പു​തു വ​ർ​ഷം,പു​തി​യ തു​ട​ക്കം; പ്ലാസ്റ്റിക് വലിച്ചെറിഞ്ഞാൽ പണി ഉറപ്പ്

മ​ല​പ്പു​റം: പ്ലാ​സ്റ്റി​ക്​ മാ​ലി​ന്യം വ​ലി​​ച്ചെ​റി​യു​ന്ന​വ​ർ​ക്കെ​തി​രെ ജി​ല്ല​യി​ൽ ജ​നു​വ​രി ഒ​ന്നു മു​ത​ൽ ന​ട​പ​ടി ക​ർ​ശ​ന​മാ​ക്കു​​മെ​ന്ന്​ ജി​ല്ല ക​ല​ക്ട​ർ വി.​ആ​ർ. വി​നോ​ദ്​ അ​റി​യി​ച്ചു. കു​റ്റ​ക്കാ​ർ​ക്കെ​തി​​രെ വ​ൻ തു​ക പി​ഴ ചു​മ​ത്തും. നി​രോ​ധി​ത പ്ലാ​സ്റ്റി​ക്​ വി​ൽ​ക്കു​ന്ന വ്യാ​പാ​രി​ക​ൾ​ക്കെ​തി​രെ ക​ർ​ശ​ന ന​ട​പ​ടി ഉ​ണ്ടാ​വു​മെ​ന്നും ജി​ല്ല ക​ല​ക്ട​ർ അ​റി​യി​ച്ചു.

ഒ​റ്റ​ത​വ​ണ ഉ​പ​യോ​ഗി​ക്കു​ന്ന പ്ലാ​സ്റ്റി​ക്​ ക​വ​റു​ക​ൾ​ക്ക്​ സ​ർ​ക്കാ​ർ നി​രോ​ധ​ന​മു​ണ്ട്. ​പ്ലാ​സ്റ്റി​ക്​ പൊ​തു​സ്ഥ​ല​ങ്ങ​ളി​ൽ വ​ലി​ച്ചെ​റി​യ​ാനുള്ള പ്ര​വ​ണ​ത ഇ​ല്ലാ​താ​യി​ട്ടി​ല്ല. ഇ​ത്​ ഗു​രു​ത​ര​മാ​യ ആ​രോ​ഗ്യ, പാ​രി​സ്ഥി​തി​ക പ്ര​ശ്ന​ങ്ങ​ളാ​ണ്​ സൃ​ഷ്ടി​ക്കു​ന്ന​ത്. പ്ലാ​സ്റ്റി​ക്​ ക​വ​ർ നി​രോ​ധ​നം ഫ​ല​പ്ര​ദ​മാ​യി ന​ട​പ്പാ​ക്കു​ന്ന​തി​ന്​ എ​ല്ലാ ത​ദേ​ശ​ഭ​ര​ണ സ്ഥാ​പ​ന​ങ്ങ​ളി​ലും പ​രി​ശോ​ധ​ന ശ​ക്​​ത​മാ​ക്കും.

ജി​ല്ല​യെ പ്ലാ​സ്റ്റി​ക്​ മാ​ലി​ന്യ​മു​ക്​​ത​മാ​ക്കു​ന്ന​തി​​ന്​ വ്യാ​പാ​രി​ക​ളു​ടേ​യും പൊ​തു​ജ​ന​ങ്ങ​ളു​ടേ​യും സ​ഹ​ക​ര​ണം ക​ല​ക്ട​ർ അ​ഭ്യ​ർ​ഥി​ച്ചു. പ​രി​ശോ​ധ​ന​ക്കു​ള്ള എ​ൻ​ഫോ​ഴ്​​സ്​ വി​ഭാ​ഗ​ത്തി​നു​ള്ള പ​രി​ശീ​ല​നം പൂ​ർ​ത്തി​യാ​യി. ജ​നു​വ​രി ഒ​ന്നു മു​ത​ൽ എ​ല്ലാ പ​ഞ്ചാ​യ​ത്തി​ലും പ്ര​ത്യേ​കം സ്ക്വാ​ഡു​ക​ൾ രം​ഗ​ത്തി​റ​ങ്ങും. പ്ലാ​സ്റ്റി​ക്​ വ​ലി​ച്ചെ​റി​യു​ന്ന​​വ​രെ കൈ​യോ​ടെ പി​ടി​കൂ​ടാ​ൻ അ​തി​രാ​വി​ലെ ​ത​ന്നെ ഇ​വ​ർ സ​ജീ​വ​മാ​കും.

