ആറ്​ പതിറ്റാണ്ടിനുശേഷം അബൂബക്കർ തിരിച്ചെത്തി; കൂടപ്പിറപ്പുകളെ കാണാൻ

മേ​ലാ​റ്റൂ​ർ: ആ​റു​പ​തി​റ്റാ​ണ്ട് മു​മ്പു​ള്ള നാ​ടി​ന്‍റെ​യും വീ​ടി​ന്‍റെ​യും ഓ​ർ​മ​ക​ളൊ​രാ​യി​രം ക​ട​ന്നു​വ​രു​ന്നു​ണ്ട്​ അ​ബൂ​ബ​ക്ക​റി​ന്‍റെ മ​ന​സ്സി​നു​ള്ളി​ൽ. 25ാം വ​യ​സ്സി​ൽ വീ​ടു​വി​ട്ടി​റ​ങ്ങി വ​ർ​ഷ​ങ്ങ​ൾ പ​ല​തു​ക​ഴി​ഞ്ഞ്​ വാ​ർ​ധ​ക്യ​കാ​ല​ത്ത്​ കൂ​ട​പ്പി​റ​പ്പു​ക​ളെ നേ​രി​ൽ കാ​ണാ​നാ​കു​മെ​ന്ന്​ സ്വ​പ്​​ന​ത്തി​ൽ പോ​ലും ക​രു​തി​യ​ത​ല്ല അ​ദ്ദേ​ഹം. മേ​ലാ​റ്റൂ​ർ കി​ഴ​ക്കും​പാ​ടം പാ​തി​രി​ക്കോ​ട്​ അ​മ്പ​ല​ത്തൊ​ടി​ക വീ​ട്ടി​ൽ അ​ബൂ​ബ​ക്ക​റാ​ണ്​ (86) വ​ർ​ഷ​ങ്ങ​ൾ​ക്കി​പ്പു​റം വീ​ട​ണ​ഞ്ഞ​ത്. ക​ർ​ണാ​ട​ക​യി​ലെ ബ​ൽ​ഗാ​വി​യ ജി​ല്ല​യി​ൽ കി​റ്റൂ​രി​ൽ സ്ഥി​ര​താ​മ​സ​മാ​ക്കി​യ അ​ബൂ​ബ​ക്ക​ർ ശ​നി​യാ​ഴ്ച വൈ​കീ​ട്ട്​ അ​ഞ്ചു​മ​ണി​ക്കാ​ണ്​ സ​കു​ടും​ബം മേ​ലാ​റ്റൂ​രി​ലെ വീ​ട്ടി​ലെ​ത്തി​യ​ത്. ഭാ​ര്യ​യും മ​ക്ക​ളും മ​രു​മ​ക്ക​ളും പേ​ര​ക്കു​ട്ടി​ക​ളു​മു​ൾ​പ്പെ​ടെ 15 പേ​രാ​ണ്​ എ​ത്തി​യ​ത്. ചെ​റു​പ്പ​ത്തി​ൽ ഒ​രു​ത​വ​ണ നാ​ട്​ വി​ട്ടു​പോ​യെ​ങ്കി​ലും അ​ബൂ​ബ​ക്ക​ർ തി​രി​കെ വ​ന്നി​രു​ന്നു. ര​ണ്ടാ​മ​ത്​ പോ​കു​മ്പോ​ൾ തി​രി​കെ​യെ​ത്തു​മെ​ന്ന്​ വീ​ട്ടു​കാ​രോ​ട്​ പ​റ​ഞ്ഞെ​ങ്കി​ലും 61 വ​ർ​ഷ​ങ്ങ​ൾ​ക്കി​പ്പു​റ​മാ​ണ്​ നാ​ടെ​ത്തി​യ​ത്.

