പയ്യനാട് തടപ്പറമ്പ് കുടിവെള്ള പദ്ധതി കാലതാമസം

മ​ഞ്ചേ​രി: പ​യ്യ​നാ​ട് ത​ട​പ്പ​റ​മ്പ് കു​ടി​വെ​ള്ള പ​ദ്ധ​തി പൂ​ർ​ത്തീ​ക​ര​ണ​ത്തി​ൽ കാ​ല​താ​മ​സം വ​രു​ത്തി​യ ക​രാ​റു​കാ​ര​ന് ര​ണ്ട​ര കോ​ടി രൂ​പ പി​ഴ ചു​മ​ത്തി വാ​ട്ട​ർ അ​തോ​റി​റ്റി. അ​ഞ്ചു​വ​ർ​ഷം മു​മ്പ് തു​ട​ങ്ങി​യ പ്ര​വൃ​ത്തി പൂ​ർ​ത്തി​യാ​ക്കു​ന്ന​തി​ൽ ഗു​രു​ത​ര വീ​ഴ്ച ഉ​ണ്ടാ​യ​താ​യി വാ​ട്ട​ർ അ​തോ​റി​റ്റി ക​ണ്ടെ​ത്തി. സ​ബ​ർ​ബ​ൻ കു​ടി​വെ​ള്ള പ​ദ്ധ​തി​യി​ൽ ഉ​ൾ​പ്പെ​ടു​ത്തി മ​ഞ്ചേ​രി ന​ഗ​ര​സ​ഭ​യി​ലെ വ​ട​ക്കാ​ങ്ങ​ര, പ​യ്യ​നാ​ട്, എ​ല​മ്പ്ര, അ​ത്താ​ണി​ക്ക​ൽ, താ​മ​ര​ശ്ശേ​രി, നെ​ല്ലി​ക്കു​ത്ത് എ​ൽ.​പി സ്കൂ​ൾ, നെ​ല്ലി​ക്കു​ത്ത് ഹൈ​സ്കൂ​ൾ, ചാ​ലു​കു​ളം, കി​ഴ​ക്കേ​ക്കു​ന്ന്, പി​ലാ​ക്ക​ൽ, അ​മ​യം​കോ​ട് തു​ട​ങ്ങി 11 വാ​ര്‍ഡു​ക​ളി​ലെ കു​ടി​വെ​ള്ള ക്ഷാ​മം പ​രി​ഹ​രി​ക്കാ​നാ​യി​രു​ന്നു ല​ക്ഷ്യം. 2020ലാ​ണ് പ്ര​വൃ​ത്തി ആ​രംഭി​ച്ച​ത്.

73 കോ​ടി രൂ​പ ചെ​ല​വി​ൽ ര​ണ്ട് പ​ദ്ധ​തി​യാ​ണ് ടെ​ൻ​ഡ​ർ ന​ൽ​കി​യ​ത്. അ​രി​ക്കോ​ട് കി​ളി​ക്ക​ല്ലി​ങ്ങ​ലി​ലും ചെ​ര​ണി​യി​ലും പ​മ്പ് സെ​റ്റ്, ടാ​ങ്ക്, ട്രാ​ൻ​സ്ഫോ​ർ​മ​ർ, റോ​വാ​ട്ട​ർ പ​മ്പി​ങ്ങ് മെ​യി​ൻ, പ​മ്പ് ഹൗ​സ്, ത​ട​പ്പ​റ​മ്പി​ലും എ​ല​മ്പ്ര​യി​ലും ടാ​ങ്കു​ക​ൾ, ത​ട​പ്പ​റ​മ്പി​ലേ​ക്ക് വെ​ള്ളം എ​ത്തി​ക്കാ​നു​ള്ള പ​മ്പി​ങ് മെ​യി​ൻ തു​ട​ങ്ങി​യ ഒ​രു​ക്കു​ന്ന​താ​യി​രു​ന്നു ഒ​രു പ​ദ്ധ​തി. ഈ ​പ്ര​വൃ​ത്തി ഏ​റ്റെ​ടു​ത്ത ക​രാ​റു​കാ​ര​ൻ പൂ​ർ​ത്തി​യാ​ക്കി. 2024 മേ​യ് നാ​ലി​ന് അ​രീ​ക്കോ​ട് പ​മ്പ് ഹൗ​സി​ൽ​നി​ന്നും കി​ളി​ക്ക​ല്ലി​ങ്ങ​ലി​ലെ ശു​ദ്ധീ​ക​ര​ണ ശാ​ല​യി​ലേ​ക്ക് വെ​ള്ള​മെ​ത്തി​ക്കു​ക​യും ചെ​യ്തു.

