ദു​രി​താ​ശ്വാ​സ ക്യാ​മ്പി​ൽ നൊ​മ്പ​ര​ക്കാ​ഴ്ച​യാ​യി മൊ​യ്തീ​ൻ​കു​ട്ടി

പൊ​ന്നാ​നി: ''ഒ​രു മാ​സ​ത്തി​ല​ധി​ക​മാ​യി ദു​രി​താ​ശ്വാ​സ ക്യാ​മ്പി​ൽ ക​ഴി​യാ​ൻ തു​ട​ങ്ങി​യി​ട്ട്. അ​ദ്ദേ​ഹ​ത്തി​ന്​ ന​ട​ക്കാ​ൻ ക​ഴി​യു​മെ​ങ്കി​ൽ ഈ ​ഗ​തി വ​രി​ല്ലാ​യി​രു​ന്നു. ര​ണ്ട് ത​വ​ണ ക​ട​ലെ​ടു​ത്ത വീ​ടു​ക​ളി​ൽ ഇ​നി തി​രി​കെ​പ്പോ​കാ​ൻ ക​ഴി​യി​ല്ല. ത​ള​ർ​ന്ന​യാ​ളെ​യും കൊ​ണ്ട് പോ​കാ​ൻ ഒ​രു വാ​ട​ക വീ​ടെ​ങ്കി​ലും കി​ട്ടി​യാ​ൽ മ​തി''.... പൊ​ന്നാ​നി എം.​ഇ.​എ​സ് ഹൈ​സ്കൂ​ളി​ലെ ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന കി​ട​പ്പ് രോ​ഗി​യാ​യ പൊ​ന്നാ​നി സ്വ​ദേ​ശി മൊ​യ്തീ​ൻ​കു​ട്ടി​യു​ടെ ഭാ​ര്യ കൗ​ല​ത്ത് വി​തു​മ്പി​യാ​ണ് ഇ​ത് പ​റ​ഞ്ഞ​ത്.

ദു​രി​താ​ശ്വാ​സ ക്യാ​മ്പി​ൽ ക​ഴി​യു​ന്ന എ​ട്ട് കു​ടും​ബ​ങ്ങ​ളി​ൽ ഏ​റെ പ​രി​താ​പ​ക​ര​മാ​ണ് ഇ​വ​രു​ടെ സ്ഥി​തി. മ​ത്സ്യ​ത്തൊ​ഴി​ലാ​ളി​യാ​യി​രു​ന്ന മൊ​യ്​​തീ​ൻ​കു​ട്ടി ര​ക്ത​സ​മ്മ​ർ​ദ​ത്തെ​ത്തു​ട​ർ​ന്ന് 13 വ​ർ​ഷം മു​മ്പാ​ണ് കി​ട​പ്പി​ലാ​യ​ത്. മ​ത്സ്യ​ത്തൊ​ഴി​ലാ​ളി​യാ​യ ഏ​ക മ​ക​െൻറ വ​രു​മാ​നം കൊ​ണ്ട് ക​ഴി​ഞ്ഞു​കൂ​ടി​യി​രു​ന്ന കു​ടും​ബ​ത്തി​ന് പ്ര​ഹ​ര​മാ​യി ക​ട​ലാ​ക്ര​മ​ണ​മു​ണ്ടാ​യ​ത് ക​ഴി​ഞ്ഞ വ​ർ​ഷ​മാ​യി​രു​ന്നു.

അ​ന്ന് വീ​ട് പൂ​ർ​ണ​മാ​യി ക​ട​ലെ​ടു​ത്ത​പ്പോ​ൾ ക​ട​ലോ​ര​ത്ത് ത​ന്നെ വാ​ട​ക വീ​ട്ടി​ൽ ക​ഴി​ഞ്ഞു​കൂ​ടു​ക​യാ​യി​രു​ന്നു. ഒ​രു മാ​സം മു​മ്പു​ണ്ടാ​യ ക​ട​ലാ​ക്ര​മ​ണ​ത്തി​ൽ ഇ​തും ത​ക​ർ​ന്നു.ഇ​തോ​ടെ ദു​രി​താ​ശ്വാ​സ ക്യാ​മ്പി​ലേ​ക്ക് മാ​റി. അ​ട​ച്ചു​റ​പ്പി​ല്ലാ​ത്ത ക്ലാ​സ് മു​റി​യി​ലെ ബെ​ഞ്ചു​ക​ൾ കൂ​ട്ടി​യി​ട്ട് ഇ​തി​ന് മു​ക​ളി​ലാ​ണ് മൊ​യ്തീ​ൻ​കു​ട്ടി ക​ഴി​യു​ന്ന​ത്.

ആ​ധാ​ർ കാ​ർ​ഡി​ല്ലാ​ത്ത​തി​നാ​ൽ വാ​ർ​ധ​ക്യ​കാ​ല പെ​ൻ​ഷ​ൻ​പോ​ലും ല​ഭി​ക്കു​ന്നി​ല്ല. അ​സു​ഖ​ത്തെ​ത്തു​ട​ർ​ന്ന് വ​ർ​ഷ​ങ്ങ​ളോ​ളം ആ​യു​ർ​വേ​ദ ചി​കി​ത്സ ന​ട​ത്തി​യെ​ങ്കി​ലും ഫ​ല​മു​ണ്ടാ​യി​ല്ല.

ചി​കി​ത്സ രേ​ഖ​ക​ളു​ൾ​പ്പെ​ടെ ക​ട​ലെ​ടു​ത്തു. ഇ​പ്പോ​ൾ​ പാ​ലി​യേ​റ്റീ​വ് കെ​യ​ർ പ്ര​വ​ർ​ത്ത​ക​രെ​ത്തി ന​ൽ​കു​ന്ന ചി​കി​ത്സ മാ​ത്ര​മാ​ണു​ള്ള​ത്. പു​ന​ർ​ഗേ​ഹം പ​ദ്ധ​തി​യി​ലു​ൾ​പ്പെ​ട്ടി​ട്ടു​ണ്ടെ​ങ്കി​ലും സ്ഥ​ലം ക​ണ്ടെ​ത്താ​നാ​യി​ട്ടി​ല്ല.