ഓൺലൈൻ ബാങ്ക്​ തട്ടിപ്പ്​: 93,000 രൂപ നഷ്​ടമായതായി പരാതി

മ​ല​പ്പു​റം: ഓ​ൺ​ലൈ​ൻ ബാ​ങ്ക്​ ത​ട്ടി​പ്പി​നെ തു​ട​ർ​ന്ന്​ ദ​മ്പ​തി​ക​ൾ​ക്ക്​ 93,000 രൂ​പ ന​ഷ്​​ട​മാ​യ​താ​യി പ​രാ​തി. മൊ​റ​യൂ​ർ അ​രി​​മ്പ്ര എ​ൻ.​എ​ച്ച്​ കോ​ള​നി​യി​ൽ താ​മ​സി​ക്കു​ന്ന പി. ​വാ​സു​ദേ​വ​ൻ, ഭാ​ര്യ പി.​പി. ജോ​സി എ​ന്നി​വ​ർ​ക്കാ​ണ്​ വ്യാ​ഴാ​ഴ്​​ച പ​ണം ന​ഷ്​​ട​മാ​യ​ത്. ത​ട്ടി​പ്പി​നെ​ക്കു​റി​ച്ച്​ പ​രാ​തി​യി​ൽ പ​റ​യു​ന്ന​ത്​: '

'ബു​ധ​നാ​ഴ്​​ച ബാ​ങ്കി​ലെ​ത്തി അ​ക്കൗ​ണ്ടി​ൽ​നി​ന്ന്​ 25,000 രൂ​പ​യി​ൽ കൂ​ടു​ത​ൽ പ​ണം പി​ൻ​വ​ലി​ക്കാ​ൻ ശ്ര​മി​ച്ചെ​ങ്കി​ലും ക​ഴി​ഞ്ഞി​രു​ന്നി​ല്ല. വീ​ടു​പ​ണി​ക്കാ​യി ക​ല്ല്​ ഇ​റ​ക്കി​യ​തി​ന്​ 25,000 രൂ​പ അ​ത്യാ​വ​ശ്യ​മാ​ണെ​ന്ന്​ അ​റി​യി​ച്ച​തോ​ടെ പ​ണം അ​യ​ക്കാ​നു​ള്ള മാ​ർ​ഗം അ​റി​യാ​നാ​യി ഇ​വ​ർ ബാ​ങ്കി​െൻറ ക​സ്​​റ്റ​മ​ർ കെ​യ​റി​ൽ ബ​ന്ധ​പ്പെ​ട്ടു. എ​ന്നാ​ൽ, അ​വ​ി​ടെ നി​ന്ന്​ പ്ര​തി​ക​ര​ണ​മു​ണ്ടാ​യി​ല്ല. കു​റ​ച്ചു​സ​മ​യ​ത്തി​നു​ ശേ​ഷം​ മ​റ്റൊ​രു ന​മ്പ​റി​ൽ​നി​ന്ന്​ ഇ​വ​രു​ടെ മൊ​ബൈ​ൽ ഫോ​ണി​ലേ​ക്ക്​ വി​ളി വ​ന്നു.

പ​ണം പി​ൻ​വ​ലി​ക്കാ​ൻ 'എ​നി ഡെ​സ്​​ക്'​ എ​ന്ന ആ​പ്​ ഇ​ൻ​സ്​​റ്റാ​ൾ ചെ​യ്യാ​നാ​യി​രു​ന്നു നി​ർ​ദേ​ശം. ഇ​ത്​ ഇ​ൻ​സ്​​റ്റാ​ൾ ചെ​യ്​​ത​തോ​ടെ​യാ​ണ്​ ഘ​ട്ടം​ഘ​ട്ട​മാ​യി ഭാ​ര്യ​യു​ടെ അ​ക്കൗ​ണ്ടി​ൽ​നി​ന്ന്​ പ​ണം ന​ഷ്​​ട​മാ​യ​ത്.​'' വീ​ട്​ നി​ർ​മാ​ണ​ത്തി​ന്​ സൂ​ക്ഷി​ച്ച പ​ണ​മാ​ണ്​ ന​ഷ്​​ട​മാ​യ​തെ​ന്നും താ​ൻ ബാ​ങ്കി​ൽ പോ​യി നേ​രി​ട്ട്​ ഇ​ട​പാ​ട്​ ന​ട​ത്തു​ക​യാ​ണ്​ പ​തി​വെ​ന്നും വാ​സു​ദേ​വ​ൻ പ​റ​യു​ന്നു.

എ​ന്നാ​ൽ, ക​ല്ല്​ ഇ​റ​ക്കി​യ​തി​ന്​ പ​ണം അ​ത്യാ​വ​ശ്യ​മാ​ണെ​ന്ന്​ അ​റി​യി​ച്ച​തി​നാ​ലും വ്യാ​ഴാ​ഴ്​​ച ബാ​ങ്ക്​ അ​വ​ധി​യാ​യ​തി​നാ​ലും പ​ണം അ​യ​ക്കു​ന്ന​ത്​ സം​ബ​ന്ധി​ച്ച്​ അ​റി​യാ​നാ​ണ്​ ക​സ്​​റ്റ​മ​ർ കെ​യ​റി​ൽ ബ​ന്ധ​പ്പെ​ട്ട​ത്. ഇ​ട​പാ​ട്​ വി​വ​ര​ങ്ങ​ൾ നോ​ക്കി​യ​പ്പോ​ൾ ആ​മ​സോ​ൺ, ഫ്ലി​പ്​​കാ​ർ​ട്ട്​ സൈ​റ്റു​ക​ളി​ൽ​നി​ന്ന്​ സാ​ധ​ന​ങ്ങ​ൾ വാ​ങ്ങി​യ​താ​യാ​ണ്​ കാ​ണി​ക്കു​ന്ന​തെ​ന്നും അ​ദ്ദേ​ഹം പ​റ​യു​ന്നു.​ കൊ​ണ്ടോ​ട്ടി പൊ​ലീ​സി​ൽ പ​രാ​തി ന​ൽ​കി.