രാ​ത്രി​യി​ലും പു​ല​ർ​​ച്ചെ​യു​മാ​ണ്​ മി​ക്ക​വാ​റും എ​ല്ലാ​യി​ട​ത്തും പ്ലാ​സ്റ്റി​ക്​ മാ​ലി​ന്യം വ​ലി​ച്ചെ​റി​യു​ന്ന​ത്. ജി​ല്ല​ത​ല​ത്തി​ലു​ള്ള ര​ണ്ട്​ എ​ൻ​ഫോ​ഴ്​​സ്​​മെ​ന്‍റ്​ സ്ക്വാ​ഡു​ക​ൾ​ക്ക്​ പു​റ​മേ, എ​ല്ലാ ഗ്രാ​മ​പ​ഞ്ചാ​യ​ത്തു​ക​ളി​ലും ന​ഗ​ര​സ​ഭ​ക​ളി​ലു​മു​ള്ള സ്​​ക്വാ​ഡു​ക​ളു​ടെ നേ​തൃ​ത്വ​ത്തി​ൽ മി​ന്ന​ൽ പ​രി​ശോ​ധ​ന ഉ​ണ്ടാ​വും. നി​രോ​ധി​ത പ്ലാ​സ്റ്റി​ക്​ വ​സ്തു​ക​ൾ ഉ​പ​യോ​ഗി​ച്ചു നി​ർ​മി​ച്ച ഫ്ല​ക്സ്​ ബോ​ർ​ഡു​ക​ൾ​ക്കെ​തി​രെ ക​ർ​ശ​ന ന​ട​പ​ടി ഉ​ണ്ടാ​വും.

ബാ​ർ​കോ​ഡോ​ടെ​യു​ള്ള, ഫ്ല​ക്സ്​ ബോ​ർ​ഡ്​ മാ​ത്ര​മേ ഉ​പ​യോ​ഗി​ക്കാ​വൂ. വി​പ​ണി​യി​ൽ നി​രോ​ധി​ത പ്ലാ​സ്റ്റി​ക്​ ക​വ​റു​ക​ൾ അ​ധി​കം താ​മ​സ​മി​ല്ലാ​തെ കി​ട്ടാ​താ​വു​ന്ന സാ​ഹ​ച​ര്യം ഉ​ട​ൻ ഉ​ണ്ടാ​വു​മെ​ന്നും ക​ല​ക്​​ട​ർ അ​റി​യി​ച്ചു. മാ​ലി​ന്യം വ​ലി​ച്ചെ​റി​യു​ന്ന​വ​രു​ടെ ​ഫോ​ട്ടോ​/​വീ​ഡി​യോ ന​ൽ​കു​ന്ന​വ​ർ​ക്ക്​ 2500 രൂ​പ പാ​രി​തോ​ഷി​കം ന​ൽ​കു​​മെ​ന്ന്​ ത​ദേ​ശ ഭ​ര​ണ വ​കു​പ്പ്​ ഡെ​പ്യൂ​ട്ടി ഡ​യ​റ​ക്ട​ർ വി.​കെ. മു​ര​ളി അ​റി​യി​ച്ചു.

വാ​ട്​​സാ​പ്പ്​ ന​മ്പ​ർ: 9446700800.