നി​ല​മ്പൂ​ർ ഗവ. കോളജ് ഇന്ന് മുതൽ താൽക്കാലിക കെട്ടിടത്തിൽ

പൂ​ക്കോ​ട്ടും​പാ​ടം: അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​യി​ൽ വീ​ർ​പ്പു​മു​ട്ടി പൂ​ക്കോ​ട്ടും​പാ​ട​ത്ത് വാ​ട​ക​ക്കെ​ട്ടി​ട​ത്തി​ൽ പ്ര​വ​ർ​ത്തി​ച്ചി​രു​ന്ന നി​ല​മ്പൂ​ർ ഗ​വ. കോ​ള​ജ് തി​ങ്ക​ളാ​ഴ്ച മു​ത​ൽ നി​ല​മ്പൂ​രി​ൽ പ്ര​വ​ർ​ത്തി​ക്കും.മൂ​ല്യ​നി​ർ​ണ​യ​ക്യാ​മ്പ് ന​ട​ക്കു​ന്ന​തി​നാ​ൽ 26 ന് ​പ്ര​വേ​ശ​നോ​ത്സ​വം ന​ട​ത്താ​നാ​ണ് തീ​രു​മാ​നം. നി​ല​മ്പൂ​ർ കോ​ട​തി​പ്പ​ടി​യി​ലെ സ്വ​കാ​ര്യ കെ​ട്ടി​ട​ത്തി​ലേ​ക്കാ​ണ് താ​ൽ​ക്കാ​ലി​ക​മാ​യി മാ​റ്റി​യ​ത്.

പൂ​ക്കോ​ട്ടും​പാ​ട​ത്തെ അ​പേ​ക്ഷി​ച്ച് കൂ​ടു​ത​ൽ അ​ടി​സ്ഥാ​ന സൗ​ക​ര്യ​ങ്ങ​ൾ ഇ​വി​ടെ ല​ഭ്യ​മാ​ണ്. 2017ലാ​ണ് ഏ​റെ വി​വാ​ദ​ങ്ങ​ൾ​ക്ക് ശേ​ഷം ഗ​വ. കോ​ള​ജ് പൂ​ക്കോ​ട്ടും​പാ​ട​ത്തേ​ക്ക് മാ​റ്റി​യ​ത്. അ​ന്ന് വ്യാ​പാ​രി​ക​ളും, പൗ​ര​സ​മി​തി​യും അ​മ​ര​മ്പ​ല​ത്ത് സൗ​ക​ര്യ​പ്ര​ദ​മാ​യ സ്ഥ​ലം ക​ണ്ടെ​ത്തി ന​ൽ​കാ​മെ​ന്ന് ധാ​ര​ണ​യു​ണ്ടാ​ക്കി​യി​രു​ന്നു. എ​ന്നാ​ൽ, അ​ഞ്ചാം​മൈ​ലി​ൽ അ​ധി​കൃ​ത​ർ പ​രി​ശോ​ധ​ന ന​ട​ത്തി​യെ​ങ്കി​ലും പി​ന്നീ​ട് കാ​ര്യ​മാ​യ പു​രോ​ഗ​തി​യു​ണ്ടാ​യി​ല്ല.

പൂ​ക്കോ​ട്ടും​പാ​ട​ത്തെ കാ​ളി​കാ​വ് റോ​ഡി​ലെ വാ​ട​ക​കെ​ട്ടി​ട​ത്തി​ലെ മൂ​ന്നാം നി​ല​യി​ൽ പ്ര​വ​ർ​ത്ത​ന​മാ​രം​ഭി​ച്ച കോ​ള​ജി​ൽ നാ​ല് കോ​ഴ്സു​ക​ളാ​ണു​ണ്ടാ​യി​രു​ന്ന​ത്. കൂ​ടു​ത​ൽ ബാ​ച്ചു​ക​ൾ വ​ന്ന​തോ​ടെ​യാ​ണ് ക്ലാ​സ് മു​റി​ക​ൾ​ക്കും പ്രാ​ഥ​മി​ക സൗ​ക​ര്യ​ങ്ങ​ൾ​ക്കും വ​രെ പ്ര​യാ​സ​മാ​യ​ത്. 327 വി​ദ്യാ​ർ​ഥി​ക​ളാ​ണ് പ​ഠ​നം ന​ട​ത്തു​ന്ന​ത്.

