mgg

കേരളത്തിനുള്ള സൗജന്യ റേഷൻ വിഹിതം ഇതുവരെ നൽകിയില്ല ജൂലൈയിലെ അരിയും കടലയുമാണ്​ കേന്ദ്രം നൽകാതിരുന്നത്​ തൃശൂർ: പ്രധാനമന്ത്രി ഗരീബ് കല്ല്യാണ്‍ അന്നയോജന പദ്ധതി പ്രകാരമുള്ള ഈ മാസത്തെ റേഷൻവിഹിതം കേരളത്തിന്​ ഇതുവ​െര ലഭിച്ചില്ല. അതിനാൽ ജൂലൈ മുതൽ നവംബർ വരെ കൂടി സൗജന്യറേഷൻ നൽകുമെന്ന പ്രഖ്യാപനം ഈ മാസം തുടങ്ങാനായില്ല. ജൂലൈയിലെ അരിയും കടലയുമാണ്​ കേന്ദ്രം നൽകാതിരുന്നത്​. സംസ്​ഥാനത്തിന്​ പ്രതിമാസം 77,400 മെട്രിക്​ ടൺ അരിയാണ്​ പദ്ധതിയിലൂടെ ലഭിക്കേണ്ടത്​. അന്ത്യോദയ, മുൻഗണന കാർഡുകളിലെ അംഗങ്ങൾക്ക്​ അഞ്ചു കിലോ വീതം​ അരിയാണ്​ സൗജന്യമായി നൽകുന്നത്​. കാർഡ്​ ഒന്നിന്​ ഒരു കിലോ കടലയുമുണ്ട്​​. 3743 മെട്രിക്​ ടൺ കടലയാണ്​ ഇതിനായി വേണ്ടത്​. എഫ്​.സി.ഐയിൽ അരി കെട്ടിക്കിടന്ന്​ നശിക്കു​േമ്പാഴും കേന്ദ്രത്തി​ൻെറ ഉത്തരവ്​ ലഭിച്ചിട്ടില്ല. ഉത്തരവ്​ വന്നാലും ഉത്തരേന്ത്യൻ സംസ്​ഥാനങ്ങളിൽനിന്ന്​ കടല ഇങ്ങോ​ട്ടെത്താൻ ദിവസങ്ങൾ വേണ്ടിവരും. കാലവർഷം തുടങ്ങിയതും ഓണവും ദീപാവലിയും ദസറയും ഉൾപ്പെടെയുള്ള ഉത്സവങ്ങൾ വരുന്നതും കണക്കിലെടുത്താണ് ഗരീബ് കല്ല്യാണ്‍ അന്നയോജന പദ്ധതി അഞ്ച്​ മാസത്തേക്ക്​ കൂടി നീട്ടുന്നതെന്ന്​ പ്രധാനമന്ത്രി വ്യക്​തമാക്കിയിരുന്നു. കേരളത്തിൽ 5.92 ലക്ഷം മഞ്ഞ റേഷൻ കാർഡ് ഉടമകൾക്കും 31.5 ലക്ഷം പിങ്ക് റേഷൻ കാർഡ് ഉടമകൾക്കുമാണ് ഇവ ലഭിക്കുന്നത്. നേരത്തെ എപ്രിൽ, മേയ്​, ജൂൺ മാസങ്ങളിലെ പദ്ധതിവിഹിതം നൽകാൻ​ എപ്രിൽ പകുതിക്ക്​ ശേഷമാണ്​ കേന്ദ്ര ഭക്ഷ്യവകുപ്പിൽ നിന്ന്​ ഉത്തരവ്​ വന്നത്​. കഴിഞ്ഞ മൂന്ന്​ മാസങ്ങളിലും 20ന്​ ശേഷമാണ്​ അരി വിതരണം ചെയ്യാനായത്​. ബാക്കി അരിയുണ്ടെങ്കിലും സൗജന്യവിഹിതം നൽകാൻ​ റേഷൻകടക്കാർ വിമുഖത കാണിക്കുന്നതായും പരാതിയ​ുണ്ട്​.