അർബുദബാധിതനായ ഭ​ർ​ത്താ​വി​ന് പ​റ​ക്ക​മു​റ്റാ​ത്ത കു​ട്ടി​ക​ളെ കൂ​ട്ടി​രു​ത്തി പൂ​ർ​ണി​മ ഇറങ്ങിത്തിരിച്ചത്​ കു​ഞ്ഞാ​ളു​വി​ന് തണലേകാൻ​

നി​ല​മ്പൂ​ർ: മ​ഹാ​മാ​രി​ക്കാ​ല​ത്തെ ആ​കു​ല​ത​ക​ൾ​ക്കും ആ​ശ​ങ്ക​ക​ൾ​ക്കു​മി​ട​യി​ൽ പൂ​ർ​ണി​മ​യു​ടെ ജീ​വി​ത​സ​ന്ദേ​ശം മ​ഹ​ത്ത​ര​മാ​കു​ന്നു. നി​ല​മ്പൂ​ർ അ​ഗ്​​നി​ര​ക്ഷ നി​ല​യ​ത്തി​ലെ സി​വി​ൽ ഡി​ഫ​ൻ​സ് അം​ഗം വ​ഴി​ക്ക​ട​വ് മ​രു​ത സ്വ​ദേ​ശി പൂ​ർ​ണി​മ​യാ​ണ്, ജീ​വി​ത​ത്തി​ൽ ഒ​റ്റ​പ്പെ​ട്ട കു​ഞ്ഞാ​ളു​വി​ന് നി​ല​മ്പൂ​ർ ജി​ല്ല ആ​ശു​പ​ത്രി​യി​ൽ കൂ​ട്ടി​രി​ക്കു​ന്ന​ത്.

വ​ർ​ഷ​ങ്ങ​ൾ​ക്ക് മു​മ്പ്​ ഭ​ർ​ത്താ​വ് ഉ​പേ​ക്ഷി​ച്ച​തി​നാ​ൽ മ​രു​ത അ​ര​ഞ്ഞി​പ്പാ​ല​ത്തി​ങ്ങ​ല്ലി​ൽ ത​നി​ച്ച്​ താ​മ​സി​ക്കു​ക​യാ​ണ് വി​ജ​യ​കു​മാ​രി എ​ന്ന കു​ഞ്ഞാ​ളു (63). തി​മി​ര ശ​സ്ത്ര​ക്രി​യ​യി​ലൂ​ടെ കാ​ഴ്ച വീ​ണ്ടെ​ടു​ക്കു​ക​യെ​ന്ന​ത് കു​ഞ്ഞാ​ളു​വി‍െൻറ വ​ലി​യ മോ​ഹ​മാ​യി​രു​ന്നു.

ശ​സ്ത്ര​ക്രി​യ​ക്ക് ആ​ശു​പ​ത്രി​യി​ൽ കൂ​ട്ടു​പോ​കാ​ൻ ആ​ളി​ല്ലാ​തെ വി​ഷ​മി​ക്കു​മ്പോ​ഴാ​ണ് പൂ​ർ​ണി​മ​യു​ടെ സ​ഹാ​യം ല​ഭി​ച്ച​ത്. മ​രു​ത കാ​ഞ്ഞി​ര​ത്തി​ങ്ങ​ല്ലി​ൽ നി​ർ​ധ​ന കു​ടും​ബ​ത്തി‍െൻറ വീ​ട് പു​ന​രു​ദ്ധാ​ര​ണ​ത്തി​ന് സി​വി​ൽ ഡി​ഫ​ൻ​സ് അം​ഗ​ങ്ങ​ളോ​ടൊ​പ്പ​മെ​ത്തി​യ​പ്പോ​ഴാ​ണ് കു​ഞ്ഞാ​ളു​വി‍െൻറ ദു​രി​തം പൂ​ർ​ണി​മ​യ​റി​ഞ്ഞ​ത്. അ​ർ​ബു​ദ രോ​ഗ​ത്തി​ന് ചി​കി​ത്സ​യി​ലു​ള്ള ഭ​ർ​ത്താ​വി‍െൻറ സ​മ്മ​തം വാ​ങ്ങി പ​റ​ക്ക​മു​റ്റാ​ത്ത കു​ട്ടി​ക​ളെ ഭ​ർ​ത്താ​വി​ന് കൂ​ട്ടി​രു​ത്തി​യാ​ണ് പൂ​ർ​ണി​മ കു​ഞ്ഞാ​ളു​വി​നെ ശു​ശ്രു​ഷി​ക്കാ​ൻ ആ​ശു​പ​ത്രി​യി​ൽ കൂ​ട്ടി​നെ​ത്തി​യ​ത്. ശ​സ്ത്ര​ക്രി​യ ക​ഴി​ഞ്ഞ ഇ​വ​രെ പ്രാ​ഥ​മി​ക ആ​വ​ശ്യ​ങ്ങ​ൾ​ക്കാ​യി കൊ​ണ്ടു​പോ​കു​ന്ന​തും മ​രു​ന്നും ഭ​ക്ഷ​ണ​വും എ​ത്തി​ക്കു​ന്ന​തു​മെ​ല്ലാം പൂ​ർ​ണി​മ​യാ​ണ്. ര​ണ്ട്​ ദി​വ​സ​ത്തി​ന​കം ആ​ശു​പ​ത്രി വി​ടാ​ൻ സാ​ധി​ക്കു​മെ​ന്നാ​ണ്​ പ്ര​തീ​ക്ഷ.