മന്ത്രി അറിയണം, ശമ്പളമില്ലാത്ത ഈ ജീവനക്കാരുടെ കഷ്ടപ്പാട്

തേ​ഞ്ഞി​പ്പ​ലം: യു​ന​സ്‌​കോ അം​ഗീ​കാ​ര​വും ഐ.​എ​സ്.​ഒ സ​ര്‍ട്ടി​ഫി​ക്ക​റ്റും മ​റ്റ് സൗ​ക​ര്യ​ങ്ങ​ളു​മു​ണ്ട്. മാ​ന​സി​ക-​ശാ​രീ​രി​ക വെ​ല്ലു​വി​ളി​ക​ള്‍ നേ​രി​ടു​ന്ന 11,403 കു​ട്ടി​ക​ള്‍ക്ക് സേ​വ​നം ന​ല്‍കു​ന്ന 32 ജീ​വ​ന​ക്കാ​ര്‍ക്ക് പ​ക്ഷേ, ഏ​ഴ് മാ​സ​മാ​യി ശ​മ്പ​ള​മി​ല്ല. സാ​മൂ​ഹി​ക​നീ​തി വ​കു​പ്പും കാ​ലി​ക്ക​റ്റ് സ​ര്‍വ​ക​ലാ​ശാ​ല​യും ചേ​ര്‍ന്ന് ന​ട​ത്തു​ന്ന ക​മ്യൂ​ണി​റ്റി ഡി​സ​ബി​ലി​റ്റി മാ​നേ​ജ്മെ​ന്റ് ആ​ൻ​ഡ് റി​ഹാ​ബി​ലി​റ്റേ​ഷ​ന്‍ പ്രോ​ജ​ക്ടി​ലെ ജീ​വ​ന​ക്കാ​ര്‍ക്കാ​ണ് ഈ ​ദു​ര​വ​സ്ഥ.

സാ​മൂ​ഹി​ക​നീ​തി വ​കു​പ്പി​ന്റെ​യും ഉ​ന്ന​ത വി​ദ്യാ​ഭ്യാ​സ വ​കു​പ്പി​ന്റെ​യും ചു​മ​ത​ല​യു​ള്ള മ​ന്ത്രി ഡോ. ​ആ​ര്‍. ബി​ന്ദു അ​ടു​ത്തി​ടെ സ​ര്‍വ​ക​ലാ​ശാ​ല സ​ന്ദ​ര്‍ശി​ച്ച​പ്പോ​ഴും നാ​ക് സം​ഘം സ​ന്ദ​ര്‍ശ​ന​ത്തി​നെ​ത്തി​യ​പ്പോ​ഴും കാ​മ്പ​സി​ലെ സി.​ഡി.​എം.​ആ​ര്‍.​പി പ്രോ​ജ​ക്ടി​നെ​ക്കു​റി​ച്ച് എ​ടു​ത്തു പ​റ​ഞ്ഞി​രു​ന്നു.

നാ​ക് എ ​പ്ല​സ് ഗ്രേ​ഡ് ല​ഭി​ക്കാ​നു​ള്ള പ്ര​ധാ​ന നേ​ട്ട​ങ്ങ​ളി​ലൊ​ന്നാ​യി സ​ര്‍വ​ക​ലാ​ശാ​ല ഉ​യ​ര്‍ത്തി​ക്കാ​ട്ടി​യ സി.​ഡി.​എം.​ആ​ര്‍.​പി പ്രോ​ജ​ക്ട് വി​പു​ലീ​ക​രി​ക്കാ​ൻ വി​ശ​ദ പ​ദ്ധ​തി റി​പ്പോ​ർ​ട്ട്​ സ​മ​ര്‍പ്പി​ക്കാ​ന്‍ നി​ര്‍ദേ​ശി​ച്ചാ​ണ് മ​ന്ത്രി മ​ട​ങ്ങി​യ​ത്. എ​ന്നാ​ല്‍, ഇ​തി​നി​ട​യി​ലൊ​ന്നും പ്രോ​ജ​ക്ട് ജീ​വ​ന​ക്കാ​ര്‍ ശ​മ്പ​ള​മി​ല്ലാ​തെ ക​ഷ്ട​പ്പെ​ടു​ന്ന​ത് ആ​രും ക​ണ്ടി​ല്ല.

ക​ണ്ണൂ​ര്‍, കോ​ഴി​ക്കോ​ട്, തൃ​ശൂ​ര്‍, എ​റ​ണാ​കു​ളം, കോ​ട്ട​യം ജി​ല്ല​ക​ളി​ല്‍ നി​ന്നു​ള്ള ജീ​വ​ന​ക്കാ​രി​ല്‍ മി​ക്ക​വ​രും കു​ടും​ബ​സ​മേ​തം സ​ര്‍വ​ക​ലാ​ശാ​ല കാ​മ്പ​സി​ന​ടു​ത്ത് വാ​ട​ക​ക്ക് താ​മ​സി​ക്കു​ക​യാ​ണ്. ജീ​വി​ത​ച്ചെ​ല​വും വീ​ട്ടു​വാ​ട​ക​യും കു​ട്ടി​ക​ളു​ടെ വി​ദ്യാ​ഭ്യാ​സാ​വ​ശ്യ​ത്തി​നു​ള്ള തു​ക​യും ക​ണ്ടെ​ത്താ​ന്‍ പാ​ടു​പെ​ടു​ക​യാ​ണി​വ​ര്‍.

