Begin typing your search above and press return to search.
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightPattikkadchevron_rightപു​തി​യ...

പു​തി​യ ഉ​റ​പ്പി​ന്ആ​യു​സ്സ് 30 നാ​ൾ; തു​റ​ക്കു​മോ തു​ര​ങ്ക​പാ​ത?

text_fields
bookmark_border
പു​തി​യ ഉ​റ​പ്പി​ന്ആ​യു​സ്സ് 30 നാ​ൾ; തു​റ​ക്കു​മോ തു​ര​ങ്ക​പാ​ത?
cancel

പ​ട്ടി​ക്കാ​ട്​: പ​ല​ത​വ​ണ കേ​ര​ളീ​യ സ​മൂ​ഹ​ത്തോ​ട് വാ​ക്ക് പ​റ​ഞ്ഞ് വ​ഞ്ചി​ച്ച നി​ർ​മാ​ണ ക​മ്പ​നി​യു​ടെ പു​തി​യ വാ​ഗ്ദാ​ന​ത്തി​ന് അ​വ​ശേ​ഷി​ക്കു​ന്ന​ത് 30 നാ​ൾ മാ​ത്രം. സ്ഥാ​ന​ത്തെ ആ​ദ്യ തു​ര​ങ്ക​പാ​ത ആ​ഗ​സ്​​റ്റ് ഒ​ന്നി​ന് തു​റ​ക്കു​മെ​ന്ന ധാ​ര​ണ ന​ട​പ്പി​ലാ​വു​മോ. മു​ഖ്യ​മ​ന്ത്രി ക​ണ്ണു​രു​ട്ടി​യ​പ്പോ​ൾ കെ.​എം.​സി ര​ക്ഷ​പ്പെ​ടാ​ൻ സ​മ​യം ന​ൽ​കി​യ​താ​ണോ. അ​തോ സ​ത്യ​സ​ന്ധ​മാ​ണോ.

മു​ഖ്യ​മ​ന്ത്രി​യെ അ​ട​ക്കം തെ​റ്റി​ദ്ധ​രി​പ്പി​ച്ചി​രി​ക്കു​ക​യാ​ണ് കെ.​എം.​സി എ​ന്നാ​ണ് വി​ദ​ഗ്ധ​ർ ചൂ​ണ്ടി​ക്കാ​ണി​ക്കു​ന്ന​ത്. പാ​ലി​യേ​ക്ക​ര ടോ​ൾ​പ്ലാ​സ​ക്ക് സ​മാ​നം പ​ണി പൂ​ർ​ത്തി​യാ​ക്കാ​തെ തു​റ​ന്നു കൊ​ടു​ക്കു​മോ എ​ന്നാ​ണ് ആ​ശ​ങ്ക. 2012ൽ ​നി​ർ​മാ​ണം പൂ​ർ​ത്തി​യാ​ക്കാ​തെ തു​റ​ന്ന പാ​ലി​യേ​ക്ക​ര ടോ​ൾ​പ്ലാ​സ​യി​ൽ ചു​ങ്കം കൂ​ട്ടു​ന്ന​ത് മാ​ത്ര​മാ​ണ് പ്ര​ക​ട​മാ​യ മാ​റ്റം. ആ ​അ​നു​ഭ​വം ആ​യി​രി​ക്കു​മോ കു​തി​രാ​നി​ലും സം​ഭ​വി​ക്കു​ക. നി​ർ​മാ​ണ​ത്തി​ലെ അ​ശാ​സ്ത്രീ​യ​ത മൂ​ലം അ​പ​ക​ട മ​ര​ണ​ങ്ങ​ൾ ഇ​പ്പോ​ൾ ത​ന്നെ പെ​രു​കു​ന്ന മേ​ഖ​ല​യി​ൽ കൂ​ടു​ത​ൽ അ​പ​ക​ട​ങ്ങ​ൾ​ക്കാ​വും ഇ​ത് വ​ഴി​വെ​ക്കു​ക.

