പൊന്നാനി ഹാർബറിലെ 24 കോടിയുടെ പ്രവർത്തനങ്ങൾ ടെൻഡറിലേക്ക്

പൊ​ന്നാ​നി: പൊ​ന്നാ​നി ഹാ​ർ​ബ​റി​ലെ 24 കോ​ടി രൂ​പ​യു​ടെ പ്ര​വ​ർ​ത്ത​ന​ങ്ങ​ൾ ടെ​ൻ​ഡ​ർ ന​ട​പ​ടി​യി​ലേ​ക്ക് നീ​ങ്ങു​ന്നു. അ​ഴി​മു​ഖ​ത്തെ മ​ണ​ൽ​തി​ട്ട​ക​ൾ നീ​ക്കം ചെ​യ്ത് ആ​ഴം കൂ​ട്ട​ലും പു​തി​യ വാ​ർ​ഫ് നി​ർ​മാ​ണ​വു​മു​ൾ​പ്പെ​ടെ​യു​ള്ള പ്ര​വൃ​ത്തി​ക​ളാ​ണ് ടെ​ൻ​ഡ​റി​ലേ​ക്ക് നീ​ങ്ങു​ന്ന​ത്. പ്ര​വ​ർ​ത്ത​ന​ങ്ങ​ൾ ഏ​കോ​പി​പ്പി​ക്കാ​ൻ ഹാ​ർ​ബ​ർ മാ​നേ​ജ്മെൻറ് ക​മ്മ​റ്റി​ക്ക് രൂ​പം ന​ൽ​കി.

ഹാ​ർ​ബ​റി​ൽ സൗ​ക​ര്യ​ങ്ങ​ൾ ഒ​രു​ക്കാ​നും സൗ​ന്ദ​ര്യ​വ​ത്ക​ര​ണ പ്ര​വ​ർ​ത്ത​ന​ങ്ങ​ൾ​ക്കു​മാ​യി വ​ക​യി​രു​ത്തി​യ 24 കോ​ടി​യു​ടെ പ്ര​വ​ർ​ത്ത​ന​ങ്ങ​ളിലാണ് ടെ​ൻ​ഡ​ർ ന​ട​പ​ടി​കളാകുന്ന​ത്. പ്രവൃത്തി ഒ​രു മാ​സ​ത്തി​ന​കം പൂ​ർ​ത്തീ​ക​രി​ക്കും.

ഹാ​ർ​ബ​ർ മാ​നേ​ജ്മെൻറ് ക​മ്മ​റ്റി രൂ​പീ​ക​ര​ണ യോ​ഗ​ത്തി​ൽ പി. ​ന​ന്ദ​കു​മാ​ർ എം.​എ​ൽ.​എ അ​ധ്യ​ക്ഷ​ത വ​ഹി​ച്ചു. ടോ​ൾ പി​രി​വു​മാ​യി ബ​ന്ധ​പ്പെ​ട്ട ക​രാ​ർ ന​ട​പ​ടി​ക​ൾ പ​രി​ശോ​ധി​ക്കാ​ൻ യോ​ഗ​ത്തി​ൽ തീ​രു​മാ​ന​മാ​യി.

ബോ​ട്ടു​ക​ളു​ടെ​യും, തൊ​ഴി​ലാ​ളി​ക​ളു​ടെ​യും പൂ​ർ​ണ​വി​വ​ര​ങ്ങ​ൾ ശേ​ഖ​രി​ക്കാ​ൻ ഫി​ഷ​റീ​സ് വ​കു​പ്പി​ന് നി​ർ​ദേ​ശം ന​ൽ​കി. ഹാ​ർ​ബ​റി​ലെ മ​ത്സ്യ​ങ്ങ​ൾ പ​രി​ശോ​ധി​ച്ച് ഗു​ണ​നി​ല​വാ​രം ഉ​റ​പ്പ് വ​രു​ത്താ​ൻ ഭ​ക്ഷ്യ​സു​ര​ക്ഷ വ​കു​പ്പി​നോ​ട് ആ​വ​ശ്യ​പ്പെ​ട്ടു. സ​ബ് ക​ല​ക്ട​ർ സ​ച്ചി​ൻ കു​മാ​ർ യാ​ദ​വ്, ത​ഹ​സി​ൽ​ദാ​ർ സു​രേ​ഷ് കു​മാ​ർ, വ​കു​പ്പ് ഉ​ദ്യോ​ഗ​സ്ഥ​ർ, മ​ത്സ്യ​ത്തൊ​ഴി​ലാ​ളി പ്ര​തി​നി​ധി​ക​ൾ എ​ന്നി​വ​ർ യോ​ഗ​ത്തി​ൽ പ​ങ്കെ​ടു​ത്തു