ഭി​ന്ന​ശേ​ഷി വി​ദ്യാ​ര്‍ഥി​ക​ൾ​ക്ക് പ്ര​ത്യേ​ക പ​രി​ച​ര​ണ കേ​ന്ദ്ര​ങ്ങ​ളാ​രം​ഭി​ക്കാ​ൻ ന​ട​പ​ടി​യി​ല്ല

കൊ​ണ്ടോ​ട്ടി: ഭി​ന്ന​ശേ​ഷി​ക്കാ​രാ​യ വി​ദ്യാ​ര്‍ഥി​ക​ളു​ടെ ക്ഷേ​മ​ത്തി​നും ചി​കി​ത്സ​ക്കും പ​രി​ശീ​ല​ന​ത്തി​നും പു​ന​ര​ധി​വാ​സ​ത്തി​നു​മു​ള്ള പ്ര​വ​ര്‍ത്ത​ന​ങ്ങ​ളി​ല്‍ വി​ദ്യാ​ഭ്യാ​സ വ​കു​പ്പി​ന്​ അ​നാ​സ്ഥ. ശ്ര​വ​ണ വൈ​ക​ല്യം, സം​സാ​ര വൈ​ക​ല്യം, ഓ​ട്ടി​സം, ബു​ദ്ധി​പ​ര​മാ​യ വെ​ല്ലു​വി​ളി നേ​രി​ടു​ന്ന​വ​ര്‍, പ​ഠ​ന വൈ​ക​ല്യം എ​ന്നി​വ നേ​രി​ടു​ന്ന 600ല​ധി​കം വി​ദ്യാ​ര്‍ഥി​ക​ളാ​ണ് ജി​ല്ല​യി​ലെ ഓ​രോ വി​ദ്യാ​ഭ്യാ​സ ഉ​പ​ജി​ല്ല​ക​ളി​ലും പൊ​തു​മേ​ഖ​ല വി​ദ്യാ​ല​യ​ങ്ങ​ളി​ല്‍ പ​ഠി​ക്കു​ന്ന​ത്. ഇ​വ​ര്‍ക്കാ​യി ഉ​പ​ജി​ല്ലാ​ടി​സ്ഥാ​ന​ത്തി​ല്‍ ഫി​സി​യോ​തെ​റ​പ്പി ഉ​ള്‍പ്പെ​ടെ പ്ര​ത്യേ​ക പ​രി​ച​ര​ണ കേ​ന്ദ്ര​ങ്ങ​ള്‍ വേ​ണ​മെ​ന്ന ആ​വ​ശ്യം ശ​ക്ത​മാ​ണ്. എ​ന്നാ​ല്‍ ഇ​ക്കാ​ര്യ​ത്തി​ല്‍ അ​നു​ഭാ​വ​പൂ​ര്‍വ ഇ​ട​പെ​ട​ല്‍ വി​ദ്യാ​ഭ്യാ​സ വ​കു​പ്പി​ല്‍ നി​ന്നി​ല്ല.

മ​ഞ്ചേ​രി ഉ​പ​ജി​ല്ല​യി​ല്‍ ബി.​ആ​ര്‍.​സി​യോ​ട് ചേ​ര്‍ന്നു മാ​ത്ര​മാ​ണ് ഭി​ന്ന​ശേ​ഷി വി​ദ്യാ​ര്‍ഥി​ക​ളു​ടെ ക്ഷേ​മ​ത്തി​നാ​യു​ള്ള ഏ​ക കേ​ന്ദ്രം പ്ര​വ​ര്‍ത്തി​ക്കു​ന്ന​ത്. ഫി​സി​യോ തെ​റ​പ്പി, കേ​ള്‍വി സം​ബ​ന്ധ​മാ​യ വെ​ല്ലു​വി​ളി നേ​രി​ടു​ന്ന വി​ദ്യാ​ർ​ഥി​ക​ള്‍ക്കു​ള്ള ബ്രെ​യി​ന്‍ സ്റ്റെം ​ഇ​വോ​ക്ക്ഡ് റെ​സ്‌​പോ​ണ്‍സ് അ​സ​സ്‌​മെ​ന്റ് (ബെ​റാ) എ​ന്ന കേ​ള്‍വി പ​രി​ശോ​ധ​ന സം​വി​ധാ​നം, കേ​ള്‍വി പ​രി​ശോ​ധ​ന​യ്ക്കു​ള്ള പി​ടി​എ, ഇ​മ്മി​റ്റ​ന്‍സ് ഓ​ഡി​യോ​മെ​ട്രി, എ.​ഒ.​ഇ തു​ട​ങ്ങി​യ പ​രി​ശോ​ധ​ന​ക​ള്‍ ന​ട​ക്കു​ന്നു​ണ്ട്.