ലാ​പ്ടോ​പ്പു​ക​ളും യു.​പി.​എ​സ്, ലാ​ബ് ഉ​പ​ക​ര​ണ​ങ്ങ​ൾ, ലൈ​ബ്ര​റി പു​സ്ത​ക​ങ്ങ​ൾ തു​ട​ങ്ങി​യ​വ​യും വി​ദ്യാ​ർ​ഥി​ക​ൾ​ക്ക് ഉ​പ​യോ​ഗ​പ്പെ​ടു​ത്താ​നാ​വാ​തെ അ​വ​സ്ഥ​യാ​യി​രു​ന്നു. സെ​മി​നാ​റു​ക​ൾ, ദി​നാ​ച​ര​ണ​ങ്ങ​ൾ, ആ​ഘോ​ഷ പ​രി​പാ​ടി​ക​ൾ എ​ന്നി​വ​യെ​ല്ലാം ന​ട​ത്താ​ൻ മ​റ്റു സ്വ​കാ​ര്യ ഓ​ഡി​റ്റോ​റി​യ​ങ്ങ​ളെ ആ​ശ്ര​യി​ക്കേ​ണ്ട ഗ​തി​കേ​ടി​ലു​മാ​യി. മാ​ത്ര​മ​ല്ല കോ​ള​ജി​ന് ല​ഭ്യ​മാ​കേ​ണ്ട എ​ൻ.​എ​സ്.​എ​സ്, എ​ൻ.​സി.​സി യൂ​നി​റ്റ് തു​ട​ങ്ങി​യ​വ ല​ഭി​ച്ച​തു​മി​ല്ല.

തു​ട​ർ​ന്ന് കോ​ള​ജി​ന്റെ ദു​ര​വ​സ്ഥ​ക്ക് പ​രി​ഹാ​രം കാ​ണ​ണ​മെ​ന്നാ​വ​ശ്യ​പ്പെ​ട്ട് വി​ദ്യാ​ർ​ഥി​ക​ൾ ഗ്രാ​മ​പ​ഞ്ചാ​യ​ത്ത് ഓ​ഫി​സി​ന് മു​ന്നി​ൽ ബെ​ഞ്ചും ഡെ​സ്കും വെ​ച്ച് അ​നി​ശ്ചി​ത​കാ​ല സ​മ​രം ന​ട​ത്തി​യി​രു​ന്നു.എം.​എ​ൽ.​എ​യു​ടെ ഓ​ഫി​സി​ന് മു​ന്നി​ലും സ​മ​രം ന​ട​ത്തി. പ​ക്ഷേ, തീ​രു​മാ​ന​മാ​യി​ല്ല. തു​ട​ർ​ന്ന് ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ. ​ആ​ർ. ബി​ന്ദു​വി​നും, പി.​വി. അ​ൻ​വ​ർ എം.​എ​ൽ.​എ​ക്കും നി​വേ​ദ​നം ന​ൽ​കി.

ആ​വ​ശ്യ​മാ​യ സ്ഥ​ലം ല​ഭി​ക്കും​വ​രെ സൗ​ക​ര്യ​പ്ര​ദ​മാ​യ സ്ഥ​ല​ത്തേ​ക്ക് മാ​റ്റ​ണ​മെ​ന്ന കോ​ള​ജ് അ​ധി​കൃ​ത​രു​ടെ ആ​വ​ശ്യ​ത്തെ തു​ട​ർ​ന്നാ​ണ് നി​ല​മ്പൂ​രി​ലേ​ക്ക് മാ​റ്റി​യ​ത്. സ്ഥ​ല​വും കെ​ട്ടി​ട​സൗ​ക​ര്യ​ങ്ങ​ളു​മാ​കു​മ്പോ​ൾ പാ​ട​ത്തേ​ക്ക് ത​ന്നെ തി​രി​ച്ചു​കൊ​ണ്ടു​വ​രു​മെ​ന്ന പ്ര​തീ​ക്ഷ​യി​ലാ​ണ് നാ​ട്ടു​കാ​ർ.