ദേ​ശീ​യ പ​ഞ്ച​ഗു​സ്തി ചാ​മ്പ്യ​ൻ​ഷി​പ്; മെ​ഡ​ൽ​ക്കൊ​യ്ത്തു​മാ​യി താ​നൂ​രി​ന്റെ താ​ര​ങ്ങ​ൾ

താ​നൂ​ർ: ബം​ഗ​ളൂ​രു​വി​ൽ ന​ട​ന്ന ബി.​സി.​എ.​ഐ 2025 ദേ​ശീ​യ പ​ഞ്ച​ഗു​സ്തി ചാ​മ്പ്യ​ൻ​ഷി​പ്പി​ൽ കേ​ര​ള​ത്തി​നാ​യി മെ​ഡ​ലു​ക​ൾ കൊ​യ്ത് താ​നൂ​രി​ൽ നി​ന്നു​ള്ള താ​ര​ങ്ങ​ൾ. ദേ​ശീ​യ പ​ഞ്ച​ഗു​സ്തി താ​രം കൂ​ടി​യാ​യ ഭ​ർ​ത്താ​വ് ഫ​വാ​സി​ന്റെ ശി​ക്ഷ​ണ​ത്തി​ൽ മ​ത്സ​ര​ത്തി​നി​റ​ങ്ങി​യ താ​നൂ​ർ ഒ​ഴൂ​ർ സ്വ​ദേ​ശി​നി പ​ന്ത​ക്ക​ൽ റം​ഷീ​ല ശ്ര​ദ്ധേ​യ നേ​ട്ട​മാ​ണ് കാ​ഴ്ച വെ​ച്ച​ത്. ഇ​രു​കൈ വി​ഭാ​ഗ​ത്തി​ലും മ​ത്സ​രി​ച്ച റം​ഷീ​ല ഇ​ട​തു കൈ ​വി​ഭാ​ഗ​ത്തി​ൽ സ്വ​ർ​ണ​വും വ​ല​തു കൈ ​വി​ഭാ​ഗ​ത്തി​ൽ വെ​ള്ളി​യും നേ​ടി.

മി​ക​ച്ച പ്ര​ക​ട​ന​ത്തോ​ടെ അ​സ​ർ​ബൈ​ജാ​നി​ൽ ന​ട​ക്കു​ന്ന ലോ​ക പ​ഞ്ച​ഗു​സ്തി ചാ​മ്പ്യ​ൻ​ഷി​പ്പി​നു​ള്ള ഇ​ന്ത്യ​ൻ ടീ​മി​ലും ഇ​ടം നേ​ടി. ഭ​ർ​ത്താ​വും പ​രി​ശീ​ല​ക​നു​മാ​യ ഫ​വാ​സി​ന്റെ പൂ​ർ​ണ പി​ന്തു​ണ​യോ​ടെ​യു​ള്ള ക​ഠി​ന പ​രി​ശ്ര​മ​മാ​ണ് സ്വ​പ്ന​തു​ല്യ നേ​ട്ടം കൈ​വ​രി​ക്കാ​ൻ സ​ഹാ​യ​ക​മാ​യ​തെ​ന്ന് റം​ഷീ​ല പ​റ​ഞ്ഞു. ക​ഴി​ഞ്ഞ ത​വ​ണ ജി​ല്ല​ത​ല മ​ത്സ​ര​ത്തി​ൽ മാ​ത്രം പ​ങ്കെ​ടു​ത്ത റം​ഷീ​ല ആ​ദ്യ​മാ​യി മാ​റ്റു​ര​ച്ച ദേ​ശീ​യ​ത​ല മ​ത്സ​ര​ത്തി​ൽ ത​ന്നെ മി​ന്നും വി​ജ​യം നേ​ടാ​നാ​യ​തി​ന്റെ​യും അ​ന്ത​ർ​ദേ​ശീ​യ മ​ത്സ​ര​ത്തി​ൽ രാ​ജ്യ​ത്തെ പ്ര​തി​നി​ധീ​ക​രി​ക്കാ​ൻ യോ​ഗ്യ​ത നേ​ടി​യ​തി​ന്റെ​യും സ​ന്തോ​ഷ​ത്തി​ലാ​ണ്.

നി​ര​വ​ധി ചാ​മ്പ്യ​ൻ​ഷി​പ്പു​ക​ളി​ൽ മെ​ഡ​ലു​ക​ൾ നേ​ടി​യി​ട്ടു​ള്ള താ​നൂ​രി​ൽ നി​ന്നു​ള്ള പ്ര​മു​ഖ പ​ഞ്ച​ഗു​സ്തി താ​ര​ങ്ങ​ളാ​യ പി. ​വി​നോ​ദും കെ.​വി. ജ​ഗ​ദീ​ഷും സ്വ​ർ​ണ മെ​ഡ​ലു​ക​ൾ കൂ​ടി നേ​ടി​യ​തോ​ടെ ദേ​ശീ​യ ചാ​മ്പ്യ​ൻ​ഷി​പ്പി​ൽ കേ​ര​ള​ത്തി​നാ​യു​ള്ള താ​നൂ​ർ​ക്കാ​രു​ടെ മെ​ഡ​ൽ നേ​ട്ടം നാ​ലി​ലെ​ത്തി. 70 കി.​ഗ്രാം വി​ഭാ​ഗ​ത്തി​ലാ​ണ് പി. ​വി​നോ​ദ് മെ​ഡ​ൽ നേ​ടി​യ​ത്. കെ.​വി. ജ​ഗ​ദീ​ഷി​ന്റെ മെ​ഡ​ൽ നേ​ട്ടം 90 കി.​ഗ്രാം വി​ഭാ​ഗ​ത്തി​ലു​മാ​ണ്. റം​ഷീ​ല​ക്കൊ​പ്പം ഇ​വ​രും അ​സ​ർ​ബൈ​ജാ​നി​ൽ ന​ട​ക്കു​ന്ന ലോ​ക പ​ഞ്ച​ഗു​സ്തി ചാ​മ്പ്യ​ൻ​ഷി​പ്പി​ലേ​ക്കു​ള്ള ഇ​ന്ത്യ​ൻ ടീ​മി​ലി​ടം നേ​ടി​യി​ട്ടു​ണ്ട്.