പു​ത്ത​ന​ത്താ​ണി​യി​ൽ പെ​യി​ന്റ് ക​ട​ക്ക് തീ​പി​ടി​ച്ചു; ല​ക്ഷ​ങ്ങ​ളു​ടെ നാ​ശ​ന​ഷ്ടം

പു​ത്ത​ന​ത്താ​ണി: പു​ത്ത​ന​ത്താ​ണി​യി​ൽ വ​ൻ തീ​പി​ടു​ത്തം. തി​രു​നാ​വാ​യ റോ​ഡി​ൽ പ്ര​വ​ർ​ത്തി​ക്കു​ന്ന ക്ലാ​സി പെ​യി​ന്റ് ക​ട​ക്കാ​ണ് ചൊ​വ്വാ​ഴ്ച വൈ​കു​ന്നേ​രം അ​ഞ്ചി​ന് തീ​പി​ടി​ച്ച​ത്. ഷോ​ർ​ട്ട് സ​ർ​ക്യൂ​ട്ടാ​ണ് അ​പ​ക​ട കാ​ര​ണ​മെ​ന്നാ​ണ് നി​ഗ​മ​നം. ഒ​രു​മാ​സം മു​മ്പാ​ണ് ക​ട ഉ​ദ്ഘാ​ട​നം ക​ഴി​ഞ്ഞ​ത്. കോ​ട്ട​ക്ക​ൽ സ്വ​ദേ​ശി ടി.​കെ. ഹൈ​ദ​റി​ന്റെ ഉ​ട​മ​സ്ഥ​ത​യി​ലു​ള്ള​താ​ണ് സ്ഥാ​പ​നം. നാ​ല് മു​റി​ക​ളി​ലാ​യി പ്ര​വ​ർ​ത്തി​ക്കു​ന്ന സ്ഥാ​പ​ന​ത്തി​ലെ പെ​യി​ന്റും മ​റ്റു സാ​മ​ഗ്രി​ക​ളും ക​ട​യു​ടെ മു​ന്നി​ൽ നി​ർ​ത്തി​യി​ട്ടി​രു​ന്ന സ്കൂ​ട്ട​റും പൂ​ർ​ണ​മാ​യും ക​ത്തി ന​ശി​ച്ചു. സം​ഭ​വം ന​ട​ക്കു​മ്പോ​ൾ ര​ണ്ടു പേ​രാ​ണ് സ്ഥാ​പ​ന​ത്തി​ലു​ണ്ടാ​യി​രു​ന്ന​ത്. ഏ​ക​ദേ​ശം 75 ല​ക്ഷം രൂ​പ​യു​ടെ നാ​ശ​ന​ഷ്ടം ക​ണ​ക്കാ​ക്കു​ന്ന​താ​യി ഉ​ട​മ​ക​ൾ പ​റ​ഞ്ഞു.

സ​മീ​പ​ത്തു​ള്ള ഒ​രു മ​രു​ന്നു ക​ട​യും കൊ​റി​യ​ർ സ​ർ​വീ​സ് സ്ഥാ​പ​ന​വും ഭാ​ഗി​ക​മാ​യി അ​ഗ്നി​ക്കി​ര​യാ​യി. തി​രൂ​ർ, താ​നൂ​ർ എ​ന്നി​വി​ട​ങ്ങ​ളി​ൽ​നി​ന്ന് അ​ഗ്നി​ര​ക്ഷാ​സേ​ന​യു​ടെ മൂ​ന്ന് യൂ​നി​റ്റു​ക​ളെ​ത്തി തീ​യ​ണ​ച്ചു. ക​ൽ​പ​ക​ഞ്ചേ​രി പൊ​ലീ​സ്, ട്രോ​മ കെ​യ​ർ വ​ള​ണ്ടി​യ​ർ​മാ​ർ, നാ​ട്ടു​കാ​ർ എ​ന്നി​വ​ർ ര​ക്ഷാ​പ്ര​വ​ർ​ത്ത​ന​ത്തി​ന് നേ​തൃ​ത്വം ന​ൽ​കി. ജി​ല്ല ഫ​യ​ർ ഓ​ഫി​സ​ർ വി.​കെ. റ​ത്തീ​ജ് സ്ഥ​ലം സ​ന്ദ​ർ​ശി​ച്ചു.