പ​ര​പ്പ​ന​ങ്ങാ​ടി റെയിൽവേ സ്റ്റേ​ഷ​ൻ പ്ലാറ്റ് ഫോമിൽ മൂന്ന് കിലോ കഞ്ചാവ് ഉപേക്ഷിച്ച നിലയിൽ

പ​ര​പ്പ​ന​ങ്ങാ​ടി: റെ​യി​ൽ​വേ സ്റ്റേ​ഷ​ൻ ഒ​ന്നാം പ്ലാ​റ്റ്ഫോ​മി​ന്റെ തെ​ക്കെ അ​റ്റ​ത്ത് നി​ന്ന് ബാ​ഗി​ൽ അ​ട​ക്കം ചെ​യ്ത മൂ​ന്ന് കി​ലോ ക​ഞ്ചാ​വ് പ​ര​പ്പ​ന​ങ്ങാ​ടി എ​ക്സൈ​സും ആ​ർ.​പി.​എ​ഫ് സ്പെ​ഷ​ൽ സ്ക്വാ​ഡും ചേ​ർ​ന്ന് ക​ണ്ടെ​ത്തി. ജി​ല്ല​യി​ലേ​ക്ക് ട്രെ​യി​ൻ മാ​ർ​ഗം ക​ഞ്ചാ​വെ​ത്തു​ന്ന​താ​യു​ള്ള ര​ഹ​സ്യ​വി​വ​ര​ത്തി​ൽ​മേ​ൽ ആ​ർ.​പി.​എ​ഫ്, എ​ക്സൈ​സ് സം​യു​ക്ത പ​രി​ശോ​ധ​ന​ക്ക് തു​ട​ക്കം കു​റി​ച്ചി​രു​ന്നു.

പ​രി​ശോ​ധ​ന​യി​ൽ പി​ടി​ക്ക​പ്പെ​ടാ​ൻ സാ​ധ്യ​ത​യു​ള്ള​തി​നാ​ലാ​കാം ക​ഞ്ചാ​വ് ഉ​പേ​ക്ഷി​ച്ച​തെ​ന്ന് എ​ക്സൈ​സ് ഇ​ൻ​സ്പെ​ക്ട​ർ സാ​ബു ആ​ർ. ച​ന്ദ്ര അ​റി​യി​ച്ചു. പ്രി​വ​ന്റീ​വ് ഓ​ഫി​സ​ർ പ്ര​ഗേ​ഷ്, സി​വി​ൽ എ​ക്സൈ​സ് ഓ​ഫി​സ​ർ​മാ​രാ​യ ശി​ഹാ​ബു​ദ്ദീ​ൻ, ജ​യ​കൃ​ഷ്ണ​ൻ, എ​ക്സൈ​സ് ഡ്രൈ​വ​ർ വി​നോ​ദ് കു​മാ​ർ, ആ​ർ.​പി.​എ​ഫ് ഇ​ൻ​സ്പെ​ക്ട​ർ അ​ജി​ത് അ​ശോ​ക്, ദീ​പ​ക് എ​ന്നി​വ​ർ പ​രി​ശോ​ധ​ന​ക്ക് നേ​തൃ​ത്വം ന​ൽ​കി.