നാടുകാണി ചുരത്തിൽ ചരക്ക് ലോറിക്ക് തീപിടിച്ചു

നി​ല​മ്പൂ​ർ: സി​മ​ൻ​റു ലോ​ഡു​മാ​യി വ​ന്ന ലോ​റി നാ​ടു​കാ​ണി ചു​രം പാ​ത​യി​ൽ ക​ത്തി ന​ശി​ച്ചു. വെ​ള്ളി​യാ​ഴ്ച പു​ല​ർ​ച്ച 2.30നാ​ണ് സം​ഭ​വം. ക​ർ​ണാ​ട​ക ബെ​ല്ലാ​രി​യി​ൽ നി​ന്നു കൊ​ണ്ടോ​ട്ടി​യി​ലേ​ക്ക് വ​രു​ന്ന സി​മ​ൻ​റ്​ ലോ​റി​ക്കാ​ണ് തീ ​പി​ടി​ച്ച​ത്.

ഡ്രൈ​വ​ർ പാ​ല​ക്കാ​ട് സ്വ​ദേ​ശി ജ​യ​ൻ ഇ​റ​ങ്ങി ര​ക്ഷ​പ്പെ​ട്ടു. ആ​ന​മ​റി​യി​ലെ എ​ക്സൈ​സ് ചെ​ക്ക് പോ​സ്​​റ്റി​ൽ എ​ത്തി ജ​യ​ൻ ന​ൽ​കി​യ വി​വ​ര​ത്തെ തു​ട​ർ​ന്ന് നി​ല​മ്പൂ​ർ ഫ​യ​ർ ഫോ​ഴ്സി​െൻറ മൂ​ന്ന് യൂ​നി​റ്റ്​ എ​ത്തി​യാ​ണ് മൂ​ന്ന​ര​യോ​ടെ തീ ​അ​ണ​ച്ച​ത്. ഇ​തി​ന​കം വാ​ഹ​ന​വും സി​മ​ൻ​റും പൂ​ർ​ണ​മാ​യും അ​ഗ്നി​ക്കി​ര​യാ​യി.

വ​ഴി​ക്ക​ട​വ് ആ​ന​മ​റി ഒ​ന്നാം വ​ള​വി​ന് സ​മീ​പ​മാ​ണ് അ​പ​ക​ടം. ഒ​രു വ​ർ​ഷ​ത്തി​നി​ടെ ചു​രം പാ​ത​യി​ൽ വാ​ഹ​നം ക​ത്തി​യ​മ​രു​ന്ന​ത് ഇ​ത് മൂ​ന്നാം ത​വ​ണ​യാ​ണ്. ഏ​താ​നും മാ​സ​ങ്ങ​ൾ​ക്ക് മു​മ്പ് പ​ഞ്ച​സാ​ര ലോ​ഡു​മാ​യി വ​ന്ന ലോ​റി​യും ടൈ​ൽ​സു ക​യ​റ്റി വ​ന്ന വാ​ഹ​ന​വും സ​മാ​ന രീ​തി​യി​ൽ തീ​പി​ടി​ച്ചു ക​ത്തി ന​ശി​ച്ചി​രു​ന്നു.