എം.എസ്.എഫ് മുൻ നേതാവ് ട്രെയിൻ തട്ടി മരിച്ചു

പരപ്പനങ്ങാടി: പൊതുപ്രവർത്തകനും എം.എസ്.എഫ് മുൻ നേതാവുമായ യുവാവ് ട്രെയിൻ തട്ടി മരിച്ചു. ചെമ്മാട് സി.കെ നഗറിലെ കുന്നുമ്മൽ വരി തോട്ടിൽ ബീരാന്‍റെ മകൻ കെ.വി. മുഹമ്മദ് അസ്ലമി (29) നെയാണ് പരപ്പനങ്ങാടിയിൽ ട്രെയിൻ തട്ടി മരിച്ച നിലയിൽ കണ്ടെത്തിയത്.

ചൊവ്വാഴ്ച പകൽ പത്ത് മണിയോടെയാണ് സംഭവം. എം.എസ്.എഫ് തിരൂരങ്ങാടി മണ്ഡലം മുൻ പ്രസിഡൻറും കോഴിക്കോട് ഫാറൂഖ് കോളജ് മുൻ യൂനിയൻ മുൻ ചെയർമാനുമായിരുന്നു. സി.കെ നഗർ ഗ്രീൻ ട്രക്ചജ് കൾച്ചറൽ സെൻറർ ഭാരവാഹി ആയിരുന്നു. അധ്യാപകനായി ജോലി ചെയ്തു വരികയായിരുന്നു.