ഒ​പ്പം സം​സാ​ര വെ​ല്ലു​വി​ളി നേ​രി​ടു​ന്ന കു​ട്ടി​ക​ള്‍ക്കാ​യി സ്പീ​ച്ച് തെ​റ​പ്പി തു​ട​ങ്ങി​യ സേ​വ​ന​ങ്ങ​ള്‍ക്കാ​യാ​ണ് പ്ര​ത്യേ​ക അ​ക്വാ​സ്റ്റി​ക് സെ​ന്റ​ര്‍ ആ​രം​ഭി​ച്ച​ത്. എ​ന്നാ​ല്‍ ഇ​തി​ന്റെ പ്ര​വ​ര്‍ത്ത​ന​വും നാ​മ​മാ​ത്ര​മാ​ണ്. മ​ഞ്ചേ​രി ഉ​പ​ജി​ല്ല​യി​ലെ പൊ​തു​മേ​ഖ​ല വി​ദ്യാ​ല​യ​ങ്ങ​ളി​ല്‍ പ​ഠി​ക്കു​ന്ന സാ​ധാ​ര​ണ​ക്കാ​രാ​യ ഭി​ന്ന​ശേ​ഷി വി​ദ്യാ​ര്‍ഥി​ക​ള്‍ക്ക് സൗ​ജ​ന്യ​മാ​യി ഇ​ത്ത​രം സേ​വ​ന​ങ്ങ​ള്‍ ല​ഭി​ക്കാ​ന്‍ മ​ഞ്ചേ​രി​യി​ലെ അ​ക്വാ​സ്റ്റി​ക് സെ​ന്റ​ര്‍ മാ​തൃ​ക​യി​ല്‍ എ​ല്ലാ വി​ദ്യാ​ഭ്യാ​സ ഉ​പ​ജി​ല്ല​ക​ളി​ലും പ്ര​ത്യേ​ക കേ​ന്ദ്രം വേ​ണ​മെ​ന്നാ​ണ് ര​ക്ഷി​താ​ക്ക​ള്‍ ആ​വ​ശ്യ​പ്പെ​ടു​ന്ന​ത്.

കേ​ള്‍വി സം​ബ​ന്ധ​മാ​യ പ്ര​ശ്‌​ന​ങ്ങ​ള്‍ ക​ണ്ടു​പി​ടി​ക്കു​ന്ന​തി​നു​ള്ള ബെ​റാ സം​വി​ധാ​നം ജി​ല്ല​ക്ക​ടു​ത്ത് സ​ര്‍ക്കാ​ര്‍ മേ​ഖ​ല​യി​ല്‍ കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ല്‍ മാ​ത്ര​മാ​ണു​ള്ള​ത്.

സ്വ​കാ​ര്യ ആ​ശു​പ​ത്രി​ക​ളി​ല്‍ ഈ ​പ​രി​ശോ​ധ​ന​യു​ണ്ടെ​ങ്കി​ലും ഭീ​മ​മാ​യ ചെ​ല​വ് സാ​ധാ​ര​ണ​ക്കാ​രാ​യ ര​ക്ഷി​താ​ക്ക​ള്‍ക്ക് താ​ങ്ങാ​നാ​കു​ന്നി​ല്ല. സം​സാ​ര വൈ​ക​ല്യ​മു​ള്ള കു​ട്ടി​ക​ള്‍ക്ക് സ്ഥി​ര​മാ​യി ന​ല്‍കേ​ണ്ട പ​രി​ശീ​ല​ന​ത്തി​നും ഓ​ട്ടി​സം പോ​ലു​ള്ള പ്ര​ശ്‌​ന​ങ്ങ​ള്‍ നേ​രി​ടു​ന്ന കു​ട്ടി​ക​ള്‍ക്കാ​യി ഫി​സി​യോ​തെ​റ​പ്പി​ക്കും സ്വ​കാ​ര്യ കേ​ന്ദ്ര​ങ്ങ​ളെ ആ​ശ്ര​യി​ക്കേ​ണ്ടി വ​രു​ന്ന​ത് നി​ര്‍ധ​ന കു​ടും​ബ​ങ്ങ​ളെ ത​ള​ര്‍ത്തു​ക​യാ​ണ്.