ഐ ​ലീ​ഗ് കി​രീ​ടം: മു​ഹ​മ്മ​ദ​ൻ​സി​ന് ക​രു​ത്താ​യി മ​ല​പ്പു​റം ‘ബാ​ക്ക്’

മ​ല​പ്പു​റം: കാ​ത്തി​രി​പ്പി​നൊ​ടു​വി​ൽ മു​ഹ​മ്മ​ദ​ൻ സ്‌​പോ​ർ​ട്ടി​ങ് ക്ല​ബ് ഐ ​ലീ​ഗ് കി​രീ​ട​ത്തി​ൽ മു​ത്ത​മി​ട്ട​പ്പോ​ൾ ടീ​മി​ലെ നി​ർ​ണാ​യ​ക സാ​ന്നി​ധ്യ​മാ​യി മ​ല​പ്പു​റ​ത്തെ ഇ​ർ​ഷാ​ദും ജാ​സി​മും. കാ​ൽ​പ​ന്തു​ക​ളി​യു​ടെ ഈ​റ്റി​ല്ല​മാ​യ മ​ല​പ്പു​റ​ത്തി​ന്റെ ഹൃ​ദ​യ​ഭൂ​മി​ക​യി​ൽ​നി​ന്ന് പ​ന്ത് ത​ട്ട് തു​ട​ങ്ങി​യ ഈ ​യു​വ​താ​ര​ങ്ങ​ൾ മി​ന്നു​ന്ന പ്ര​ക​ട​ന​മാ​ണ് കൊ​ൽ​ക്ക​ത്ത​ൻ ക്ല​ബ്ബാ​യ ജേ​താ​ക്ക​ൾ​ക്ക് വേ​ണ്ടി കാ​ഴ്ച് വെ​ച്ച​ത്. ഒ​ന്നേ​ക്കാ​ൽ നൂ​റ്റാ​ണ്ടി​ല​ധി​കം പാ​ര​മ്പ​ര്യ​വും പൈ​തൃ​ക​വു​മു​ള്ള മു​ഹ​മ്മ​ദ​ൻ​സി​ന് വേ​ണ്ടി ക​ന്നി​ക്കി​രീ​ടം സ​മ്മാ​നി​ക്കാ​നാ​യ​തി​ന്റെ അ​തീ​വ സ​ന്തോ​ഷ​ത്തി​ലാ​ണ് ഈ ​മ​ല​പ്പു​റ​ത്തു​ക്കാ​ർ. നി​ർ​ണാ​യ​ക​മാ​യ പ​ല മ​ത്സ​ര​ങ്ങ​ളി​ലും ടീ​മി​ന്റെ പ്ര​തി​രോ​ധ​ക്കോ​ട്ട കാ​ത്ത​ത് ഇ​വ​രാ​യി​രു​ന്നു.

തി​രൂ​ർ ആ​ലി​ങ്ങ​ൽ സ്വ​ദേ​ശി​യാ​യ ഇ​ർ​ഷാ​ദ് ഈ ​സീ​സ​ണി​ൽ 19 മ​ത്സ​ര​ങ്ങ​ളി​ലാ​ണ് ബൂ​ട്ട് കെ​ട്ടി​യ​ത്. എ​തി​ർ ടീ​മി​ന്‍റെ ആ​ക്ര​മ​ണ​ങ്ങ​ൾ​ക്ക് പ​ല​പ്പോ​ഴും ഈ 28​കാ​രാ​നാ​യ സ്റ്റോ​പ്പ​ർ ബാ​ക്ക് വി​ല​ങ്ങു​ത​ടി​യാ​യി. സാ​റ്റ് തി​രൂ​ർ അ​ക്കാ​ദ​മി​യി​ലൂ​ടെ പ്രൊ​ഫ​ഷ​നൽ ഫു​ട്ബാ​ൾ രം​ഗ​ത്തേ​ക്ക് വ​ന്ന ഇ​ർ​ഷാ​ദ് ഐ.​എ​സ്.​എ​ൽ ക്ല​ബുക​ളാ​യ നോ​ർ​ത്ത് ഈ​സ്റ്റ് യു​ണൈ​റ്റ​ഡ്, ഈ​സ്റ്റ് ബം​ഗാ​ൾ എ​ന്നി​വ​ർ​ക്ക് വേ​ണ്ടി​യും പ​ന്ത് ത​ട്ടി​യി​ട്ടു​ണ്ട്.

