്ടു​ക​ളു​ടെ​യും വ​ല​ക​ളു​ടെ​യും അ​റ്റ​കു​റ്റ​പ​ണി​ക​ളു​ടെ കാ​ല​മാ​ണ്.

ട്രോ​ളി​ങ് നി​രോ​ധ​ന കാ​ല​യ​ള​വി​ൽ സൗ​ജ​ന്യ റേ​ഷ​ൻ മാ​ത്ര​മാ​ണ് ല​ഭി​ക്കു​ന്ന​ത്. ആ​ശ്വാ​സ ധ​ന​സ​ഹാ​യം കൂ​ടി ല​ഭ്യ​മാ​ക്ക​ണ​മെ​ന്നാ​ണ് തൊ​ഴി​ലാ​ളി​ക​ളു​ടെ ആ​വ​ശ്യം. ട്രോ​ളി​ങ് നി​രോ​ധ​നം തു​ട​ങ്ങു​ന്ന​തി​ന് മു​മ്പു​ത​ന്നെ ഇ​ത​ര സം​സ്ഥാ​ന ബോ​ട്ടു​ക​ള്‍ തീ​രം വി​ട്ടു​പോ​യെ​ന്ന് ഉ​റ​പ്പാ​ക്കി.