സമരക്കാരുടെ ആവശ്യം കലക്ടർ അംഗീകരിച്ചു; നിലമ്പൂർ ആദിവാസി ഭൂസമരം അവസാനിച്ചു

നി​ല​മ്പൂ​ർ: ബി​ന്ദു വൈ​ലാ​ശേ​രി​യു​ടെ നേ​തൃ​ത്വ​ത്തി​ൽ 314 ദി​വ​സ​മാ​യി നി​ല​മ്പൂ​രി​ൽ ന​ട​ന്ന ആ​ദി​വാ​സി ഭൂ​സ​മ​രം അ​വ​സാ​നി​പ്പി​ച്ചു. സ​മ​ര​സ​മി​തി നേ​താ​ക്ക​ൾ ആ​വ​ശ്യ​പ്പെ​ട്ട പ്ര​കാ​രം ആ​ദി​വാ​സി​ക​ൾ​ക്ക് 50 സെ​ന്റ് ഭൂ​മി ന​ൽ​കാ​മെ​ന്ന് ക​ല​ക്ട​ർ ഉ​റ​പ്പ് കൊ​ടു​ത്ത​തോ​ടെ​യാ​ണ് സ​മ​രം അ​വ​സാ​നി​ച്ച​ത്. ബി​ന്ദു വൈ​ലാ​ശേ​രി​യു​മാ​യി നി​ല​മ്പൂ​ർ താ​ലൂ​ക്ക് ഓ​ഫി​സി​ൽ ക​ല​ക്ട​ർ വി.ആർ. വിനോദ് നടത്തിയ മ​ണി​ക്കൂ​റു​ക​ൾ നീ​ണ്ട ച​ർ​ച്ച​ക്കൊ​ടു​വി​ലാ​ണ് തീ​രു​മാ​നം.

ഗ്രോ ​വാ​സു​വും പ​ങ്കെ​ടു​ത്തു. തീ​രു​മാ​ന​പ്ര​കാ​രം സ​മ​ര​സ​മി​തി നേ​താ​ക്ക​ളാ​യ ഗി​രി​ദാ​സ്, വി​ജ​യ​ൻ, മ​ജീ​ദ് ചാ​ലി​യാ​ർ, വെ​ൽ​ഫെ​യ​ർ പാ​ർ​ട്ടി ജി​ല്ല ട്ര​ഷ​റ​ർ മു​നീ​ബ് കാ​ര​കു​ന്ന്, ജി​ല്ല സെ​ക്ര​ട്ട​റി ആ​രി​ഫ് ചു​ണ്ട​യി​ൽ എ​ന്നി​വ​ർ ക​ല​ക്ട​റേ​റ്റി​ലെ​ത്തി ധാ​ര​ണ​പ​ത്രം വാ​ങ്ങി.

വ​നം​വ​കു​പ്പ് നെ​ല്ലി​പ്പൊ​യി​ലി​ൽ റ​വ​ന്യൂ വ​കു​പ്പി​ന് കൈ​മാ​റി​യ ഭൂ​മി​യി​ൽ നി​ന്ന് ഭൂ​ര​ഹി​ത കു​ടും​ബ​ങ്ങ​ൾ​ക്ക് 50 സെ​ന്‍റ് വീ​തം ന​ൽ​കും. 20 സെൻറ് വീ​തം ന​ൽ​കാ​നാ​യി​രു​ന്നു ആ​ദ്യ തീ​രു​മാ​നം. എ​ന്നാ​ൽ, സ​മ​ര​ത്തെ തു​ട​ർ​ന്ന് ഇ​വി​ടെ 40 സെൻറ് വീ​തം ന​ൽ​കി. ഒ​രേ​ക്ക​ർ ഇ​ല്ലെ​ങ്കി​ൽ 50 സെ​ന്‍റ് എ​ങ്കി​ലും ന​ൽ​ക​ണ​മെ​ന്നാ​യി​രു​ന്നു സ​മ​ര​ക്കാ​രു​ടെ പ്ര​ധാ​ന ആ​വ​ശ്യം.