അ​ന്ന്​ ആ​ദ്യം പോ​യ​ത്​ വ​യ​നാ​ട്, കൊ​ടു​ക്​ എ​ന്നി​വി​ട​ങ്ങ​ളി​ലാ​യി​രു​ന്നു. അ​വി​ടു​ന്ന്​ കി​റ്റൂ​രി​ലേ​ക്ക്​ കോ​ൺ​ട്രാ​ക്ട​റാ​യി ജോ​ലി​ക്ക്​ പോ​യി. പി​ന്നീ​ട്​ വി​വാ​ഹം ചെ​യ്ത്​ വീ​ടു​വെ​ച്ച്​ അ​വി​ടെ താ​മ​സ​മാ​ക്കി. അ​ബൂ​ബ​ക്ക​റി​ന്‍റെ പേ​ര​ക്കു​ട്ടി വ​ഴി​യാ​ണ്​ പാ​തി​രി​ക്കോ​ടു​ള്ള ബ​ന്ധു​ക്ക​ളു​മാ​യി ആ​ശ​യ​വി​നി​മ​യം ന​ട​ത്തി​യ​ത്.

ക​ർ​ണാ​ട​ക​യി​ൽ മാ​ധ്യ​മ​പ്ര​വ​ർ​ത്ത​ക​നാ​യ പേ​ര​ക്കു​ട്ടി അ​ബ്ബാ​സ്​ അ​ലി ഗൂ​ഗ്ളി​ൽ സ്ഥ​ല​പ്പേ​ര്​ തി​ര​യു​ക​യും നാ​ട്ടി​ലെ എ​ൻ.​ടി ബേ​ക്ക​റി എ​ന്ന ബോ​ർ​ഡി​ലെ ഫോ​ൺ ന​മ്പ​റി​ൽ ബ​ന്ധ​പ്പെ​ടു​ക​യു​മാ​യി​രു​ന്നു. വീ​ട്ടു​പേ​ര്​ പ​റ​ഞ്ഞ​തോ​ടെ ബേ​ക്ക​റി ഉ​ട​മ​യാ​യ അ​ലി നാ​ട്ടി​ലെ ബ​ന്ധു​ക്ക​ൾ​ക്ക്​ ഫോ​ൺ ന​മ്പ​ർ കൈ​മാ​റി. അ​ബൂ​ബ​ക്ക​റി​ന്‍റെ അ​നു​ജ​ന്‍റെ മ​ക​ൻ സാ​ജി​ദ്, അ​ബ്ബാ​സ്​ അ​ലി​യു​മാ​യി സം​സാ​രി​ച്ചു. തു​ട​ർ​ന്ന്​ ബ​ന്ധു​ക്ക​ൾ ക​ർ​ണാ​ട​ക​യി​ലേ​ക്ക്​ തി​രി​ക്കു​ക​യും നാ​ട്ടി​ലേ​ക്ക്​ കൂ​ട്ടി​ക്കൊ​ണ്ടു​വ​രി​ക​യു​മാ​യി​രു​ന്നു. എ​ട്ട്​​ സ​ഹോ​ദ​ര​ങ്ങ​ളാ​ണ്​ അ​ബൂ​ബ​ക്ക​റി​നു​ള്ള​ത്. ഇ​തി​ൽ ഒ​രാ​ൾ മ​രി​ച്ചു. മ​ക​ൻ കൈ​വി​ട്ടു​പോ​യ വി​ഷ​മം പേ​റി ന​ട​ന്ന ഉ​പ്പ മ​മ്മ​ദും ഉ​മ്മ കു​ഞ്ഞീ​രു​മ്മ​യും ഇ​തി​ന​കം ലോ​ക​ത്തോ​ട്​ വി​ട പ​റ​ഞ്ഞു. അ​റ്റു​പോ​യെ​ന്ന്​ ക​രു​തി​യ ബ​ന്ധ​ത്തി​ന്‍റെ കൂ​ടി​ച്ചേ​ര​ലി​ന്​ സാ​ക്ഷി​ക​ളാ​കാ​ൻ നി​ര​വ​ധി പേ​രാ​ണ്​ ക​ഴി​ഞ്ഞ​ദി​വ​സം പാ​തി​രി​ക്കോ​ടു​ള്ള വീ​ട്ടി​ലെ​ത്തി​യ​ത്. അ​ടു​ത്ത ബു​ധ​നാ​ഴ്ച ഇ​വ​ർ ക​ർ​ണാ​ട​ക​യി​ലേ​ക്ക്​ തി​രി​ച്ചു പോ​കും.