മൂ​ന്നു​മാ​സം ശു​ദ്ധീ​ക​ര​ണ ശാ​ല​യി​ൽ​നി​ന്ന് ചെ​ര​ണി​യി​ലേ​ക്കും ചെ​ര​ണി​യി​ൽ​നി​ന്നും ത​ട​പ്പ​റ​മ്പി​ലെ​യും എ​ല​മ്പ്ര​യി​ലെ​യും ടാ​ങ്കി​ലേ​ക്ക് വെ​ള്ള​മെ​ത്തി​ച്ചു. ഇ​നി വീ​ടു​ക​ളി​ലേ​ക്ക് വി​ത​ര​ണ ശൃം​ഖ​ല സ്ഥാ​പി​ക്ക​ണം. ഇ​താ​യി​രു​ന്നു ര​ണ്ടാ​മ​ത്തെ പ​ദ്ധ​തി. നേ​ര​ത്തേ നി​ശ്ച​യി​ച്ച തു​ക ഉ​പ​യോ​ഗി​ച്ച് പൈ​പ്പു​ക​ൾ സ്ഥാ​പി​ക്കാ​ൻ ക​ഴി​യി​ല്ലെ​ന്നും തു​ക വ​ർ​ധി​പ്പി​ച്ച് ന​ൽ​ക​ണ​മെ​ന്നും ആ​വ​ശ്യ​പ്പെ​ട്ട് ക​രാ​റു​കാ​ര​ൻ കോ​ട​തി​യെ സ​മീ​പി​ച്ചു.

കോ​ട​തി കി​ഫ്ബി​യോ​ട് റി​പ്പോ​ർ​ട്ട് തേ​ടി. തു​ക വ​ർ​ധി​പ്പി​ക്കാ​ൻ സാ​ധ്യ​മ​ല്ലെ​ന്ന് കി​ഫ്ബി കോ​ട​തി​യെ അ​റി​യി​ച്ചു. 100 കി​ലോ മീ​റ്റ​ർ ദൂ​ര​മാ​ണ് വി​ത​ര​ണ ലൈ​ൻ സ്ഥാ​പി​ക്കേ​ണ്ട​ത്. ഇ​തി​ൽ 10 കി​ലോ​മീ​റ്റ​റി​ൽ മാ​ത്ര​മാ​ണ് പൈ​പ്പു​ക​ൾ സ്ഥാ​പി​ച്ച​ത്. നി​ര​ന്ത​ര​മാ​യി കോ​ട​തി വ്യ​വ​ഹാ​ര​ത്തി​ലൂ​ടെ സ​മ​യം ന​ഷ്ട​പ്പെ​ടു​ത്തി​യെ​ന്നും പ്ര​വൃ​ത്തി നീ​ട്ടി​കൊ​ണ്ടു​പോ​യെ​ന്നും കാ​ണി​ച്ചാ​ണ് വാ​ട്ട​ർ അ​തോ​റി​റ്റി 2.5 കോ​ടി രൂ​പ പി​ഴ ചു​മ​ത്തി​യ​ത്.