ഇ​ത് ക​ല​ക്ട​ർ ത​ത്വ​ത്തി​ൽ അം​ഗീ​ക​രി​ച്ചു. സു​പ്രീം കോ​ട​തി വി​ധി പ്ര​കാ​രം ഭൂ​ര​ഹി​ത​രാ​യ ആ​ദി​വാ​സി കു​ടും​ബ​ങ്ങ​ൾ​ക്ക് ഒ​രേ​ക്ക​ർ ഭൂ​മി വീ​തം ന​ൽ​ക​ണ​മെ​ന്നാ​വ​ശ്യ​പ്പെ​ട്ടാ​ണ് നി​ല​മ്പൂ​ർ ഐ.​ടി.​ഡി.​പി ഓ​ഫി​സി​ന് മു​ന്നി​ൽ ബി​ന്ദു വൈ​ലാ​ശ്ശേ​രി​യു​ടെ നേ​തൃ​ത്വ​ത്തി​ൽ ആ​ദി​വാ​സി കൂ​ട്ടാ​യ്മ ഉ​പ​വാ​സ സ​മ​രം തു​ട​ങ്ങി​യ​ത്.

ഞാ​യ​റാ​ഴ്ച ബി​ന്ദു​വി​ന്‍റെ ആ​രോ​ഗ്യ​നി​ല മോ​ശ​മാ​യി. ജി​ല്ല ആ​ശു​പ​ത്രി സൂ​പ്ര​ണ്ട് ഡോ. ​ഷി​നാ​സ് ബാ​ബു​വി​ന്‍റെ പ​രി​ശോ​ധ​ന​യി​ൽ ആ​രോ​ഗ‍്യ​നി​ല പാ​ടെ മോ​ശ​മാ​ണെ​ന്ന് അ​റി​യി​ച്ചു. ജി​ല്ല ആ​ശു​പ​ത്രി​യി​ലേ​ക്ക് മാ​റ്റാ​നു​ള്ള പൊ​ലീ​സി​ന്‍റെ ശ്ര​മം പ​രാ​ജ​യ​പ്പെ​ട്ടു. സ​മ​ര​പ​ന്ത​ലി​ൽ മ​രി​ച്ചു​വീ​ണാ​ലും ആ​വ​ശ‍്യം അം​ഗീ​ക​രി​ക്കാ​തെ സ​മ​രം അ​വ​സാ​നി​പ്പി​ക്കി​ല്ലെ​ന്നും ചി​കി​ത്സ​ക്ക് ത​യാ​റ​ല്ലെ​ന്നും ബി​ന്ദു നി​ല​പാ​ടെ​ടു​ത്തു. രാ​ത്രി പ​തി​നൊ​ന്നോ​ടെ​യാ​ണ് പൊ​ലീ​സ് സ​മ​ര​പ​ന്ത​ലി​ൽ നി​ന്ന് മ​ട​ങ്ങി​യ​ത്.

ഐ.​ടി.​ഡി.​പി ഓ​ഫി​സ് നി​ല​മ്പൂ​രി​ൽ നി​ന്ന് മി​നി സി​വി​ൽ സ്‌​റ്റേ​ഷ​നി​ലേ​ക്ക് മാ​റ്റി​യ​തോ​ടെ സ​മ​ര​ക്കാ​രും പ​ന്ത​ൽ കെ​ട്ടി സ​മ​രം അ​ങ്ങോ​ട്ട് മാ​റ്റി​യി​രു​ന്നു. താ​ലൂ​ക്ക് ഓ​ഫി​സ് പ​രി​സ​ര​ത്ത് വ​ലി​യ പൊ​ലീ​സ് സ​ന്നാ​ഹ​മു​ണ്ടാ​യി​രു​ന്നു. ക​ല​ക്ട​ർ​ക്ക് പു​റ​മെ അ​സി. ക​ല​ക്ട​ർ സു​മി​ത്ത് കു​മാ​ർ താ​ക്കൂ​ർ, നി​ല​മ്പൂ​ർ ത​ഹ​സി​ൽ​ദാ​ർ ഇ​ൻ ചാ​ർ​ജ് കെ.​എ​സ്. അ​ഷ്റ​ഫ്, ഭൂ​രേ​ഖ വി​ഭാ​ഗം ത​ഹ​സി​ൽ​ദാ​ർ എ. ​ജ​യ​ശ്രീ, ഐ.​ടി.​ഡി.​പി ഓ​ഫി​സ​ർ ശ്രീ​രേ​ഖ എ​ന്നി​വ​രും ച​ർ​ച്ച​യി​ൽ പ​ങ്കെ​ടു​ത്തു.