സൗഹാൻ, നീ എവിടെ?... ചെക്കുന്ന് മലയിൽ വീണ്ടും കൂട്ട തിരച്ചിൽ

ഊ​ർ​ങ്ങാ​ട്ടി​രി(മലപ്പുറം): എല്ലാവരെയും സങ്കടക്കടലിലാക്കി മു​ഹ​മ്മ​ദ് സൗ​ഹാ​ൻ കാണാമറയത്ത്​ പോയിട്ട്​ 24 ദിവസം പിന്നിടുന്നു. ആ​ഗ​സ്​​റ്റ്​ 14ന് ​കാ​ണാ​താ​യ ഊ​ർ​ങ്ങാ​ട്ടി​രി ഗ്രാ​മ​പ​ഞ്ചാ​യ​ത്തി​ലെ വെ​റ്റി​ല​പ്പാ​റ ചൈ​ന​ങ്ങാ​ട് പൂ​ള​ക്ക​ൽ ഹ​സ്സ​ൻ കു​ട്ടി- ഖ​ദീ​ജ ദ​മ്പ​തി​ക​ളു​ടെ ഇ​ള​യ മ​ക​ൻ മു​ഹ​മ്മ​ദ് സൗ​ഹാ​നെ (15) ക​ണ്ടെ​ത്താ​ൻ ചെ​ക്കു​ന്ന് മ​ല​യി​ൽ വീ​ണ്ടും കൂ​ട്ട തി​ര​ച്ചി​ൽ ന​ട​ത്തി.

ഞാ​യ​റാ​ഴ്ച രാ​വി​ലെ എ​ട്ടു​മ​ണി​യോ​ടെ​യാ​ണ് 500ന് ​അ​ടു​ത്ത് വ​രു​ന്ന സം​ഘം തി​ര​ച്ചി​ൽ ന​ട​ത്തി​യ​ത്. വൈ​കീ​ട്ട്​ മൂ​ന്നു മ​ണി വ​രെ പ​രി​ശോ​ധ​ന തു​ട​ർ​ന്നെ​ങ്കി​ലും ക​ണ്ടെ​ത്താ​ൻ ക​ഴി​യാ​തെ സം​ഘം നി​രാ​ശ​യോ​ടെ മ​ട​ങ്ങു​ക​യാ​യി​രു​ന്നു. ശ​ക്ത​മാ​യ മ​ഴ പോ​ലും വ​ക​വെ​ക്കാ​തെ​യാ​യി​രു​ന്നു വ​ന​ത്തി​ലെ വി​വി​ധ ഭാ​ഗ​ങ്ങ​ളി​ൽ തി​ര​ച്ചി​ൽ ന​ട​ത്തി​യ​ത്.

പ്ര​ത്യേ​കം പ​രി​ശീ​ല​നം ല​ഭി​ച്ച ഫ​യ​ർ ആ​ൻ​ഡ് റെ​സ്ക്യൂ സി​വി​ൽ ഡി​ഫ​ൻ​സ് വ​ള​ൻ​റി​യ​ർ​മാ​ർ ഉ​ൾ​െ​പ്പ​ടെ കാ​മ​റ​ക​ൾ ഉ​പ​യോ​ഗി​ച്ചാ​യി​രു​ന്നു പ​രി​ശോ​ധ​ന ന​ട​ത്തി​യ​തെ​ന്ന് മ​ല​പ്പു​റം ഫ​യ​ർ സ്​​റ്റേ​ഷ​ൻ ഓ​ഫി​സ​ർ എം. ​അ​ബ്​​ദു​ൽ ഗ​ഫൂ​ർ പ​റ​ഞ്ഞു. സൗ​ഹാ​നെ കാ​ണാ​താ​യി​ട്ട് ഇ​ന്നേ​ക്ക് 24 ദി​വ​സം പൂ​ർ​ത്തി​യാ​കു​മ്പോ​ൾ വ​ലി​യ പ്ര​തീ​ക്ഷ​യോ​ടെ​യാ​യി​രു​ന്നു തി​ര​ച്ചി​ലി​നെ കു​ടും​ബം നോ​ക്കി​ക്ക​ണ്ടി​രു​ന്ന​ത്.

ക​ണ്ടെ​ത്താ​ൻ ക​ഴി​യു​മെ​ന്ന പ്ര​തീ​ക്ഷ ഉ​ണ്ടാ​യി​രു​ന്നെ​ങ്കി​ലും നി​രാ​ശ മാ​ത്ര​മാ​ണ് സ​മ്മാ​നി​ച്ച​തെ​ന്ന് അ​രീ​ക്കോ​ട് എ​സ്.​എ​ച്ച്.​ഒ ലൈ​ജു മോ​ൻ പ​റ​ഞ്ഞു. സം​ഭ​വ​ത്തി​ൽ കു​ടും​ബ​ത്തി​ൽ​നി​ന്ന് ല​ഭി​ച്ച പ്രാ​ഥ​മി​ക വി​വ​ര​ങ്ങ​ളി​ൽ ചി​ല വൈ​രു​ധ്യ​ങ്ങ​ൾ ഉ​ണ്ടെ​ന്നും അ​ദ്ദേ​ഹം പ​റ​ഞ്ഞു. അ​ന്വേ​ഷ​ണം ഊ​ർ​ജി​ത​മാ​ക്കാ​നാ​ണ് അ​രീ​ക്കോ​ട് പൊ​ലീ​സി​െൻറ തീ​രു​മാ​നം.

അ​രീ​ക്കോ​ട് പൊ​ലീ​സ്, ഫ​യ​ർ​ഫോ​ഴ്സ്, വ​നം​വ​കു​പ്പ്, സി​വി​ൽ ഡി​ഫ​ൻ​സ് വ​ള​ൻ​റി​യ​ർ​മാ​ർ, താ​ലൂ​ക്ക് ദു​ര​ന്ത​നി​വാ​ര​ണ സേ​ന, എ​മ​ർ​ജ​ൻ​സി റെ​സ്ക്യൂ ഫോഴ്​​​സ്, വി​വി​ധ സ​ന്ന​ദ്ധ സം​ഘ​ട​ന​ക​ൾ, രാ​ഷ്​​ട്രീ​യ സം​ഘ​ട​ന​ക​ൾ, ക്ല​ബു​ക​ൾ, ഊ​ർ​ങ്ങാ​ട്ടി​രി പ​ഞ്ചാ​യ​ത്ത്​ അം​ഗ​ങ്ങ​ൾ തു​ട​ങ്ങി​യ​വ​രാ​യി​രു​ന്നു തി​ര​ച്ചി​ൽ സം​ഘ​ത്തി​ലു​ണ്ടാ​യി​രു​ന്ന​ത്.