അഞ്ചു ലിറ്റർ വിദേശ മദ്യവുമായി യുവാവ് പിടിയിൽ

പരപ്പനങ്ങാടി: അഞ്ചു ലിറ്റർ വിദേശ മദ്യവുമായി യുവാവ് പിടിയിൽ. എടരിക്കോട് വില്ലേജിൽ പുതുപറമ്പിലെ ഷൈബുവിനെയാണ് പരപ്പനങ്ങാടി എക്സൈസ് സംഘം പിടികൂടിയത്. മദ്യവുമായി ഇയാൾ സഞ്ചരിച്ച സ്കൂട്ടറും കസ്റ്റഡിയിലെടുത്തു.

എക്സൈസ് റേഞ്ച് പ്രിവൻറീവ് ഓഫിസർ ബിജുവിന്‍റെ നേതൃത്വത്തിൽ നടന്ന പരിശോധനയിൽ പ്രിവൻറീ ഓഫിസർ ഗ്രേഡ് പ്രദീപ് കുമാർ, എക്സൈസ് ഓഫിസർ നിതിൻ, വനിത സിവിൽ എക്സൈസ് ഓഫിസർ പി. ലിഷ, എക്സൈസ് ഡ്രൈവർ വിനോദ് കുമാർ എന്നിവരും പങ്കെടുത്തു.