മു​ഖ്യ​മ​ന്ത്രി​ അറിയാൻ; മ​ങ്ക​ട​യി​ലെ ആ​ദി​വാ​സി​ക​ൾ​ക്കു​മു​ണ്ട് സ​ങ്ക​ട​ങ്ങ​ൾ ബോ​ധി​പ്പി​ക്കാ​ൻ

മ​ങ്ക​ട: ഇ​ന്ന് മു​ഖ്യ​മ​ന്ത്രി മ​ങ്ക​ട​യി​ലെ ന​വ​കേ​ര​ള സ​ദ​സ്സി​ൽ പ​ങ്കെ​ടു​ക്കു​മ്പോ​ൾ മ​ങ്ക​ട ചേ​രി​യം മ​ല​യി​ലെ ആ​ദി​വാ​സി​ക​ൾ​ക്കു​മു​ണ്ട് കു​റെ സ​ങ്ക​ട​ങ്ങ​ൾ ബോ​ധി​പ്പി​ക്കാ​ൻ. നൂ​റ്റാ​ണ്ടു​കാ​ലം ചേ​രി​യം മ​ല​യി​ൽ ക​ഴി​ഞ്ഞ ആ​ദി​വാ​സി സ​മൂ​ഹ​ത്തി​ന് 2015ൽ ​കു​മാ​ര​ഗി​രി എ​സ്റ്റേ​റ്റ് ഉ​ട​മ​ക​ൾ അ​നു​വ​ദി​ച്ച വെ​ട്ടി​ലാ​ല​യി​ലെ മ​ല​ഞ്ചെ​രു​വി​ലെ 30 സെൻറ് ഭൂ​മി​യി​ൽ പ​ട്ടി​ക​വ​ർ​ഗ വ​കു​പ്പ് ആ​റ് വീ​ടു​ക​ൾ ന​ൽ​കി. ഇ​തോ​ടെ​യാ​ണ് ക​ള്ളി​ക്ക​ൽ പാ​റ​മ​ട​യി​ൽ നി​ന്നും ആ​ദി​വാ​സി​ക​ൾ വെ​ട്ടി​ലാ​ല​യി​ലേ​ക്ക് താ​മ​സം മാ​റ്റി​യ​ത്. മൂ​ന്ന് സെ​ന്റ് ഭൂ​മി​യി​ലു​ള്ള പു​ര​യി​ടം അ​ല്ലാ​തെ മ​റ്റൊ​ന്നും ഇ​വ​ർ​ക്ക് അ​നു​വ​ദി​ച്ചി​ട്ടി​ല്ല. കു​ടി​വെ​ള്ളം പോ​ലും ഒ​രു​ക്കാ​തെ​യാ​ണ് അ​ന്ന് വീ​ടു​ക​ൾ ഉ​ദ്ഘാ​ട​നം ചെ​യ്ത​ത്. ഇ​ത് ഏ​റെ വി​വാ​ദ​മാ​യെ​ങ്കി​ലും വ​ർ​ഷ​ങ്ങ​ൾ​ക്കു​ശേ​ഷ​മാ​ണ് ഗ്രാ​മ​പ​ഞ്ചാ​യ​ത്തും ബ്ലോ​ക്ക് പ​ഞ്ചാ​യ​ത്തും ഓ​രോ കു​ഴ​ൽ കി​ണ​റു​ക​ൾ നി​ർ​മി​ച്ച​ത്.

എ​ന്നാ​ൽ, വെ​ള്ളം കു​റ​വാ​യ​തി​നാ​ൽ കു​ഴ​ൽ കി​ണ​ർ കൊ​ണ്ടും പ്ര​ശ്നം പ​രി​ഹ​രി​ച്ചി​ല്ല. ആ​ദി​വാ​സി​ക​ൾ​ക്ക് മാ​ത്ര​മാ​യി ഒ​രു കു​ടി​വെ​ള്ള പ​ദ്ധ​തി വേ​ണ​മെ​ന്ന ആ​വ​ശ്യം ഉ​യ​ർ​ന്നെ​ങ്കി​ലും ഇ​തു​വ​രെ പ്ര​ശ്നം പ​രി​ഹ​രി​ച്ചി​ട്ടി​ല്ല. കാ​ട്ടി​ലെ മ​രു​ന്ന് പ​റി​ച്ച് വി​റ്റ് ജീ​വി​ക്കു​ന്ന ഇ​വ​ർ​ക്ക് കൃ​ഷി ചെ​യ്ത് ജീ​വി​ക്കാ​ൻ ആ​വ​ശ്യ​മാ​യ ഭൂ​മി അ​നു​വ​ദി​ക്ക​ണ​മെ​ന്നും വീ​ടു​ക​ൾ​ക്ക് അ​ടു​ക്ക​ള നി​ർ​മി​ക്ക​ണ​മെ​ന്നു​മു​ള്ള മു​റ​വി​ളി​ക്ക് കാ​ല​മേ​റെ പ​ഴ​ക്ക​മു​ണ്ട്. മ​ഴ​ക്കാ​ല​മാ​യാ​ൽ വീ​ട് ചോ​ർ​ന്നൊ​ലി​ക്കു​ക​യും അ​ടി​യി​ൽ​നി​ന്ന് ഉ​റ​വ ഒ​ഴു​കി എ​ത്തു​ക​യും ചെ​യ്യു​ന്ന അ​വ​സ്ഥ​യാ​ണ്. നി​ർ​മാ​ണ​ത്തി​ലെ അ​പാ​ക​ത കാ​ര​ണം വാ​തി​ലി​ന്റെ ക​ട്ടി​ള​ക​ൾ ഇ​ള​കി ദ്ര​വി​ച്ചു പൊ​ളി​ഞ്ഞു​വീ​ണ അ​വ​സ്ഥ​യും ഉ​ണ്ട്. സു​ന്ദ​ര​ന​ൻ, മ​ഞ്ജു​രാ​മ​ൻ, അ​നു​രാ​ധ വേ​ലാ​യു​ധ​ൻ എ​ന്നീ കു​ടും​ബ​ങ്ങ​ൾ​ക്ക് വീ​ടി​ല്ല. മ​ഴ​ക്കാ​ല​ത്ത് വെ​ള്ളം കെ​ട്ടി​നി​ന്ന് ടെ​റ​സ് ദ്ര​വി​ച്ച് അ​പ​ക​ടാ​വ​സ്ഥ​യി​ലാ​ണ്. ഈ ​വി​ഷ​യ​ങ്ങ​ളെ​ല്ലാം ഉ​ന്ന​യി​ച്ച് ഇ​ന്ന് ന​ട​ക്കു​ന്ന ജ​ന​കീ​യ സ​ദ​സ്സി​ൽ പ​രാ​തി ന​ൽ​കാ​നി​രി​ക്കു​ക​യാ​ണ് ആ​ദി​വാ​സി​ക​ൾ.