എം.​ഡി.​എം.​എ കേ​സ്; ജി​ല്ല​യി​ൽ മ​ര​വി​പ്പി​ച്ച​ത് 15 ബാ​ങ്ക് അ​ക്കൗ​ണ്ടു​ക​ളി​ലാ​യി 6.55 ല​ക്ഷം രൂ​പ

മ​ല​പ്പു​റം: ജി​ല്ല​യി​ൽ ര​ണ്ട് വ​ർ​ഷ​ത്തി​നി​ടെ മെ​ത്ത​ലീ​ൻ ഡ​യോ​ക്സി മെ​ത് ആം​ഫ്റ്റ​മൈ​ൻ (എം.​ഡി.​എം.​എ) കേ​സു​ക​ളി​ൽ പൊ​ലീ​സ് മ​ര​വി​പ്പി​ച്ച​ത് 15 ബാ​ങ്ക് അ​ക്കൗ​ണ്ടു​ക​ൾ. ഈ ​അ​ക്കൗ​ണ്ടു​ക​ളി​ലാ​യി കി​ട​ന്നി​രു​ന്ന 6,55,828 രൂ​പ​യും മ​ര​വി​പ്പി​ച്ചു. 2024ൽ ​തി​രൂ​ർ, തേ​ഞ്ഞി​പ്പ​ലം, കൊ​ണ്ടോ​ട്ടി സ്റ്റേ​ഷ​നു​ക​ളി​ലാ​യി മൂ​ന്ന് അ​ക്കൗ​ണ്ടു​ക​ളാ​ണ് മ​ര​വി​പ്പി​ച്ച​ത്.

തി​രൂ​രി​ൽ 49,951 രൂ​പ​യും തേ​ഞ്ഞി​പ്പ​ല​ത്ത് ര​ണ്ട് കേ​സു​ക​ളി​ലാ​യി 57,943 രൂ​പ​യും മ​ര​വി​പ്പി​ച്ചു. 2025ൽ 12 ​അ​ക്കൗ​ണ്ടു​ക​ളാ​ണ് മ​ര​വി​പ്പി​ച്ച​ത്. കൊ​ണ്ടോ​ട്ടി സ്റ്റേ​ഷ​നി​ൽ മൂ​ന്ന് കേ​സു​ക​ളി​ൽ 9,822, ക​രി​പ്പൂ​രി​ൽ ര​ണ്ട് കേ​സു​ക​ളി​ൽ 77,249, അ​രീ​ക്കോ​ട് ര​ണ്ട് കേ​സു​ക​ളി​ൽ 1.21 ല​ക്ഷം, വ​ണ്ടൂ​രി​ൽ 43,410, പാ​ണ്ടി​ക്കാ​ട് 4,081, തി​രൂ​രി​ൽ 19,459, വ​ളാ​ഞ്ചേ​രി 7,946, കോ​ട്ട​ക്ക​ൽ 7,511 രൂ​പ​യും മ​ര​വി​പ്പി​ച്ചു. മ​ര​വി​പ്പി​ച്ച തു​ക ന​ട​പ​ടി​ക്ര​മ​ങ്ങ​ൾ പൂ​ർ​ത്തി​യാ​ക്കി സ​ർ​ക്കാ​റി​ലേ​ക്ക് അ​ട​വാ​ക്കു​ക​യാ​ണ് പ​തി​വ്.

