ആ​ദി​വാ​സി​ക​ളു​ടെ ഇ​ന്ന​ത്തെ അ​വ​സ്ഥ​ക്ക് കാ​ര​ണം ഭ​ര​ണാ​ധി​കാ​രി​ക​ൾ -ഗ്രോ ​വാ​സു

നി​ല​മ്പൂ​ർ: ഏ​ഴു​മാ​സ​ത്തോ​ള​മാ​യി നി​ല​മ്പൂ​ർ പ​ട്ടി​ക​വ​ർ​ഗ ഓ​ഫി​സി​ന് മു​ന്നി​ൽ ആ​ദി​വാ​സി കൂ​ട്ടാ​യ്മ ന​ട​ത്തി​വ​രു​ന്ന ഭൂ​സ​മ​ര​ത്തി​ന് ഐ​ക‍്യ​ദാ​ർ​ഢ‍്യ​വു​മാ​യി മ​നു​ഷ‍്യാ​വ​കാ​ശ പ്ര​വ​ർ​ത്ത​ക​രാ​യ ഗ്രോ ​വാ​സു, മോ​യി​ൻ ബാ​പ്പു, കു​ഞ്ഞി​ക്കോ​യ എ​ന്നി​വ​ർ ഉ​പ​വാ​സ സ​മ​രം തു​ട​ങ്ങി. തി​ങ്ക​ളാ​ഴ്ച വൈ​കീ​ട്ട്​ അ​ഞ്ചോ​ടെ​യാ​ണ് ആ​ദി​വാ​സി കൂ​ട്ടാ​യ്മ​യു​ടെ സ​മ​ര​പ്പ​ന്ത​ലി​ൽ സ​മ​ര​നാ​യി​ക ബി​ന്ദു വൈ​ലാ​ശ്ശേ​രി​യോ​ടൊ​പ്പം മൂ​വ​രും സ​മ​രം ആ​രം​ഭി​ച്ച​ത്. 24 മ​ണി​ക്കൂ​ർ ഉ​പ​വാ​സ സ​മ​ര​മാ​ണ് പ്ര​ഖ‍്യാ​പി​ച്ചി​ട്ടു​ള്ള​ത്.

ആ​ദി​വാ​സി​ക​ളു​ടെ ഇ​ന്ന​ത്തെ അ​വ​സ്ഥ​ക്ക് കു​റ്റ​പ്പെ​ടു​ത്തേ​ണ്ട​ത് ന​മ്മു​ടെ ഭ​ര​ണാ​ധി​കാ​രി​ക​ളെ ആ​ണെ​ന്ന് ഗ്രോ ​വാ​സു പ​റ​ഞ്ഞു. ആ​ദി​വാ​സി ഭൂ​സ​മ​ര കൂ​ട്ടാ​യ്മ ഭാ​ര​വാ​ഹി​ക​ളും സം​ബ​ന്ധി​ച്ചു. ആ​ദി​വാ​സി​ക​ള്‍ക്ക് അ​വ​കാ​ശ​പ്പെ​ട്ട മു​ഴു​വ​ന്‍ ഭൂ​മി​യും വി​ത​ര​ണം ചെ​യ്യു​ക, സു​പ്രീം​കോ​ട​തി വി​ധി ന​ട​പ്പാ​ക്കു​ക തു​ട​ങ്ങി​യ ആ​വ​ശ്യ​ങ്ങ​ളു​മാ​യി ക​ഴി​ഞ്ഞ 209 ദി​വ​സ​ങ്ങ​ളാ​യി ആ​ദി​വാ​സി കൂ​ട്ടാ​യ്മ ഐ.​ടി.​ഡി.​പി ഓ​ഫി​സി​ന് മു​ന്നി​ൽ സ​മ​രം തു​ട​രു​ക​യാ​ണ്. പി.​വി. അ​ൻ​വ​ർ എം.​എ​ല്‍.​എ​യു​ടെ ആ​ദി​വാ​സി​വി​രു​ദ്ധ പ്ര​സ്താ​വ​ന​യി​ല്‍ പ്ര​തി​ഷേ​ധി​ച്ച് സ​മ​ര​നാ​യി​ക ബി​ന്ദു വൈ​ലാ​ശ്ശേ​രി ക​ഴി​ഞ്ഞ മൂ​ന്ന് ദി​വ​സ​ങ്ങ​ളി​ലാ​യി ഉ​പ​വാ​സ​ത്തി​ലു​മാ​ണ്.