പ്ര​വൃ​ത്തി പൂ​ർ​ത്തി​യാ​ക്കാ​ൻ ഉ​ന്ന​ത​ത​ല യോ​ഗം വി​ളി​ക്കാ​ൻ തീ​രു​മാ​നം

മ​ഞ്ചേ​രി: പാ​തി​വ​ഴി​യി​ൽ നി​ല​ച്ച മ​ഞ്ചേ​രി​യി​ലെ സ​ബ​ർ​മ​ൻ കു​ടി​വെ​ള്ള പ​ദ്ധ​തി പ്ര​വൃ​ത്തി പൂ​ർ​ത്തി​യാ​ക്കാ​ൻ ഉ​ന്ന​ത​ത​ല യോ​ഗം വി​ളി​ക്കാ​ൻ തീ​രു​മാ​നം. ന​ഗ​ര​സ​ഭ ചെ​യ​ർ​പേ​ഴ്സ​ൻ വി.​എം. സു​ബൈ​ദ​യു​ടെ അ​ധ്യ​ക്ഷ​ത​യി​ൽ വി​ളി​ച്ചു​ചേ​ർ​ത്ത ജ​ന​പ്ര​തി​നി​ധി​ക​ളു​ടെ​യും വാ​ട്ട​ർ അ​തോ​റി​റ്റി ഉ​ദ്യോ​ഗ​സ്ഥ​രു​ടെ​യും യോ​ഗ​ത്തി​ലാ​ണ് തീ​രു​മാ​നം. പ്ര​വൃ​ത്തി പൂ​ർ​ത്തി​യാ​ക്കാ​ത്ത​തി​നാ​ൽ പ​യ്യ​നാ​ട് മേ​ഖ​ല​യി​ൽ കു​ടി​വെ​ള്ള ക്ഷാ​മം നേ​രി​ടു​ക​യാ​ണ്. അ​ഞ്ചു​വ​ർ​ഷം മു​മ്പ് ആ​രം​ഭി​ച്ച പ​ദ്ധ​തി​യാ​ണി​ത്. മ​ഞ്ചേ​രി ചെ​ര​ണി ടാ​ങ്കി​ൽ നി​ന്നും പ​യ്യ​നാ​ട്, നെ​ല്ലി​ക്കു​ത്ത് മേ​ഖ​ല​യി​ലേ​ക്ക് ര​ണ്ട് ആ​ഴ്ച​ക്ക​കം വെ​ള്ളം ന​ൽ​കു​ന്ന​തി​നും യോ​ഗം തീ​രു​മാ​നി​ച്ചു.

ഇ​തി​ന് പ്രോ​ജ​ക്ട് ഡി​വി​ഷ​ൻ അ​സി. എ​ക്സി​ക്യൂ​ട്ടി​വ് എ​ൻ​ജി​നീ​യ​റെ ചു​മ​ത​ല​പ്പെ​ടു​ത്തി. ന​ഗ​ര​ത്തി​ലെ എ.​സി പൈ​പ്പ് മാ​റ്റി ഡി.​ഐ പൈ​പ്പ് സ്ഥാ​പി​ക്കു​ന്ന​തി​നാ​യി ക​രാ​ർ എ​ടു​ത്ത പ്ര​വൃ​ത്തി​യു​ടെ ബാ​ക്കി പ്ര​വൃ​ത്തി ജ​നോ​പ​കാ​ര പ്ര​ദ​മാ​യ രീ​തി​യി​ൽ അ​ടി​യ​ന്ത​ര​മാ​യി പൂ​ർ​ത്തി​യാ​ക്കു​ന്ന​തി​ന് തീ​രു​മാ​നി​ച്ചു. വി​ത​ര​ണ ലൈ​ൻ സ്ഥാ​പി​ക്കു​ന്ന പ്ര​വൃ​ത്തി പു​ന​രാ​രം​ഭി​ക്കാ​ൻ പു​തി​യ ക​രാ​റു​കാ​ര​നെ ചു​മ​ത​ല​പ്പെ​ടു​ത്ത​ണ​മെ​ന്നാ​ണ് വാ​ട്ട​ർ അ​തോ​റി​റ്റി പ്രോ​ജ​ക്ട് ഡി​വി​ഷ​ന്റെ ആ​വ​ശ്യം.