അ​ഞ്ചു​കേ​സു​ക​ളി​ൽ സ്ഥാ​വ​ര സ്വ​ത്ത് ക​ണ്ടു​കെ​ട്ടി

ര​ണ്ട് വ​ർ​ഷ​ത്തി​നി​ടെ എം.​ഡി.​എം.​എ കേ​സി​ൽ ഉ​ൾ​പ്പെ​ട്ട​വ​രി​ൽ​നി​ന്ന് അ​ഞ്ച് സ്റ്റേ​ഷ​നു​ക​ളി​ലാ​യി സ്ഥാ​വ​ര സ്വ​ത്ത് (ഭൂ​മി, വീ​ട്, കെ​ട്ടി​ടം) ക​ണ്ട് കെ​ട്ടി. 2024ൽ ​തേ​ഞ്ഞി​പ്പ​ലം, കൊ​ള​ത്തൂ​ർ സ്റ്റേ​ഷ​നു​ക​ളി​ൽ ര​ണ്ടും 2025ൽ ​അ​രീ​ക്കോ​ട്, പാ​ണ്ടി​ക്കാ​ട്, നി​ല​മ്പൂ​ർ എ​ന്നീ സ്റ്റേ​ഷ​നു​ക​ളി​ലാ​യി മൂ​ന്ന് കേ​സു​ക​ളി​ലു​മാ​ണ് സ്വ​ത്തു​ക​ൾ ക​ണ്ടു​ക്കെ​ട്ടു​ന്ന ന​ട​പ​ടി​യു​ണ്ടാ​യ​ത്. തേ​ഞ്ഞി​പ്പ​ലം സ്റ്റേ​ഷ​നി​ലെ കേ​സി​ൽ 0.04 ഹെ​ക്ട​ർ ഭൂ​മി​യും കൊ​ള​ത്തൂ​ർ സ്റ്റേ​ഷ​നി​ലെ കേ​സി​ൽ 1.28 ഏ​ക്ക​ർ ഭൂ​മി​യും 800 സ്ക്വ​യ​ർ​ഫീ​റ്റ് വ​രു​ന്ന കെ​ട്ടി​ട​വും ക​ണ്ടു​കെ​ട്ടി. 2025ൽ ​അ​രീ​ക്കോ​ട് സ്റ്റേ​ഷ​ൻ കേ​സി​ൽ 0.0304 ഹെ​ക്ട​ർ ഭൂ​മി​യും കെ​ട്ടി​ട​വും പാ​ണ്ടി​ക്കാ​ട് കേ​സി​ൽ 0.0202 ഹെ​ക്ട​ർ ഭൂ​മി​യും നി​ല​മ്പൂ​രി​ൽ 141.77 സ്ക്വ​യ​ർ മീ​റ്റ​ർ വീ​ടും ക​ണ്ടു​കെ​ട്ടി

14 വാ​ഹ​ന​ങ്ങ​ൾ ക​ണ്ടു​കെ​ട്ടി

മൂ​ന്ന് വ​ർ​ഷ​ത്തി​നി​ടെ എം.​ഡി.​എം.​എ കേ​സി​ൽ 14 വാ​ഹ​ന​ങ്ങ​ളാ​ണ് വി​വി​ധ സ്റ്റേ​ഷ​നു​ക​ളി​ലാ​യി ക​ണ്ടു​കെ​ട്ടി​യ​ത്. 2023ൽ ​ഒ​ന്ന്, 2024ൽ ​അ​ഞ്ച്, 2025ൽ ​എ​ട്ട് വാ​ഹ​ന​ങ്ങ​ളും പി​ടി​ച്ചു. 2023 കൊ​ണ്ടോ​ട്ടി സ്റ്റേ​ഷ​ൻ പ​രി​ധി​യി​ലെ കേ​സി​ൽ ഓ​ട്ടോ​യാ​ണ് ക​ണ്ടു​കെ​ട്ടി​യ​ത്. ആ​കെ 14 കേ​സു​ക​ളി​ൽ അ​ഞ്ചെ​ണ്ണം കാ​റു​ക​ൾ വ​ഴി​യും അ​ഞ്ചെ​ണ്ണം സ്കൂ​ട്ട​റു​ക​ൾ വ​ഴി​യു​മാ​ണ് ല​ഹ​രി ക​ട​ത്താ​ൻ ഉ​പ​യോ​ഗ​പ്പെ​ടു​ത്തി​യി​രി​ക്കു​ന്ന​ത്. നാ​ല് കേ​സു​ക​ളി​ൽ ബൈ​ക്കു​ക​ളും ല​ഹ​രി ക​ട​ത്താ​നാ​യി പ്ര​യോ​ജ​ന​പ്പെ​ടു​ത്തി​യി​ട്ടു​ണ്ട്.

