കു​രു​ക്ക​ഴി​ക്കാ​ൻ വേ​ണം, ഇ​ടറോ​ഡു​ക​ൾ

പെ​രി​ന്ത​ൽ​മ​ണ്ണ: ഗ​താ​ഗ​ത​ക്കു​രു​ക്കി​ൽ വാ​ഹ​ന​ങ്ങ​ൾ നി​ശ്ച​ല​മാ​വു​ന്ന പെ​രി​ന്ത​ൽ​മ​ണ്ണ-​ഊ​ട്ടി റോ​ഡി​ലെ ബൈ​പ്പാ​സ് ജ​ങ്ഷ​ന് സ​മാ​​ന്ത​ര​മാ​യി ക​ട​ന്നു പോ​വു​ന്ന വീ​തി കൂ​ട്ടി​യ ഹൈ​സ്കൂ​ൾ​പ​ടി-​ക​ക്കൂ​ത്ത് റോ​ഡ് മാ​ട് റോ​ഡി​ലേ​ക്ക് മു​ട്ടി​ക്കാ​ൻ ആ​വ​ശ്യം. റോ​ഡ് വീ​തി കൂ​ട്ടി ബി.​എം.​ആ​ന്റ് ബി.​സി പ്ര​വൃ​ത്തി ഒ​ന്നാം​ഘ​ട്ടം ഏ​താ​നും മാ​സം മു​മ്പാ​ണ് പൂ​ർ​ത്തി​യാ​ക്കി​യ​ത്. ന​ജീ​ബ് കാ​ന്ത​പു​രം എം.​എ​ൽ.​എ​യു​ടെ ആ​സ്തി​വി​ക​സ​ന ഫ​ണ്ടി​ൽ​നി​ന്ന് ര​ണ്ടു കോ​ടി നീ​ക്കി​വെ​ച്ചാ​ണ് പ്ര​വൃ​ത്തി ന​ട​ത്തി​യ​ത്. മേ​ലാ​റ്റൂ​ർ, ക​രു​വാ​ര​കു​ണ്ട്, ആ​ഞ്ചി​ല​ങ്ങാ​ടി ഭാ​ഗ​ങ്ങ​ളി​ൽ​നി​ന്ന് പെ​രി​ന്ത​ൽ​മ​ണ്ണ ടൗ​ണി​ലേ​ക്ക് വ​രു​ന്ന വാ​ഹ​ന​ങ്ങ​ൾ എ​ളു​പ്പ​വ​ഴി​യാ​യി കാ​ണു​ന്ന​താ​ണീ മ​ണ്ണാ​ർ​മ​ല മാ​ട് റോ​ഡ്. ഈ ​വ​ഴി പോ​വു​ന്ന വാ​ഹ​ന​ങ്ങ​ൾ​ക്ക് ബൈ​പ്പാ​സ് ജ​ങ്ഷ​ൻ (ചി​ല്ലീ​സ് ജ​ങ്ഷ​ൻ) വ​ഴി പോ​വാ​തെ പെ​രി​ന്ത​ൽ​മ​ണ്ണ ടൗ​ണി​ലെ​ത്താ​മെ​ന്ന​താ​ണ് ഗു​ണം. ഊ​ട്ടി റോ​ഡി​ൽ ബൈ​പ്പാ​സ് ജ​ങ്ഷ​ന്റെ​യും ടൗ​ണി​ലെ ട്രാ​ഫി​ക് ജ​ങ്ഷ​ന്റെ​യും ഇ​ട​യി​ൽ ഒ​ന്ന​ര കി​ലോ​മീ​റ്റ​ർ വീ​തി കു​റ​വാ​യ​തും ഇ​രു ബൈ​പ്പാ​സി​ലൂ​ടെ​യും എ​ത്തു​ന്ന വാ​ഹ​ന​ങ്ങ​ളു​ടെ ആ​ധി​ക്യ​വും കാ​ര​ണ​വും ഗ​താ​ഗ​ത​ക്കു​രു​ക്ക് സ്ഥി​രം സം​ഭ​വ​മാ​ണി​വി​ടെ.

