അമിത പിഴ: സർവിസ് നിർത്തിവെക്കുമെന്ന് ബസുടമകൾ

നി​ല​മ്പൂ​ർ: സ്വ​കാ​ര്യ ബ​സു​ട​മ​ക​ളു​ടെ പേ​രി​ൽ അ​മി​ത പി​ഴ ചു​മ​ത്തു​ന്ന ഗ​താ​ഗ​ത വ​കു​പ്പി​ന്‍റെ ന​ട​പ​ടി തു​ട​രു​ക​യാ​ണെ​ങ്കി​ൽ സ​ർ​വി​സ് നി​ർ​ത്തി​വെ​ച്ച് പെ​ർ​മി​റ്റു​ക​ൾ സ​റ​ണ്ട​ർ ചെ​യ്യാ​ൻ നി​ർ​ബ​ന്ധി​ത​മാ​കു​മെ​ന്ന് ബ​സ് ഓ​പ​റേ​റ്റേ​ഴ്സ് ഫെ​ഡ​റേ​ഷ​ൻ സം​സ്ഥാ​ന വൈ​സ് പ്ര​സി​ഡ​ന്‍റ്​ ശ​ര​ണ്യ മ​നോ​ജ് കു​മാ​ർ. ബ​സ് ഓ​പ​റേ​റ്റേ​ഴ്സ് അ​സോ​സി​യേ​ഷ​ൻ നി​ല​മ്പൂ​ർ താ​ലൂ​ക്ക് സ​മ്മേ​ള​നം ഉ​ദ്ഘാ​ട​നം ചെ​യ്യു​ക​യാ​യി​രു​ന്നു അ​ദ്ദേ​ഹം. അ​റ്റ​കു​റ്റ​പ്പ​ണി​ക​ൾ​ക്കു​വേ​ണ്ടി​യും മ​റ്റും നി​ർ​ത്തി​യി​ടു​ന്ന ബ​സു​ക​ളു​ടെ ഫോ​ട്ടോ​യെ​ടു​ത്ത് പെ​ർ​മി​റ്റ് വ​യ​ലേ​ഷ​ന് പി​ഴ ചു​മ​ത്തു​ന്ന ന​ട​പ​ടി അം​ഗീ​ക​രി​ക്കാ​ൻ ക​ഴി​യി​ല്ല. ബ​സ് നി​ര​ക്ക്​ വ​ർ​ധി​പ്പി​ച്ചെ​ങ്കി​ലും സ്വ​കാ​ര്യ ബ​സു​ക​ളി​ലെ യാ​ത്ര​ക്കാ​രി​ൽ 50 ശ​ത​മാ​ന​ത്തി​ല​ധി​കം വ​രു​ന്ന വി​ദ്യാ​ർ​ഥി​ക​ളു​ടെ ടി​ക്ക​റ്റ് നി​ര​ക്കി​ൽ വ​ർ​ധ​ന വ​രു​ത്തി​യി​രു​ന്നി​ല്ല.

ഇ​ക്കാ​ര്യ​ത്തി​ൽ ക​മീ​ഷ​നെ നി​യ​മി​ച്ച് ഒ​രു​മാ​സ​ത്തി​ന​കം റി​പ്പോ​ർ​ട്ട് വാ​ങ്ങി​യ​ശേ​ഷം നി​ര​ക്ക് വ​ർ​ധ​ന ന​ട​പ്പാ​ക്കാ​മെ​ന്ന് സ​ർ​ക്കാ​ർ ബ​സ് ഓ​പ​റേ​റ്റേ​ഴ്സ് ഫെ​ഡ​റേ​ഷ​ന് ഉ​റ​പ്പ് ന​ൽ​കി​യെ​ങ്കി​ലും ഒ​ന്നും ന​ട​പ്പാ​യി​ല്ല. ബ​സ് വ്യ​വ​സാ​യ​ത്തെ ത​ക​ർ​ക്കു​ന്ന ഇ​ത്ത​രം ന​ട​പ​ടി​ക​ൾ ഇ​നി​യും തു​ട​രു​ക​യാ​ണെ​ങ്കി​ൽ സ​ർ​വി​സ് നി​ർ​ത്തി​വെ​ക്കാ​ൻ നി​ർ​ബ​ന്ധി​ത​മാ​കു​മെ​ന്ന്​ താ​ലൂ​ക്ക് സ​മ്മേ​ള​നം പ്ര​മേ​യ​ത്തി​ലൂ​ടെ സ​ർ​ക്കാ​റി​നെ അ​റി​യി​ച്ചു.