2024ൽ ​പൂ​ക്കോ​ട്ടു​പാ​ട​ത്ത് ഒ​രു​കേ​സി​ൽ കാ​റും ബൈ​ക്കും പാ​ണ്ടി​ക്കാ​ട് ബൈ​ക്കും പെ​രി​ന്ത​ൽ​മ​ണ്ണ​യി​ൽ മൂ​ന്ന് വി​വി​ധ കേ​സു​ക​ളി​ലാ​യി ര​ണ്ട് ബൈ​ക്കു​ക​ളും കാ​റും പി​ടി​ച്ചു. 2025ൽ ​കൊ​ണ്ടോ​ട്ടി​യി​ൽ ര​ണ്ട് കേ​സു​ക​ളി​ലാ​യി ല​ഹ​രി ക​ട​ത്താ​നു​പ​യോ​ഗി​ച്ച മൂ​ന്ന് കാ​റു​ക​ളും ഒ​രു സ്കൂ​ട്ട​റും പാ​ണ്ടി​ക്കാ​ട് ര​ണ്ട് കേ​സു​ക​ളി​ലാ​യി കാ​റും ഒ​രു ഇ​ല​ക്ട്രി​ക് സ്കൂ​ട്ട​റും വ​ണ്ടൂ​രി​ൽ സ്കൂ​ട്ട​റും ച​ര​ക്ക് ഓ​ട്ടോ​യും ക​രി​പ്പൂ​രി​ൽ സ്കൂ​ട്ട​റും തി​രൂ​രി​ൽ സ്കൂ​ട്ട​റും കോ​ട്ട​ക്ക​ലി​ൽ കാ​റും പി​ടി​ച്ചി​ട്ടു​ണ്ട്.

അ​റ​ബി അ​സീ​സി​ന്റെ സ്വ​ത്ത് ക​ണ്ടു​കെ​ട്ടി

അ​ന്ത​ർ സം​സ്ഥാ​ന ല​ഹ​രി​ക്ക​ട​ത്ത് സം​ഘ​ത്ത​ല​വ​ൻ അ​റ​ബി അ​സീ​സ് എ​ന്ന​റി​യ​പ്പെ​ടു​ന്ന പൂ​വ​ത്തി​ക്ക​ൽ അ​സീ​സ് ല​ഹ​രി​വി​ൽ​പ​ന​യി​ലൂ​ടെ സ​മ്പാ​ദി​ച്ച സ്വ​ത്തു​വ​ക​ക​ൾ ക​ണ്ടു​കെ​ട്ടി. ഇ​യാ​ളു​ടെ ബ​ന്ധു​ക്ക​ളു​ടെ പേ​രി​ലു​ള്ള ബാ​ങ്ക് അ​ക്കൗ​ണ്ടു​ക​ൾ ചെ​ന്നൈ ആ​സ്ഥാ​ന​മാ​യി പ്ര​വ​ർ​ത്തി​ക്കു​ന്ന സ്മ​ഗ്ലേ​ഴ്‌​സ് ആ​ൻ​ഡ് ഫോ​റി​ൻ എ​ക്സ്ചേ​ഞ്ച് മാ​നി​പു​ലേ​റ്റേ​ഴ്സ് അ​തോ​റി​റ്റി​യു​ടെ ഉ​ത്ത​ര​വ് പ്ര​കാ​രം ക​ണ്ടു​കെ​ട്ടി.

