Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightMalappuramchevron_rightNilamburchevron_rightആത്മഹത‍്യക്ക്​...

ആത്മഹത‍്യക്ക്​ ശ്രമിച്ച യുവാവിന് കോവിഡ്; 15 പേർ ക്വാറൻറീനിൽ

text_fields
bookmark_border
ആത്മഹത‍്യക്ക്​ ശ്രമിച്ച യുവാവിന് കോവിഡ്; 15 പേർ ക്വാറൻറീനിൽ
cancel

നിലമ്പൂർ: ആത്മഹത‍്യശ്രമം നടത്തിയ യുവാവിന് പരിശോധനയിൽ കോവിഡ് സ്ഥിരീകരിച്ചു. ഇതോടെ ഇയാളെ രക്ഷിക്കാൻ ശ്രമിച്ചവരും ആശുപത്രിയിൽ കൊണ്ടുപോയവരും ഉൾ​െപ്പടെ 15 പേർ ക്വാറൻറീനിലായി. ചാലിയാർ പഞ്ചായത്തിൽ ഞായറാഴ്ചയാണ് സംഭവം.

എരഞ്ഞിമങ്ങാടിലെ ലോറി ഡ്രൈവറായ 24കാരനാണ് വീട്ടിൽ ആത്​മഹത്യക്ക്​ ശ്രമിച്ചത്. മൈസൂർ-ബംഗളൂരു മാർക്കറ്റുകളിൽനിന്ന്​ ചരക്കെടുക്കുന്ന ലോറിയിലെ ഡ്രൈവറാണിയാൾ.

ഇതര സംസ്ഥാനങ്ങളിൽ പോയിവരുന്നവർ ക്വാറൻറീനിൽ ഇരിക്കണമെന്ന് പറഞ്ഞ മറ്റൊരു യുവാവിനെ ഇയാൾ മർദിച്ചതായി പറയുന്നു. മർദനമേറ്റ യുവാവ് പൊലീസ് സ്​റ്റേഷനിൽ പരാതി പറയാൻ പോയത് അറിഞ്ഞതോടെയാണ് വൈകീട്ട്​ ഏഴു മണിയോടെ ആത്മഹത‍്യക്ക് ശ്രമിച്ചത്.

വീട്ടുകാരുടെ ബഹളം കേട്ട് ഓടിക്കൂടിയ നാട്ടുകാർ കയർ മുറിച്ച്​ യുവാവിനെ ജീപ്പിലും ഓട്ടോറിക്ഷയിലുമായി നിലമ്പൂർ ജില്ല ആശുപത്രിയിലെത്തിച്ചു.

ബംഗളൂരുവിൽ പോയി വരുന്നയാളാണെന്ന്​ അറിഞ്ഞതോടെ മഞ്ചേരി മെഡിക്കൽ കോളജ്​ ആശുപത്രിയിലേക്ക് മാറ്റി. സുഖം പ്രാപിച്ചുവന്ന യുവാവി​െൻറ സ്രവപരിശോധനയിലാണ് ചൊവ്വാഴ്ച കോവിഡ് സ്​ഥിരീകരിച്ചത്. ഇതോടെ രക്ഷപ്പെടുത്തിയ നാട്ടുകാർ ക്വാറൻറീനിലാവുകയായിരുന്നു.

Show Full Article
TAGS:suicide attempt covid-19 quarantine nilambur 
Next Story