താ​ലൂ​ക്ക് പ്ര​സി​ഡ​ന്റ് മു​ഹ​മ്മ​ദ​ലി ന​വ​നീ​ത അ​ധ്യ​ക്ഷ​ത വ​ഹി​ച്ചു. സം​സ്ഥാ​ന ട്ര​ഷ​റ​ർ ഹം​സ ഏ​രി​ക്കു​ന്ന​ൻ മു​ഖ്യ​പ്ര​ഭാ​ഷ​ണം ന​ട​ത്തി. സം​സ്ഥാ​ന ജോ​യ​ന്‍റ്​ സെ​ക്ര​ട്ട​റി രാ​ജ​ശേ​ഖ​ര​ൻ, ജി​ല്ല പ്ര​സി​ഡ​ന്റ് ബ്രൈ​റ്റ് നാ​ണി ഹാ​ജി, വി​വി​ധ താ​ലൂ​ക്ക് ഭാ​ര​വാ​ഹി​ക​ളാ​യ അ​നി​ൽ നി​ല​മ്പൂ​ർ, മു​നീ​ർ വ​ണ്ടൂ​ർ, എ​ൻ.​കെ. ശി​ശു​പാ​ല​ൻ, വെ​ട്ട​ത്തൂ​ർ മു​ഹ​മ്മ​ദ​ലി ഹാ​ജി, റ​ഫീ​ഖ് പ​ടി​ക്ക​ൽ, മൈ ​ബ്ര​ദ​ർ മ​ജീ​ദ്, കു​ഞ്ഞി​മൊ​യ്തീ​ൻ തോ​ട്ട​ത്തി​ൽ, റ​സാ​ഖ് ഏ​ഞ്ച​ൽ ബേ​ബി, സു​ധീ​ർ ബാ​ബു എ​ന്നി​വ​ർ സം​സാ​രി​ച്ചു.

'ബ​സ് ക​ൺ​സ​ഷ​ൻ ദു​രു​പ​യോ​ഗം ഒ​ഴി​വാ​ക്ക​ണം'

നി​ല​മ്പൂ​ർ: വി​ദ്യാ​ർ​ഥി​ക​ൾ​ക്ക് അ​നു​വ​ദി​ച്ച യാ​ത്ര ക​ൺ​സ​ഷ​ൻ ദു​രു​പ​യോ​ഗം ചെ​യ്യു​ന്ന​ത്​ ഒ​ഴി​വാ​ക്ക​ണ​മെ​ന്ന് നി​ല​മ്പൂ​ർ താ​ലൂ​ക്ക് ബ​സ് ഓ​പ​റേ​റ്റേ​ഴ്സ് ഓ​ർ​ഗ​നൈ​സേ​ഷ​ൻ ക​മ്മി​റ്റി യോ​ഗം ആ​വ​ശ‍്യ​പ്പെ​ട്ടു. വീ​ട്ടി​ൽ​നി​ന്ന്​ വി​ദ്യാ​ല​യ​ങ്ങ​ളി​ലേ​ക്കും തി​രി​ച്ച് വീ​ട്ടി​ലേ​ക്കു​മാ​ണ് ക​ൺ​സ​ഷ​ൻ അ​നു​വ​ദി​ച്ചി​ട്ടു​ള്ള​ത്. എ​ന്നാ​ൽ, അ​ല്ലാ​ത്ത യാ​ത്ര​ക​ൾ​ക്കും കാ​ർ​ഡ്​ ദു​രു​പ​യോ​ഗം ചെ​യ്യു​ന്ന​താ​യി ശ്ര​ദ്ധ​യി​ൽ​പ്പെ​ട്ടി​ട്ടു​ണ്ടെ​ന്ന്​ യോ​ഗം വി​ല​യി​രു​ത്തി. താ​ലൂ​ക്ക് പ്ര​സി​ഡ​ന്‍റ് മു​സ്ത​ഫ ക​ള​ത്തും​പ​ടി​ക്ക​ൽ അ​ധ‍്യ​ക്ഷ​ത വ​ഹി​ച്ചു. ഷൗ​ക്ക​ത്ത​ലി ഉ​ള്ളാ​ട്ട് പ​റ​മ്പ​ൻ, നി​യാ​സ് ചാ​ലി​യാ​ർ, കെ.​ടി. മെ​ഹ​ബൂ​ബ്, എം. ​ദി​നേ​ശ് കു​മാ​ർ, വാ​ക്കി​യ​ത്ത് കോ​യ, ഷ​മീ​ർ അ​റ​ക്ക​ൽ എ​ന്നി​വ​ർ സം​സാ​രി​ച്ചു.