എ​ന്നാ​ൽ, പി​ഴ​ത്തു​ക ഒ​ഴി​വാ​ക്കി ത​ന്നാ​ൽ താ​ൻ പ്ര​വൃ​ത്തി പൂ​ർ​ത്തി​യാ​ക്കാ​മെ​ന്ന് ക​രാ​റു​കാ​ര​ൻ അ​റി​യി​ച്ച​താ​യി വാ​ട്ട​ർ അ​തോ​റി​റ്റി അ​ധി​കൃ​ത​ർ പ​റ​ഞ്ഞു. ഇ​ക്കാ​ര്യം അ​റി​യി​ച്ച് ക​രാ​റു​കാ​ര​ൻ സൂ​പ്ര​ണ്ടി​ങ് എ​ൻ​ജി​നീ​യ​ർ​ക്ക് ക​ത്ത് ന​ൽ​കി. ഇ​ത് അ​നു​വ​ദി​ക്ക​രു​തെ​ന്ന് ആ​വ​ശ്യ​പ്പെ​ട്ട് എ​ക്സി​ക്യൂ​ട്ടി​വ് എ​ൻ​ജി​നി​യ​റും സൂ​പ്ര​ണ്ടി​ങ് എ​ൻ​ജി​നി​യ​റെ സ​മീ​പി​ച്ചി​ട്ടു​ണ്ട്. എം.​എ​ൽ.​എ മു​ഖേ​ന വി​ഷ​യം ജ​ല​വി​ഭ​വ വ​കു​പ്പ് മ​ന്ത്രി​യു​ടെ ശ്ര​ദ്ധ​യി​ൽ​പ്പെ​ടു​ത്തി പ്ര​ശ്നം പ​രി​ഹ​രി​ക്കാ​നും യോ​ഗം തീ​രു​മാ​നി​ച്ചു.

സ്ഥി​രം​സ​മി​തി അ​ധ്യ​ക്ഷ​രാ​യ റ​ഹീം പു​തു​ക്കൊ​ള്ളി, എ​ൻ.​കെ. ഖൈ​റു​ന്നീ​സ, എ​ൻ.​എം. എ​ൽ​സി, സി. ​സ​ക്കീ​ന, കൗ​ൺ​സി​ല​ർ​മാ​രാ​യ മ​രു​ന്ന​ൻ മു​ഹ​മ്മ​ദ്, അ​ഷ്റ​ഫ് കാ​ക്കേ​ങ്ങ​ൽ, ഹു​സൈ​ൻ മേ​ച്ചേ​രി, മ​രു​ന്ന​ൻ സാ​ജി​ദ് ബാ​ബു, മു​ൻ ന​ഗ​ര​സ​ഭ ചെ​യ​ർ​മാ​ൻ വ​ല്ലാ​ഞ്ചി​റ മു​ഹ​മ്മ​ദ​ലി, ക​ബീ​ർ നെ​ല്ലി​ക്കു​ത്ത്, വാ​ട്ട​ർ അ​തോ​റി​റ്റി ഉ​ദ്യോ​ഗ​സ്ഥ​രാ​യ സ​ന്തോ​ഷ്, എം.​എം. ബാ​ബു, കെ.​ടി. ജ​യ​കു​മാ​ർ, ടി.​പി. ജ​മീ​ല, ടി. ​അ​ർ​ഷ​ദ് അ​ഹ​മ്മ​ദ് എ​ന്നി​വ​ർ സം​ബ​ന്ധി​ച്ചു.