കാ​ട്ടാ​ന പേ​ടി; ഉ​ൾ​ക്കാ​ടി​റ​ങ്ങു​ന്ന ആ​ദി​വാ​സി​ക​ൾക്ക് രാവുറങ്ങാൻ വ​നം വ​കു​പ്പ് ഇ​ടം

നി​ല​മ്പൂ​ർ: ക​രു​ളാ​യി ഉ​ൾ​വ​ന​ത്തി​ൽ അ​ധി​വ​സി​ക്കു​ന്ന ആ​ദി​വാ​സി​ക​ൾ കാ​ടി​റ​ങ്ങു​മ്പോ​ൾ രാ​ത്രി മ​ട​ക്കം ഒ​ഴി​വാ​ക്കു​ന്ന​തി​ന് വ​നം വ​കു​പ്പ് സൗ​ക​ര‍്യം ഒ​രു​ക്കു​ന്നു. ഉ​ൾ​വ​ന​ത്തി​ലെ കാ​ട്ടാ​ന ഉ​ൾ​പ്പ​ടെ​യു​ള്ള വ​ന‍്യ​ജീ​വി​ക​ളു​ടെ ആ​ക്ര​മ​ണം ഒ​ഴി​വാ​ക്കാ​നാ​ണ് ക​രു​ത​ൽ ന​ട​പ​ടി സ്വീ​ക​രി​ക്കു​ന്ന​ത്. ക​രു​ളാ​യി റേ​ഞ്ചി​ൽ നെ​ടു​ങ്ക​യ​ത്തെ വ​നം വ​കു​പ്പി​ന്‍റെ ക്വാ​ർ​ട്ടേ​ഴ്സു​ക​ളി​ൽ കു​ടും​ബ​ങ്ങ​ൾ അ​ട​ക്ക​മു​ള്ള​വ​രു​ടെ രാ​ത്രി വി​ശ്ര​മം സാ​ധ‍്യ​മാ​ക്കു​ക​യാ​ണ് ല​ക്ഷ‍്യം. നി​ല​മ്പൂ​ർ സൗ​ത്ത് ഡി​വി​ഷ​ന​ൽ ഫോ​റ​സ്റ്റ് ഓ​ഫി​സ​ർ ധ​നി​ക് ലാ​ലി​ന്‍റെ നേ​തൃ​ത്വ​ത്തി​ലു​ള്ള വ​ന​പാ​ല​ക സം​ഘ​മാ​ണ് പ​ദ്ധ​തി ഒ​രു​ക്കു​ന്ന​ത്. നെ​ടു​ങ്ക​യ​ത്ത് വ​നം വ​കു​പ്പി​ന്‍റെ കെ​ട്ടി​ട​ങ്ങ​ൾ ഇ​തി​നാ​യി ഉ​പ​യോ​ഗി​ക്കും. മാ​ഞ്ചീ​രി​യി​ലെ ചോ​ല​നാ​യ്ക്ക യു​വാ​വ് മ​ണി കാ​ട്ടാ​ന ആ​ക്ര​മ​ണ​ത്തി​ൽ കൊ​ല്ല​പ്പെ​ട്ട സാ​ഹ​ച​ര‍്യ​ത്തി​ലാ​ണ് ന​ട​പ​ടി.

ഏ​ഷ‍്യ​യി​ലെ ത​ന്നെ ഏ​ക ഗു​ഹാ​വാ​സി വി​ഭാ​ഗ​മാ​യി അ​റി​യ​പ്പെ​ടു​ന്ന ക​രു​ളാ​യി ഉ​ൾ​വ​ന​ത്തി​ലെ ഗോ​ത്ര​വി​ഭാ​ഗ​മാ​യ ചോ​ല​നാ​യ്ക്ക​രെ നാ​ട്ടി​ലേ​ക്ക് പു​ന​ര​ധി​വ​സി​പ്പി​ക്കാ​നു​ള്ള പ​ദ്ധ​തി ഫ​ല​പ്ര​ദ​മാ​യി​രു​ന്നി​ല്ല.

ക​രു​ളാ​യി വ​ന​ത്തി​ലെ മാ​ഞ്ചീ​രി, അ​ച്ച​ന​ള, നാ​ഗ​മ​ല, പൂ​ച്ച​പാ​റ തു​ട​ങ്ങി​യ വ​നാ​ന്ത​ര​ങ്ങ​ളി​ലെ 13 ഇ​ട​ങ്ങ​ളി​ലാ​യി ഗു​ഹ​ക​ളി​ലും പാ​റ അ​ള​ങ്ങ​ളി​ലു​മാ​ണ് ഇ​വ​രു​ടെ വാ​സം. ഇ​വ​ർ കാ​ടി​റ​ങ്ങാ​ൻ കൂ​ട്ടാ​ക്കാ​ത്ത​തി​നാ​ൽ മാ​ഞ്ചീ​രി​യി​ൽ ഇ​വ​ർ​ക്ക് നി​ർ​മി​ച്ച് ന​ൽ​കി​യ വീ​ടു​ക​ൾ ഒ​ഴി​ഞ്ഞു കി​ട​ക്കു​ക​യാ​ണ്. 1982 ലാ​ണ് 14 വീ​ടു​ക​ൾ നി​ർ​മി​ച്ച് ഇ​വ​ർ​ക്ക് വ​ന​ത്തി​ന​ക​ത്ത് ത​ന്നെ താ​മ​സ​മൊ​രു​ക്കി​യ​ത്. ര​ണ്ടാ​ഴ്ച​ക്ക​കം വി​ര​ലി​ലെ​ണ്ണാ​വു​ന്ന കു​ടും​ബ​ങ്ങ​ളൊ​ഴി​കെ മ​റ്റെ​ല്ലാ​വ​രും ഉ​ൾ​വ​ന​ത്തി​ലെ ഗു​ഹ​ക​ളി​ലേ​ക്ക് ത​ന്നെ മ​ട​ങ്ങി.

കു​ടും​ബ​ങ്ങ​ളെ അ​പ്പാ​ടെ നാ​ടി​റ​ക്കു​ക സാ​ധ‍്യ​മാ​വി​ല്ല. ഈ ​സാ​ഹ​ച​ര‍്യ​ത്തി​ൽ കാ​ട്ടി​ൽ ഇ​വ​രു​ടെ സു​ര​ക്ഷി​ത​ത്വം ഉ​റ​പ്പാ​ക്കു​ക മാ​ത്ര​മാ​ണ് പോം​വ​ഴി. വീ​ട്ടു​സാ​ധ​ന​ങ്ങ​ളും മ​റ്റും വാ​ങ്ങാ​ൻ അ​പൂ​ർ​വ​മാ​യാ​ണ് ഇ​വ​രു​ടെ കാ​ടി​റ​ക്കം. രാ​ത്രി​ക​ളി​ൽ നെ​ടു​ങ്ക​യ​ത്ത് എ​ത്തു​ന്ന​വ​രെ വ​നം ക്വാ​ർ​ട്ടേ​ഴ്സു​ക​ളി​ൽ താ​മ​സി​പ്പി​ച്ച് അ​ടു​ത്ത ദി​വ​സം പ​ക​ൽ വാ​സ​സ്ഥ​ല​ത്തേ​ക്ക് പ​റ​ഞ്ഞു​വി​ടു​ന്ന പ​ദ്ധ​തി​യാ​ണ് വ​നം വ​കു​പ്പ് ഒ​രു​ക്കു​ന്ന​ത്.