പേ​ടി​ക്ക​ണം, ഇ​വി​ടെ റോ​ഡ് ക​ട​ക്കാ​ൻ

മ​ല​പ്പു​റം: കു​തി​ച്ചു​പാ​ഞ്ഞ് വ​രു​ന്ന വാ​ഹ​ന​ങ്ങ​ൾ​ക്കി​ട​യി​ലൂ​ടെ പ്രാ​ണ​നെ മു​റു​കെ പി​ടി​ച്ച് വേ​ണം കാ​ൽ​ന​ട​യാ​ത്ര​ക്കാ​ർ​ക്ക് ഈ ​റോ​ഡ് മു​റി​ച്ചു​ക​ട​ക്കാ​ൻ. മ​ല​പ്പു​റം-​മ​ഞ്ചേ​രി റോ​ഡി​ൽ കോ​ട്ട​ക്കു​ന്നി​ൽ നി​ന്നി​റ​ങ്ങു​ന്ന ഭാ​ഗ​ത്താ​ണ് സീ​ബ്രാ​ലൈ​ൻ ഇ​ല്ലാ​ത്ത​തി​നാ​ൽ യാ​ത്ര​ക്കാ​ർ പ്ര​യാ​സ​മു​നു​ഭ​വി​ക്കു​ന്ന​ത്.

ഇ​വി​ടെ പോ​സ്റ്റ് ഓ​ഫി​സി​ന് മു​ന്നി​ലു​ള്ള ക്രോ​സ് റോ​ഡി​ലൂ​ടെ പെ​രി​ന്ത​ൽ​മ​ണ്ണ റോ​ഡി​ലേ​ക്ക് ക​ട​ക്കാ​മെ​ന്ന​തി​നാ​ൽ കാ​ൽ​ന​ട​യാ​ത്ര​ക്കാ​രു​ടെ ഒ​ഴു​ക്കാ​ണ് മി​ക്ക സ​മ​യ​ങ്ങ​ളി​ലും. സ്കൂ​ൾ, ഓ​ഫി​സ് വി​ടു​ന്ന സ​മ​യ​ങ്ങ​ളി​ൽ വ​ലി​യ തി​ര​ക്കാ​ണ്. മ​ഞ്ചേ​രി ഭാ​ഗ​ത്തേ​ക്കും തി​രി​ച്ചും വാ​ഹ​ന​ങ്ങ​ൾ ചീ​റി​പ്പാ​ഞ്ഞു​വ​രു​മ്പോ​ൾ കാ​ൽ​ന​ട​യാ​ത്ര​ക്കാ​ര​ന് റോ​ഡ് മു​റി​ച്ചു​ക​ട​ക്ക​ൽ ​വെ​ല്ലു​വി​ളി​യാ​ണ്.

നാ​ലു​വ​ർ​ഷം മു​മ്പ് ഇ​വി​ടെ​യു​ണ്ടാ​യി​രു​ന്ന സീ​ബ്രാ​ലൈ​ൻ മാ​ഞ്ഞു​പോ​യ​താ​ണ്. സ്കൂ​ൾ വി​ദ്യാ​ർ​ഥി​ക​ളും ജോ​ലി​ക്കാ​രു​മാ​ണ് ഏ​റ്റ​വും ബു​ദ്ധി​മു​ട്ടു​ന്ന​ത്. ഏ​റെ തി​ര​ക്കു​ള്ള ഈ ​ഭാ​ഗ​ത്ത് ബ​സ് സ്റ്റോ​പ്പും ഉ​ണ്ട്. ബ​സു​ക​ളെ മ​റി​ക​ട​ന്നു വ​രു​ന്ന വാ​ഹ​ന​ങ്ങ​ൾ ഭീ​ഷ​ണി​യാ​ണ്. മ​ഞ്ചേ​രി​ഭാ​ഗ​ത്തു​നി​ന്ന് ഇ​റ​ക്ക​വും വ​ള​വും ക​ഴി​ഞ്ഞ് വ​രു​ന്ന വാ​ഹ​ന​ങ്ങ​ൾ​ക്ക് അ​മി​ത​വേ​ഗ​ത​യാ​ണ്. നൂ​റു​ക​ണ​ക്കി​ന് യാ​ത്ര​ക്കാ​ർ റോ​ഡ് മു​റി​ച്ചു​ക​ട​ക്കാ​ൻ വാ​ഹ​ന യാ​ത്ര​ക്കാ​ര​ന്റെ ക​നി​വി​നാ​യി കാ​ത്തു​നി​ൽ​ക്ക​ണം.

കോ​ട്ട​ക്കു​ന്നി​ലേ​ക്കു​ള്ള ജ​ങ്ഷ​നാ​യ​തി​നാ​ൽ സ​ഞ്ചാ​രി​ക​ളും ഏ​റെ​യാ​ണ്. കു​ന്നു​മ്മ​ൽ, കൊ​ണ്ടോ​ട്ടി ഭാ​ഗ​ത്തേ​ക്കു​ള്ള ബ​സ് സ്റ്റോ​പ്പി​ന് മു​ൻ​വ​ശ​ത്തും സീ​ബ്രാ​ലൈ​നു​ക​ൾ ഇ​ല്ല. ഈ ​ഭാ​ഗ​ത്ത്‌ പ​ഴ​യ സീ​ബ്രാ​ലൈ​ൻ പു​നഃ​സ്ഥാ​പി​ക്ക​ണ​മെ​ന്നാ​ണ് കാ​ൽ​ന​ട​യാ​ത്ര​ക്കാ​രു​ടെ ആ​വ​ശ്യം. അ​ധി​കൃ​ത​രു​ടെ അ​നാ​സ്ഥ അ​പ​ക​ടം ക്ഷ​ണി​ച്ചു​വ​രു​ത്തു​മെ​ന്ന് നാ​ട്ടു​കാ​ർ ചൂ​ണ്ടി​ക്കാ​ട്ടു​ന്നു.