പാ​ണ​മ്പി​യി​ലെ ആ​ദി​വാ​സി ഭ​വ​ന​പ​ദ്ധ​തി: സ്ഥ​ലം ക​ണ്ടെ​ത്താ​നാ​കാ​തെ റ​വ​ന്യൂ​വ​കു​പ്പ്​

പെ​രി​ന്ത​ൽ​മ​ണ്ണ: അ​നു​യോ​ജ്യ​മാ​യ ഭൂ​മി കി​ട്ടാ​നി​ല്ലെ​ന്ന കാ​ര​ണ​ത്താ​ൽ താ​ഴേ​ക്കോ​ട് പാ​ണ​മ്പി​യി​ലെ 10 ആ​ദി​വാ​സി കു​ടും​ബ​ങ്ങ​ൾ ഇ​പ്പോ​ഴും കു​ന്നി​ൻ​ചെ​രി​വി​ലെ തു​റ​സ്സാ​യ സ്ഥ​ല​ത്തു​ത​ന്നെ.

ആ​ദി​വാ​സി ക്ഷേ​മ​പ​ദ്ധ​തി​യി​ൽ ഇ​വി​ട​ത്തെ 10 കു​ടും​ബ​ങ്ങ​ൾ​ക്ക് ഭൂ​മി വാ​ങ്ങി വീ​ടു​വെ​ച്ച് ന​ൽ​കാ​ൻ സ​ർ​ക്കാ​ർ ഒ​രു കോ​ടി രൂ​പ അ​നു​വ​ദി​ച്ച​ത് ഇ​തു​വ​രെ വി​നി​യോ​ഗി​ക്കാ​നാ​യി​ട്ടി​ല്ല. ര​ണ്ടു​വ​ർ​ഷം മു​മ്പ് സ​ബ് ക​ല​ക്ട​റു​ടെ നേ​തൃ​ത്വ​ത്തി​ൽ പാ​ണ​മ്പി ഇ​ടി​ഞ്ഞാ​ടി​യി​ൽ റ​വ​ന്യൂ ഉ​ദ്യോ​ഗ​സ്ഥ​രും സ​ന്ന​ദ്ധ​പ്ര​വ​ർ​ത്ത​ക​രു​മ​ട​ക്കം സ​ന്ദ​ർ​ശി​ച്ചി​രു​ന്നെ​ങ്കി​ലും പി​ന്നീ​ട് ന​ട​പ​ടി​ക​ൾ​ക്ക് തു​ട​ർ​ച്ച​യു​ണ്ടാ​യി​ല്ല.

ഇ​വ​ർ​ക്ക് പു​ന​ര​ധി​വാ​സം ഉ​റ​പ്പാ​ക്കാ​ൻ ഭൂ​മി അ​ന്വേ​ഷി​ച്ചെ​ന്നും എ​ന്നാ​ൽ, അ​നു​യോ​ജ്യ​മാ​യ ഭൂ​മി ക​ണ്ടെ​ത്താ​നാ​യി​ല്ലെ​ന്നും സ​ബ് ക​ല​ക്ട​ർ കെ.​എ​സ്. അ​ഞ്ജു പ​റ​ഞ്ഞു. താ​ഴേ​ക്കോ​ട് പ​ഞ്ചാ​യ​ത്തി‍െൻറ പ​രി​ധി​യി​ൽ​വ​രു​ന്ന​താ​ണ് ആ​ദി​വാ​സി കോ​ള​നി. സ​മ്പൂ​ർ​ണ പാ​ർ​പ്പി​ട സു​ര​ക്ഷാ​പ​ദ്ധ​തി​യി​ൽ (ലൈ​ഫ്) 1192 പേ​രാ​ണ് താ​ഴേ​ക്കോ​ടു​ള്ള​ത്. ഇ​തി​ൽ അ​ഞ്ചു​വ​ർ​ഷ​ത്തി​നി​ടെ 56 കു​ടും​ബ​ങ്ങ​ൾ​ക്കാ​ണ് മു​ൻ ഭ​ര​ണ​സ​മി​തി വീ​ട് ന​ൽ​കി​യ​ത്. ഇ​തി​ലാ​വ​ട്ടെ ആ​ദി​വാ​സി കു​ടും​ബം​പോ​ലു​മി​ല്ല. സ​ർ​ക്കാ​ർ​ത​ല​ത്തി​ൽ ലൈ​ഫ് ഭ​വ​ന​പ​ദ്ധ​തി​ക്കും പ​രി​ഗ​ണി​ച്ചി​ല്ല. ഏ​ഴു കോ​ള​നി​ക​ളി​ലാ​യി 140ഒാ​ളം പേ​രാ​ണ് താ​ഴേ​ക്കോ​ട്ടു​ള്ള​ത്.

ഐ.​സി.​ഡി.​എ​സ് ജീ​വ​ന​ക്കാ​ർ നി​ര​ന്ത​രം കോ​ള​നി​യി​ലെ​ത്തു​ന്നു​ണ്ടെ​ങ്കി​ലും കൈ​ക്കു​ഞ്ഞു​ങ്ങ​ള​ട​ക്കം കു​ന്നി​ൻ​മു​ക​ളി​ൽ ടാ​ർ​പോ​ളി​ൻ വ​ലി​ച്ചു​കെ​ട്ടി​യ ഷെ​ഡു​ക​ൾ​ക്കു​ള്ളി​ൽ ക​ഴി​ഞ്ഞു​കൂ​ടു​ന്ന​തു​ക​ണ്ട് മ​ട​ങ്ങേ​ണ്ട സ്ഥി​തി​യാ​ണ്. വാ​സ​യോ​ഗ്യ​മാ​യ വീ​ടാ​ണ് ആ​വ​ശ്യം. അ​നു​യോ​ജ്യ​മെ​ന്ന് തോ​ന്നു​ന്ന സ്ഥ​ലം ക​ണ്ടെ​ങ്കി​ലും വെ​ള്ള​മോ വ​ഴി​യോ അ​ട​ക്കം സൗ​ക​ര്യ​ങ്ങ​ൾ​ക്ക് ത​ട​സ്സ​ങ്ങ​ളു​ണ്ടാ​വു​ന്ന​തോ​ടെ പാ​തി​വ​ഴി​യി​ലി​ടു​ക​യാ​ണ്.