35 വ​ർ​ഷം പാ​ണ്ടി​ക്കാ​ട്ടു​കാ​ർ​ക്ക് വെ​ച്ചു​വി​ള​മ്പി​യ പി​ള്ള​ച്ചേ​ട്ട​ൻ നാ​ട്ടി​ലേ​ക്ക്

35 വ​ർ​ഷം പാ​ണ്ടി​ക്കാ​ട്ടു​കാ​ർ​ക്ക് രു​ചി​യൂ​റും ഭ​ക്ഷ​ണം വി​ള​മ്പി​യ കൊ​ച്ചു ക​ള​ത്തി​ൽ പ​ര​മേ​ശ്വ​ര​ൻ പി​ള്ള​യും (65) കു​ടും​ബ​വും പാ​ണ്ടി​ക്കാ​ടി​നോ​ട് വി​ട പ​റ​ഞ്ഞു. ആ​ല​പ്പു​ഴ അ​മ്പ​ല​പ്പു​ഴ സ്വ​ദേ​ശി​യാ​യ പ​ര​മേ​ശ്വ​ര​ൻ പി​ള്ള എ​ന്ന നാ​ട്ടു​കാ​രു​ടെ പി​ള്ള​ച്ചേ​ട്ട​ൻ 35 വ​ർ​ഷ​മാ​യി പാ​ണ്ടി​ക്കാ​ട്ടു​കാ​ര​നാ​ണ്. 30ാം വ​യ​സ്സി​ലാ​ണ് ജോ​ലി തേ​ടി പാ​ണ്ടി​ക്കാ​ട്ടെ​ത്തി​യ​ത്. ഹോ​ട്ട​ലു​ക​ളി​ൽ ജീ​വ​ന​ക്കാ​ര​നാ​യാ​ണ് തു​ട​ക്കം. പി​ന്നീ​ട് പെ​രി​ന്ത​ൽ​മ​ണ്ണ റോ​ഡി​ൽ എ​സ്.​ഐ ക്വാ​ർ​ട്ടേ​ഴ്സി​ന് സ​മീ​പം ഹോ​ട്ട​ൽ സ്​​റ്റാ​ർ സി​റ്റി ന​ട​ത്തി​വ​രു​ക​യാ​യി​രു​ന്നു.

ജീ​വി​ത​ത്തി​ൽ ഏ​റി​യ പ​ങ്കും പാ​ണ്ടി​ക്കാ​ട്ടു​കാ​ർ​ക്ക് രു​ചി​ക​ര​മാ​യ ഭ​ക്ഷ​ണം വി​ള​മ്പി ന​ൽ​കാ​നാ​യ​തി​െൻറ സ​ന്തോ​ഷ​ത്തി​ലും അ​തി​ന് നാ​ട്ടു​കാ​ർ തി​രി​ച്ചു​ന​ൽ​കി​യ സ്നേ​ഹ​ത്തി​െൻറ നി​ർ​വൃ​തി​യി​ലു​മാ​ണ് പ​ര​മേ​ശ്വ​ര​ൻ പി​ള്ള. ഭാ​ര്യ, ര​ണ്ട് മ​ക്ക​ൾ, നാ​ല് പേ​ര​മ​ക്ക​ൾ എ​ന്നി​വ​രെ​ല്ലാം ഹോ​ട്ട​ലി​ൽ ത​ന്നെ​യാ​ണ് താ​മ​സി​ച്ചി​രു​ന്ന​ത്.

ശാ​രീ​രി​ക അ​സ്വ​സ്ഥ​ത​ക​ൾ തു​ട​ങ്ങി​യ​തോ​ടെ​യാ​ണ് സ്വ​ന്തം നാ​ട്ടി​ലേ​ക്ക് യാ​ത്ര​യാ​കു​ന്ന​ത്. മി​ക​ച്ച രീ​തി​യി​ലു​ള്ള യാ​ത്ര​യ​യ​പ്പാ​ണ് ക​ട്ട​ക്കു​ളം സൗ​ഹൃ​ദ കൂ​ട്ടാ​യ്മ​യും പി.​എ​ഫ്.​സി ക്ല​ബും ചേ​ർ​ന്ന് ന​ൽ​കി​യ​ത്. പി.​എ​ഫ്.​സി ക്ല​ബ് ഭാ​ര​വാ​ഹി​ക​ളാ​യ എം.​കെ. സ​മീ​ർ, എം. ​ന​വാ​സ്, വി. ​രാ​ജേ​ഷ്, വി. ​ര​ഞ്ജി​ത്ത്, കെ. ​ന​വാ​സ്, എം. ​ഉ​മ്മ​ർ, വി. ​എ​ബി​ൻ, സൗ​ഹൃ​ദ കൂ​ട്ടാ​യ്മ പ്ര​വ​ർ​ത്ത​ക​രാ​യ റൗ​ഫ് കൊ​പ്പ​ത്ത്, വി. ​കു​ട്ട​ൻ, വി. ​ര​മേ​ഷ്, അ​ഞ്ചി​ല്ല​ൻ ഹു​സൈ​ൻ, വി. ​ഹ​രി​ദാ​സ​ൻ, എം. ​ഉ​മ്മ​ർ, സി.​കെ.​ആ​ർ. ഇ​ണ്ണി​പ്പ എന്നിവർ സംബന്ധിച്ചു.