ഡി.​എ​സ്.​കെ ശി​വ​ജി​യ​ൻ​സ് എ​ഫ്.​സി ടീ​മി​ൽ 2016ൽ ​ആ​ണ് ഐ ​ലീ​ഗി​ൽ അ​ര​ങ്ങേ​റ്റം കു​റി​ച്ച​ത്. ശേ​ഷം റൗ​ണ്ട് ഗ്ലാ​സ് പ​ഞ്ചാ​ബ്, ഗോ​കു​ലം എ​ഫ്.​സി കേ​ര​ള എ​ന്നീ ടീ​മു​ക​ൾ​ക്ക് വേ​ണ്ടി​യും ക​ളി​ച്ചു. ഗോ​കു​ലം ഡ്യൂ​റ​ന്റ് ക​പ്പ് ചാ​മ്പ്യ​ൻ​ഷി​പ്പി​ൽ ജേ​താ​ക്ക​ളാ​യ സ​മ​യ​ത്ത് ടീ​മി​ലെ പ​ക​രം വെ​ക്കാ​നി​ല്ലാ​ത്ത ക​ളി​ക്കാ​ര​നാ​യി​രു​ന്നു ഇ​ർ​ഷാ​ദ്. ആ​ലി​ങ്ങ​ലി​ലെ തൈ​വ​ള​പ്പി​ൽ പ​രേ​ത​നാ​യ അ​ലി​യു​ടെ​യും ഷാ​ഹി​ദ​യു​ടെ​യും മ​ക​നാ​ണ് ഇ​ർ​ഷാ​ദ്. നി​ഷാ​ന​യാ​ണ് ഭാ​ര്യ.

വ​ളാ​ഞ്ചേ​രി കാ​വും​പു​റം സ്വ​ദേ​ശി​യാ​യ മു​ഹ​മ്മ​ദ് ജാ​സീം ഇ​ത് മൂ​ന്നാം ത​വ​ണ​യാ​ണ് ഐ ​ലീ​ഗി​ൽ മു​ത്ത​മി​ടു​ന്ന​ത്. 2021 ലും 2022 ​ലും കേ​ര​ള ക്ല​ബ്ബാ​യ ഗോ​കു​ലം എ​ഫ്.​സി കി​രീ​ടം ചൂ​ടി​യ​പ്പോ​ൾ ടീ​മി​ന് ക​രു​ത്ത് പ​ക​ർ​ന്ന​ത് ജാ​സീ​മി​ന്റെ ക​ളി മി​ക​വാ​യി​രു​ന്നു.

ഈ ​സീ​സ​ണി​ൽ മു​ഹ​മ്മ​ദ​ൻ​സി​ന് വേ​ണ്ടി ഒ​മ്പ​ത് മ​ത്സ​ര​ങ്ങ​ളി​ൽ ക​ളി​ക്കാ​നി​റ​ങ്ങി​യ ഈ 27​കാ​ര​ൻ ഒ​രു ഗോ​ൾ നേ​ടു​ക​യും മ​റ്റൊ​രു ഗോ​ളി​ന് വ​ഴി​യൊ​രു​ക്കു​ക​യും ചെ​യ്തു. മ​ല​പ്പു​റ​ത്തെ എം.​എ​സ്.​സി അ​ക്കാ​ദ​മി​യി​ൽ നി​ന്നും പ്ര​ഫ​ഷ​നൽ ഫു​ട്ബാ​ൾ രം​ഗ​ത്തേ​ക്ക് വ​ന്ന ജാ​സിം നീ​ണ്ട അ​ഞ്ച് വ​ർ​ഷ​ക്കാ​ലം ഗോ​കു​ലം എ​ഫ്.​സി​യു​ടെ പ്ര​തി​രോ​ധ താ​ര​മാ​യി​രു​ന്നു. പ​ര​വ​ക്ക​ൽ അ​ല​വി, ഹാ​ജ​റ ദ​മ്പ​തി​ക​ളു​ടെ മ​ക​നാ​യ ജാ​സിം ഈ ​സീ​സ​ണി​ലാ​ണ് മു​ഹ​മ്മ​ദ​ൻ​സി​ലെ​ത്തി​യ​ത്.