തു​ര​ങ്ക​ത്തി​നു​ള്ളി​ലെ സു​ര​ക്ഷ

തു​ര​ങ്ക​നി​ർ​മാ​ണ​വു​മാ​യി ബ​ന്ധ​മി​ല്ലാ​ത്ത അ​ശാ​സ്ത്രീ​യ നി​ർ​മാ​ണ​മാ​ണ് ഇ​പ്പോ​ൾ ന​ട​ക്കു​ന്ന​ത്. തു​ര​ങ്ക​ത്തി​നു​ള്ളി​ലെ സു​ര​ക്ഷ ന​ട​പ​ടി​ക​ൾ എ​ങ്ങു​മെ​ത്തി​യി​ട്ടി​ല്ല. തു​ര​ങ്ക​ത്തി​നു​ള്ളി​ലെ വൈ​ദ്യു​തീ​ക​ര​ണ പ്ര​വ​ർ​ത്ത​ന​ങ്ങ​ൾ സു​ര​ക്ഷ മാ​ന​ദ​ണ്ഡ​ങ്ങ​ൾ പാ​ലി​ക്കാ​തെ​യാ​ണ് ചെ​യ്ത​ത്. വൈ​ദ്യു​തി വ​യ​ർ ന​ട​പ്പാ​ത​യി​ലൂ​ടെ​യും ഡ്രൈ​നേ​ജി​ലൂ​ടെ​യും ക​ട​ന്നു​പോ​കു​ന്ന​തി​നാ​ൽ അ​പ​ക​ട സാ​ധ്യ​ത​യു​ണ്ട്. എ​ക്സ്ഹോ​സ്​​റ്റ് ഫാ​നി​െൻറ പ്ര​വ​ർ​ത്ത​ന​ങ്ങ​ൾ മു​ഴു​വ​നാ​യി പൂ​ർ​ത്തീ​ക​രി​ച്ചി​ല്ലെ​ങ്കി​ൽ വാ​ഹ​ന​ങ്ങ​ളു​ടെ പു​ക, പൊ​ടി എ​ന്നി​വ​യും അ​പ​ക​ട സാ​ധ്യ​ത ഉ​ണ്ടാ​ക്കും. തു​ര​ങ്ക​ത്തി​നു​ള്ളി​ലെ ന​ട​പ്പാ​ത പൂ​ർ​ത്തീ​ക​രി​ക്കാ​നാ​യി​ട്ടി​ല്ല. കോ​ൺ​ക്രീ​റ്റ് ചെ​യ്യാ​ത്ത ഭാ​ഗ​ങ്ങ​ളി​ൽ ശ​ക്ത​മാ​യ നെ​റ്റ് (വ​യ​ർ​മെ​ഷ്) ഉ​പ​യോ​ഗി​ച്ചി​ല്ലെ​ങ്കി​ൽ ക​ല്ലു വീ​ഴ്ച​ക്ക് സാ​ധ്യ​ത​യു​ണ്ട്. ഇ​രു​മ്പു​പാ​ലം ഭാ​ഗ​ത്തു നി​ന്നും വ​ഴു​ക്കും​പാ​റ ഭാ​ഗ​ത്തേ​ക്ക് വെ​ള്ളം ഒ​ഴു​കി പോ​കു​ന്ന​തി​ന് സ​ഥി​രം ഡ്രൈ​നേ​ജ് ക്ലീ​നി​ങ് സം​വി​ധാ​നം വേ​ണം.

തു​ര​ങ്ക​മു​ഖ​ത്തി​നു മു​ക​ളി​ൽ അ​പ​ക​ട സാ​ധ്യ​ത

തു​ര​ങ്ക​മു​ഖ​ത്തി​നു മു​ക​ളി​ൽ വ​ൻ​തോ​തി​ൽ മ​ണ്ണും മ​ര​ങ്ങ​ളും മാ​റ്റി​യ​ത് അ​പ​ക​ട​ത്തി​ന് കാ​ര​ണ​മാ​വും. ഈ ​ഭാ​ഗ​ത്ത് കോ​ൺ​ക്രീ​റ്റി​ങ്​ തു​ട​ങ്ങി​യെ​ങ്കി​ലും ഇ​ത്​ അ​വ​സാ​നി​ക്കാ​ൻ ഒ​രു മാ​സ​ത്തി​ല​ധി​കം വേ​ണ്ടി വ​രും. തു​ര​ങ്ക മു​ഖ​ത്തി​ന് മു​ക​ളി​ൽ നേ​ര​ത്തെ ഉ​ണ്ടാ​യി​രു​ന്ന മ​ണ്ണ് 15 മീ​റ്റ​റി​ൽ മാ​റ്റി​യ​ത് മ​ഴ​ക്കാ​ല​ത്ത് മ​ല ത​ന്നെ മൊ​ത്ത​മാ​യി താ​ഴേ​ക്ക് വ​രു​ന്ന​തി​നു​ള്ള സാ​ധ്യ​ത​യാ​ണു​ള്ള​ത്. ഇ​തി​ന് പ​രി​ഹാ​ര​മാ​യി മ​ണ്ണു മാ​റ്റി​യ ഭാ​ഗ​ത്തി​ൽ കാ​ച്ച് വാ​ച്ച​ർ ഡ്രൈ​നേ​ജ് പ​ണി​ത് ഇ​രു തു​ര​ങ്ക​ങ്ങ​ളി​ലു​ള്ള ഡ്രൈ​നേ​ജ് ബ​ന്ധി​പ്പി​ക്ക​ണം.

Show Full Article
TAGS:kuthiran 
News Summary - 30 days for new confirmation; Open or open road?
Next Story