ഏ​പ്രി​ൽ 26ന് ​അ​രീ​ക്കോ​ട് തേ​ക്കി​ൻ​ച്ചു​വ​ടുനി​ന്ന് ഇ​യാ​ളെ​യും കൈ​പ്പ​ഞ്ചേ​രി റി​യാ​സ് ബാ​ബു​വി​നെ​യും 196.96 ഗ്രാം ​എം.​ഡി.​എം.​എ​യു​മാ​യി പി​ടി​കൂ​ടി​യി​രു​ന്നു. ഈ ​കേ​സു​മാ​യി ബ​ന്ധ​പ്പെ​ട്ട് അ​രീ​ക്കോ​ട് പൊ​ലീ​സ് ഇ​ൻ​സ്‌​പെ​ക്ട​ർ സി​ജി​ത്ത് ന​ൽ​കി​യ റി​പ്പോ​ർ​ട്ടി​ന്റെ അ​ടി​സ്ഥാ​ന​ത്തി​ൽ അ​സീ​സി​ന്റെ ഭാ​ര്യ​യു​ടെ പേ​രി​ൽ അ​രീ​ക്കോ​ട് പു​തു​താ​യി നി​ർ​മി​ച്ച 75 ല​ക്ഷം വി​ല​വ​രു​ന്ന വീ​ടും പൂ​വ​ത്തി​ക്ക​ലി​ലെ 7.5 സെ​ന്റ് സ്ഥ​ല​വും ക​ണ്ടു​കെ​ട്ടി. ഭാ​ര്യ​യു​ടെ​യും മ​ക​ളു​ടെ​യും പേ​രി​ൽ ബാ​ങ്കി​ൽ ഉ​ണ്ടാ​യി​രു​ന്ന ല​ക്ഷ​ങ്ങ​ളു​ടെ നി​ക്ഷേ​പ​മു​ള്ള അ​ക്കൗ​ണ്ടു​ക​ളും മ​ര​വി​പ്പി​ച്ചി​ട്ടു​ണ്ട്.

10 വ​ര്‍ഷ​ത്തി​ല്‍ കു​റ​യാ​ത്ത ത​ട​വ് ശി​ക്ഷ

എം.​ഡി.​എം.​എ കേ​സി​ല്‍ ഉ​ള്‍പ്പെ​ടു​ന്ന​വ​ര്‍ക്ക് 10 വ​ര്‍ഷ​ത്തി​ല്‍ കു​റ​യാ​ത്ത ത​ട​വ് ശി​ക്ഷ​യു​ണ്ടാ​കും. കൂ​ടാ​തെ പ്ര​തി​ക​ളു​ടെ ച​ലി​പ്പി​ക്കാ​ന്‍ പ​റ്റു​ന്ന​തും അ​ല്ലാ​ത്ത​തു​മാ​യ സ്വ​ത്തു​വ​ക​ക​ള്‍ അ​ന്വേ​ഷ​ണ​വി​ധേ​യ​മാ​യി മ​ര​വി​പ്പി​ക്കും. പ്ര​തി​യു​ടെ പി​താ​വ്, മാ​താ​വ്, ജീ​വി​ത​പ​ങ്കാ​ളി (ഭാ​ര്യ/​ഭ​ര്‍ത്താ​വ്), സ​ഹോ​ദ​ര​ങ്ങ​ള്‍, ജീ​വി​ത​പ​ങ്കാ​ളി​യു​ടെ സ​ഹോ​ദ​ര​ങ്ങ​ള്‍, സ​ഹാ​യി​ക​ള്‍, വ്യ​വ​ഹാ​ര​ങ്ങ​ള്‍ കൈ​കാര്യ ചെ​യ്യു​ന്ന​യാ​ള്‍ എ​ന്നി​വ​രു​ടെ ആ​റു​വ​ര്‍ഷ​ത്തി​നു​ള്ളി​ല്‍ സ്വ​ന്ത​മാ​ക്കി​യ സ്വ​ത്ത് വ​ക​ക​ളെ​ക്കു​റി​ച്ചും അ​ന്വേ​ഷ​ണ​മു​ണ്ടാ​കും. ആ​വ​ശ്യ​മെ​ങ്കി​ല്‍ ഇ​തി​ന്മേ​ല്‍ ന​ട​പ​ടി​യെ​ടു​ക്കാം. ചെ​ന്നൈ​യി​ലെ അ​തോ​റി​റ്റി​ക്ക് മു​മ്പാ​കെ ഇ​തു​സം​ബ​ന്ധി​ച്ച് അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ വി​വ​ര​ങ്ങ​ള്‍ ന​ല്‍കും. 30 ദി​വ​സ​ത്തി​നു​ള്ളി​ല്‍ അ​തോ​റി​റ്റി ഉ​ദ്യോ​ഗ​സ്ഥ​ര്‍ ഇ​ക്കാ​ര്യ​ത്തി​ല്‍ പ്ര​തി​ഭാ​ഗ​ത്തി​ന് പ​റ​യാ​നു​ള്ള​ത് കേ​ള്‍ക്കും.