ന​ഗ​ര​സ​ഭ​യി​ൽ വാ​ർ​ഡ് അ​ഞ്ച് കു​ളി​ർ​മ​ല, വാ​ർ​ഡ് മൂ​ന്ന് ക​ക്കൂ​ത്ത് എ​ന്നി​വ​യി​ലൂ​ടെ​യാ​ണ് പ​ണി പൂ​ർ​ത്തി​യാ​യ ര​ണ്ടു കി.​മീ റോ​ഡ് ക​ട​ന്നു പോ​വു​ന്ന​ത്. പെ​രി​ന്ത​ൽ​മ​ണ്ണ ഊ​ട്ടി​റോ​ഡി​ലും ചി​ല്ലീ​സ് ജ​ങ്ഷനിലും കു​രു​ക്ക​ഴി​ക്കാ​ൻ തു​ട​ങ്ങി​വെ​ച്ച ടൗ​ൺ​ഹാ​ൾ-​ക​ക്കൂ​ത്ത് റോ​ഡ് പ​ദ്ധ​തി​യി​ൽ ഒ​രു കി.​മീ ഭാ​ഗം കൂ​ടി പ്ര​വൃ​ത്തി ന​ട​ത്താ​ൻ ബാ​ക്കി​യു​ണ്ട്. ഈ ​ഭാ​ഗം വീ​തി കൂ​ട്ടി ബി.​എം ആ​ൻഡ് ബി.​സി പ്ര​വൃ​ത്തി ന​ട​ത്തി​യാ​ൽ ബൈ​പ്പാ​സ് ജ​ങ്ഷ​നി​ൽ കു​രു​ക്ക് ഏ​റെ​ക്കു​റെ പൂ​ർ​ണ​മാ​യും അ​ഴി​ക്കാം. ഈ ​പ​ദ്ധ​തി​ക്ക് തു​ക ക​ണ്ടെ​ത്തു​മെ​ന്ന് ന​ജീ​ബ് കാ​ന്ത​പു​രം എം. ​എ​ൽ. എ ​ഒ​ന്നാം ഘ​ട്ടം ഉ​ദ്ഘാ​ട​ന വേ​ള​യി​ൽ അ​റി​യി​ച്ചി​രു​ന്നു.

പു​തു​താ​യി ഭൂ​മി ഏ​റ്റെ​ടു​ക്കാ​തെ നി​ല​വി​ലെ മ​രാ​മ​ത്ത് ഭൂ​മി പ​ര​മാ​വ​ധി റോ​ഡി​ലേ​ക്ക് ചേ​ർ​ത്തും വൈ​ദ്യു​തി തൂ​ണു​ക​ൾ മാ​റ്റി​സ്ഥാ​പി​ച്ച് സ്ഥ​ലം ക​ണ്ടെ​ത്തി​യു​മാ​ണ് ഒ​ന്നാം ഘ​ട്ടം വീ​തി കൂ​ട്ടി​യ​ത്. മാ​ന​ത്തു​മം​ഗ​ലം പൊ​ന്ന്യാ​കു​ർ​ശി ബൈ​പ്പാ​സ് ഈ ​പാ​ത​യെ ക്രോ​സ് ചെ​യ്താ​ണ് ക​ട​ന്നു പോ​വു​ന്ന​ത്. ഊ​ട്ടി റോ​ഡ് വ​ഴി ടൗ​ണി​ലെ​ത്തി മ​ട​ങ്ങു​ന്ന സ്വ​കാ​ര്യ ബ​സു​ക​ൾ​ക്ക് മി​ക്ക​പ്പോ​ഴും കു​രു​ക്കി​ൽ പെ​ട്ടു സ​മ​യം ന​ഷ്ട​മാ​വു​ന്നു​ണ്ട്. പ​ല​പ്പോ​ഴും സ​ർ​വി​സ് മു​ട​ങ്ങു​ന്ന സ്ഥി​തി​യു​മു​ണ്ട്.