പ​ല​രും ക​ടം വാ​ങ്ങി​യും മ​റ്റു​മാ​ണ് മു​ന്നോ​ട്ടു​പോ​കു​ന്ന​ത്. ഓ​ണം, വി​ഷു, പെ​രു​ന്നാ​ള്‍, ദീ​പാ​വ​ലി തു​ട​ങ്ങി​യ വി​ശേ​ഷ സ​ന്ദ​ര്‍ഭ​ങ്ങ​ളി​ലെ​ല്ലാം ശ​മ്പ​ള​മി​ല്ലാ​തെ ക​രാ​റ​ടി​സ്ഥാ​ന​ത്തി​ല്‍ പ​ണി​യെ​ടു​ക്കു​ക​യാ​യി​രു​ന്നു ഇ​വ​ര്‍.

ഭി​ന്ന​ശേ​ഷി​ക്കാ​ർ​ക്ക് ക​രു​ത​ലാ​ണി​വ​ർ

ക​ണ്ണൂ​ര്‍, കോ​ഴി​ക്കോ​ട്, മ​ല​പ്പു​റം ജി​ല്ല​ക​ളി​ലെ ഭി​ന്ന​ശേ​ഷി​ക്കാ​ര്‍ക്ക് ഏ​റെ​ക്കാ​ല​മാ​യി താ​ങ്ങും ത​ണ​ലു​മാ​ണ് ഈ ​ജീ​വ​ന​ക്കാ​ർ. ക്ലി​നി​ക്ക​ല്‍ സൈ​ക്കോ​ള​ജി​സ്റ്റ്, ഒ​ക്യൂ​പേ​ഷ​ണ​ല്‍ തെ​റ​പ്പി​സ്റ്റ്, ഫി​സി​യോ​തെ​റ​പ്പി​സ്റ്റ്, സ്പീ​ച്ച് തെ​റ​പ്പി​സ്റ്റ്, ഹ്രൈ​ഡോ​തെ​റ​പ്പി​സ്റ്റ്, ഓ​ഡി​യോ​ള​ജി​സ്റ്റ്, സ്പെ​ഷ​ല്‍ എ​ജു​ക്കേ​റ്റ​ര്‍ എ​ന്നി​വ​രു​ടെ സേ​വ​നം പ്രോ​ജ​ക്ടി​ലൂ​ടെ സൗ​ജ​ന്യ​മാ​യി ല​ഭ്യ​മാ​ക്കു​ന്നു​ണ്ട്. ക​ണ്ണൂ​രി​ല്‍ ആ​റ്, കോ​ഴി​ക്കോ​ട് ഒ​ന്ന്, മ​ല​പ്പു​റം നാ​ല് എ​ന്നി​ങ്ങ​നെ​യാ​ണ് പ്രോ​ഗ്രാം ക്ലി​നി​ക്കു​ക​ള്‍. സ​ര്‍വ​ക​ലാ​ശാ​ല സൈ​ക്കോ​ള​ജി ബ്ലോ​ക്കി​ലാ​ണ് സി.​ഡി.​എം.​ആ​ര്‍.​പി ആ​സ്ഥാ​നം. ഇ​വി​ടെ​ത്തെ ക്ലി​നി​ക്കി​ല്‍ പാ​ല​ക്കാ​ട്, തൃ​ശൂ​ര്‍ ജി​ല്ല അ​തി​ര്‍ത്തി​ക​ളി​ൽ നി​ന്നു​ള്ള​വ​രും എ​ത്തു​ന്നു​ണ്ട്.

നി​ല​വി​ല്‍ ആ​റാ​യി​ര​ത്തോ​ളം കു​ട്ടി​ക​ളാ​ണ് സ​ര്‍വ​ക​ലാ​ശാ​ല​യി​ലെ ക്ലി​നി​ക്കി​നെ മാ​ത്രം ആ​ശ്ര​യി​ക്കു​ന്ന​ത്.

ബു​ദ്ധി​പ​ര​മാ​യ വെ​ല്ലു​വി​ളി​ക​ള്‍ നേ​രി​ടു​ന്ന​വ​ര്‍, ഓ​ട്ടി​സം ബാ​ധി​ച്ച​വ​ര്‍, പ​ഠ​ന​വൈ​ക​ല്യ​മു​ള്ള​വ​ര്‍, ച​ല​ന​ശേ​ഷി ബു​ദ്ധി​മു​ട്ടു​ള്ള​വ​ര്‍, സം​സാ​ര​വൈ​ക​ല്യ​മു​ള്ള​വ​ര്‍, എ.​ഡി.​എ​ച്ച്.​ഡി (അ​റ്റ​ന്‍ഷ​ന്‍ ഡെ​ഫി​സി​റ്റ് ഹൈ​പ്പ​ര്‍ ആ​ക്ടി​വി​റ്റി ഡി​സോ​ര്‍ഡ​ര്‍) പ്ര​ശ്ന​ങ്ങ​ളു​ള്ള​വ​ര്‍ എ​ന്നി​വ​ര്‍ക്കാ​ണ് പ്ര​ധാ​ന​മാ​യും സൗ​ജ​ന്യ സേ​വ​നം.