കരിപ്പൂർ എം.​​ഡി.​​എം.​​എ കേ​സ്: ഉ​റ​വി​ടം വ്യ​ക്ത​മാ​യി -എ​സ്.​പി

ക​​രി​​പ്പൂ​​ർ വി​​മാ​​ന​​ത്താ​​വ​​ളം വ​​ഴി ക​​ട​​ത്താ​​ന്‍ ശ്ര​​മി​​ച്ച എം.​​ഡി.​​എം.​​എ​ പി​ടി​ച്ച സം​ഭ​വ​ത്തി​ന് പി​ന്നി​ൽ പ്ര​വ​ർ​ത്തി​ച്ച​വ​രു​ടെ ഉ​റ​വി​ടം വ്യ​ക്ത​മാ​യെ​ന്ന് ജി​ല്ല പൊ​ലീ​സ് മേ​ധാ​വി ആ​ർ. വി​ശ്വ​നാ​ഥ്. അ​ന്വേ​ഷ​ണ​ഘ​ട്ട​ത്തി​ൽ വി​വ​ര​ങ്ങ​ൾ പു​റ​ത്തു​വി​ടാ​ൻ ക​ഴി​യി​ല്ലെ​ന്ന് അ​ദ്ദേ​ഹം വ്യ​ക്ത​മാ​ക്കി. മ​ല​പ്പു​റ​ത്ത് മാ​ധ്യ​മ​ങ്ങ​ളോ​ട് പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം. സം​ഭ​വ​ത്തി​ൽ നാ​ലു​പേ​രാ​ണ് അ​റ​സ്റ്റി​ലാ​യ​ത്. മ​​യ​​ക്കു​​മ​​രു​​ന്നു​​മാ​​യി എ​​ത്തി​​യ പ​​ത്ത​​നം​​തി​​ട്ട വാ​​ഴ​​മു​​ട്ടം ഈ​​സ്റ്റ് നെ​​ല്ലി​​വ​​യ​​ലി​​ല്‍ വീ​​ട്ടി​​ല്‍ സൂ​​ര്യ (21), ഇ​​വ​​രി​​ൽ​നി​​ന്ന് മ​​യ​​ക്കു​​മ​​രു​​ന്ന് കൈ​​പ്പ​​റ്റാ​​നെ​​ത്തി​​യ തി​​രൂ​​ര​​ങ്ങാ​​ടി മൂ​​ന്നി​​യൂ​​ര്‍ സ്വ​​ദേ​​ശി ചോ​​ന്നാ​​രി അ​​ലി അ​​ക്ബ​​ര്‍ (32), ച​​ട്ടി​​പ്പു​​റ​​ത്ത് സ​​ഫീ​​ര്‍ (30), പ​​രു​​ത്തി​​ക്കോ​​ട് മ​​തി​​ല​​ഞ്ചേ​​രി സ്വ​​ദേ​​ശി മു​​ഹ​​മ്മ​​ദ് റാ​​ഫി (30) എ​​ന്നി​​വ​​രാ​​ണ് അ​​റ​​സ്റ്റി​​ലാ​​യ​​ത്.

