ക​നോ​ലി പ്ലോ​ട്ടിലെ രുചിവിരുന്നിന് ക്ലീ​ൻ സ്ട്രീ​റ്റ് ഫു​ഡ് ഹ​ബ് അംഗീകാരം

നി​ല​മ്പൂ​ർ: ജി​ല്ല​യു​ടെ ഇ​ക്കോ ടൂ​റി​സം ഭൂ​പ​ട​ത്തി​ൽ ഇ​ട​മു​ള്ള ക​നോ​ലി പ്ലോ​ട്ടി​ന് കേ​ന്ദ്ര ഭ​ക്ഷ‍്യ സു​ര​ക്ഷാ അ​തോ​റി​റ്റി​യു​ടെ ക്ലീ​ൻ സ്ട്രീ​റ്റ് ഫു​ഡ് ഹ​ബ് അം​ഗീ​കാ​രം. മ​നോ​ഹ​ര കാ​ഴ്ച വി​രു​ന്നൊ​രു​ക്കി ക​ട​ന്നു​പോ​കു​ന്ന കോ​ഴി​ക്കോ​ട്-​നി​ല​മ്പൂ​ർ-​ഊ​ട്ടി പാ​ത​ക്ക് അ​രി​കു​ചേ​ർ​ന്നു​ള്ള വ​ഴി​യോ​ര ക​ച്ച​വ​ടക്കാ​ർ​ക്കാ​ണ് അം​ഗീ​കാ​രം. കാ​നോ​ലി പ്ലോ​ട്ടി​ലെ മു​ഴു​വ​ൻ ക​ച്ച​വ​ട​ങ്ങ​ളും ഭ​ക്ഷ്യ​സു​ര​ക്ഷ ര​ജി​സ്ട്രേ​ഷ​ൻ നേ​ടി​യ​വ​രാ​ണ്. ജീ​വ​ന​ക്കാ​ർ എ​ല്ലാ​വ​രും മെ​ഡി​ക്ക​ൽ ഫി​റ്റ്ന​സ് സ​ർ​ട്ടി​ഫി​ക്ക​റ്റ് ല​ഭി​ച്ച​വ​രു​മാ​ണ്.

ഇ​തി​ൽ ഓ​ഡി​റ്റി​ങ് പൂ​ർ​ത്തി​യാ​ക്കി​യ 15 ക​ച്ച​വ​ട​ക്കാ​ർ​ക്കാ​ണ് അം​ഗീ​കാ​രം ന​ൽ​കി​യ​ത്. ഉ​പ​യോ​ഗി​ക്കു​ന്ന വെ​ള്ളം ഭ​ക്ഷ്യ സു​ര​ക്ഷ മാ​ന​ദ​ണ്ഡം അ​നു​സ​രി​ച്ചു​ള്ള​തും ജീ​വ​ന​ക്കാ​ർ ഭ​ക്ഷ്യ സു​ര​ക്ഷ ഫോ​സ്ടാ​ക്ക് [fostac] ട്രെ​യി​നി​ങ് നേ​ടി​യ​തും ഓ​ഡി​റ്റി​ങ് സ​മ​യ​ത്ത് പ​രി​ഗ​ണി​ക്കു​ക​യു​ണ്ടാ​യി. ഈ ​പാ​ത​യി​ലൂ​ടെ ക​ട​ന്നു​പോ​കു​ന്ന സ​ഞ്ചാ​രി​ക​ൾ​ക്ക് എ​ന്നും പ്രി​യ​പ്പെ​ട്ട ഇ​ട​മാ​ണി​ത്. സാ​മൂ​ഹി​ക മാ​ധ്യ​മ​ങ്ങ​ളി​ൽ ക​നോ​ലി ​പ്ലോ​ട്ടി​ൽ​നി​ന്നു​ള്ള വി​​ഡി​യോ​ക​ൾ ത​രം​ഗ​മാ​കാ​റു​ണ്ട്.