ഇ​തി​ൽ അ​റ​സ്റ്റി​ലാ​യ യു​വ​തി അ​റി​ഞ്ഞ് ത​ന്നെ​യാ​ണ് ല​ഹ​രി വാ​ഹ​ക​യാ​യി​ട്ടു​ള്ള​തെ​ന്നും കേ​സി​ൽ കു​ടു​ക്കി​യ​തി​ന് തെ​ളി​വി​ല്ലെ​ന്നും മാ​ധ്യ​മ​ങ്ങ​ളു​ടെ ചോ​ദ്യ​ത്തോ​ട് എ​സ്.​പി പ്ര​തി​ക​രി​ച്ചു. യു​വ​തി​ക്ക് എം.​ഡി.​എം.​എ ന​ൽ​കി​യ ക​ണ്ണൂ​ർ സ്വ​ദേ​ശി​യെ കു​റി​ച്ച് അ​ന്വേ​ഷ​ണം ന​ട​ക്കു​ക​യാ​ണെ​ന്നും ആ​ർ. വി​ശ്വ​നാ​ഥ് വി​വ​രി​ച്ചു. മ​​സ്‌​​ക​​ത്തി​​ൽ​നി​​ന്ന് ഞാ​​യ​​റാ​​ഴ്ച രാ​​വി​​ലെ 9.15ന് ​​എ​​ത്തി​​യ എ​​യ​​ര്‍ ഇ​​ന്ത്യ എ​​ക്സ് പ്ര​​സ് വി​​മാ​​ന​​ത്തി​​ലാ​ണ് പി​ടി‍യി​ലാ​യ യു​വ​തി വ​ന്ന​ത്.

വി​​മാ​​ന​​ത്താ​​വ​​ള​​ത്തി​​ല്‍ ക​​സ്റ്റം​​സ് പ​​രി​​ശോ​​ധ​​ന ക​​ഴി​​ഞ്ഞ് മ​​യ​​ക്കു​​മ​​രു​​ന്നു​​മാ​​യി യു​​വ​​തി പു​​റ​​ത്തെ​​ത്തു​​ക​​യാ​​യി​​രു​​ന്നു. നേ​​ര​​ത്തെ വി​​വ​​രം ല​​ഭി​​ച്ച​​തി​​ന്റെ അ​​ടി​​സ്ഥാ​​ന​​ത്തി​​ല്‍ ക​​രി​​പ്പൂ​​ര്‍ പൊ​​ലീ​​സ് ജാ​​ഗ്ര​​ത പാ​​ലി​​ച്ച​​തോ​ടെ​യാ​ണ് ഇ​​വ​​ർ വ​​ല​​യി​​ലാ​​യ​ത്. സൂ​​ര്യ​​യു​​ടെ ബാ​​ഗേ​​ജി​​ലെ ചോ​​ക്ലേ​റ്റ് പാ​​ക്ക​​റ്റി​​നു​​ള്ളി​​ല്‍ വി​​ദ​​ഗ്ധ​​മാ​​യി ഒ​​ളി​​പ്പി​​ച്ച നി​​ല​​യി​​ലാ​​യി​​രു​ന്നു മ​​യ​​ക്കു​​മ​​രു​​ന്ന്.

ക​ട​ത്തി​ന് പു​തു​വ​ഴി​ക​ൾ

മ​ല​പ്പു​റം: ക​രി​പ്പൂ​ര്‍ എ​യ​ര്‍പോ​ട്ടി​ല്‍ പ​ത്ത​നം​തി​ട്ട സ്വ​ദേ​ശി​നി സൂ​ര്യ​യി​ല്‍നി​ന്ന് എം.​ഡി.​എം.​എ പി​ടി​കൂ​ടി​യ​തോ​ടെ പു​റ​ത്തു​വ​രു​ന്ന​ത് ല​ഹ​രി​ക്ക​ട​ത്തി​ലെ പു​ത്ത​ന്‍രീ​തി​ക​ള്‍. ഭ​ക്ഷ​ണപൊ​തി​ക​ളി​ലും മി​ഠാ​യി പാ​ക്ക​റ്റു​ക​ളു​മൊ​ക്കെ​യാ​ണ് പു​തി​യ​രീ​തി​യി​ൽ ല​ഹ​രി ക​ട​ത്തു​ന്ന​ത്. പ​ത്ത​നം​തി​ട്ട സ്വ​ദേ​ശി​നി​യു​ടെ ല​ഗേ​ജി​നു​ള്ളി​ല്‍ മി​ഠാ​യി പാ​ക്ക​റ്റി​ല്‍ ഒ​ളി​പ്പി​ച്ച നി​ല​യി​ലാ​ണ് 950 ഗ്രാ​മി​ന് മു​ക​ളി​ല്‍ എം.​ഡി.​എം.​എ ഉ​ണ്ടാ​യി​രു​ന്ന​ത്.

ഓ​രോ മി​ഠാ​യി പാ​ക്ക​റ്റും പൊ​ളി​ച്ച് പ​രി​ശോ​ധി​ക്കു​ന്ന​ത് ബു​ദ്ധി​മു​ട്ടാ​യ​തി​നാ​ല്‍ അ​ന്വേ​ഷ​ണ ഉ​ദ്യോ​ഗ​സ്ഥ​ര്‍ മെ​ന​ക്കെ​ടി​ല്ല എ​ന്ന​തും ഉ​ദ്യോ​ഗ​സ്ഥ​രു​ടെ ശ്ര​ദ്ധ പെ​ട്ടെ​ന്നു​ണ്ടാ​കി​ല്ല എ​ന്ന​തു​മാ​ണ് ഈ ​രീ​തി​യി​ല്‍ ക​ട​ത്താ​ന്‍ ല​ഹ​രി​ക്ക​ട​ത്തു​കാ​രെ പ്രേ​രി​പ്പി​ക്കു​ന്ന​ത്. ഭം​ഗി​യാ​യി സീ​ല്‍ ചെ​യ്ത​തി​നാ​ല്‍ കാ​ണു​ന്ന​വ​ര്‍ക്ക് സം​ശ​യം തോ​ന്നില്ല. ഭ​ക്ഷ്യ​സാ​ധ​ന​ങ്ങ​ളു​ടെ ക​വ​റു​ക​ളി​ലാ​ക്കി എം.​ഡി.​എം.​എ ക​ട​ത്തു​ന്ന​ത് സ​മീ​പ​കാ​ല​ത്ത് വ​ർ​ധി​ച്ച​താ​യി കേ​സു​ക​ള്‍ അ​ന്വേ​ഷി​ക്കു​ന്ന ഉ​ദ്യോ​ഗ​സ്ഥ​ര്‍ ചൂ​ണ്ടി​ക്കാ​ട്ടു​ന്നു. വ​നി​ത​ക​ളെ ല​ഹ​രി വാ​ഹ​ക​രാ​ക്കു​ന്ന പ്ര​വ​ണ​ത​യും കൂ​ടി​വ​രു​ന്നു​ണ്ട്. എ​യ​ര്‍പോ​ട്ടു​ക​ളി​ലെ പ​രി​ശോ​ധ​ന​യി​ല്‍ സ്ത്രീ​ക​ളെ അ​ധി​കം സം​ശ​യി​ക്കി​ല്ല എ​ന്ന​ത് മു​ത​ലെ​ടു​ക്കാ​നാ​ണി​ത്.

കേ​ര​ള​ത്തി​ലെ​ത്തി​ലെ​ത്തു​ന്ന എം.​ഡി.​എം.​എ​യി​ല്‍ കൂ​ടു​ത​ലും മ​റ്റ് രാ​ജ്യ​ങ്ങ​ളി​ൽ​നി​ന്ന് വ​രു​ന്ന​തെ​ന്നാ​ണ് ഉ​ദ്യോ​ഗ​സ്ഥ​രു​ടെ വി​ല​യി​രു​ത്ത​ല്‍. എം.​ഡി.​എം.​എ ഉ​ണ്ടാ​ക്കാ​ന്‍ വ​ലി​യ​രീ​തി​യി​ലു​ള്ള നി​ര്‍മാ​ണ​പ്ര​ക്രി​യ ആ​വ​ശ്യ​മാ​ണ്. ല​ഹ​രി ക​ട​ത്ത് അ​ധി​കം പി​ടി​ക്ക​പ്പെ​ടാ​ത്ത രാ​ജ്യ​ങ്ങ​ളി​ലാ​ണ് ഇ​വ​യു​ടെ ഉ​ൽ​പാ​ദ​ന​മെ​ന്നും അ​ന്വേ​ഷ​ണ​സം​ഘം വി​ല‍യി​രു​ത്തു​ന്നു​ണ്ട്.