ഐ.​എ​ൻ.​എ​ൽ വി​ഭാ​ഗീ​യ​ത: മ​ഞ്ചേ​രി​യി​ലും ചേ​രി​പ്പോ​ര്

മ​ഞ്ചേ​രി: ഐ.​എ​ൻ.​എ​ൽ സം​സ്ഥാ​ന ക​മ്മി​റ്റി പി​രി​ച്ചു​വി​ട്ട​തോ​ടെ മ​ഞ്ചേ​രി​യി​ലും ചേ​രി​പ്പോ​ര് ത​ുടങ്ങി. ഗ്രൂ​പ് തി​രി​ഞ്ഞാ​ണ് ഇപ്പോൾ ​​പ്രവ​ർ​ത്ത​നം. പ്ര​സ്താ​വ​ന​ക​ളും മ​റ്റും പു​റ​ത്തി​റ​ക്കു​ന്ന​തും ഇ​തേ രീ​തി​യി​ൽ ത​ന്നെ. തി​ങ്ക​ളാ​ഴ്ച മ​ന്ത്രി അ​ഹ​മ്മ​ദ് ദേ​വ​ർ​കോ​വി​ൽ മ​ഞ്ചേ​രി​യി​ലെ​ത്തി​യ​പ്പോ​ൾ വ​ഹാ​ബ് പ​ക്ഷം മ​ന്ത്രി​ക്ക് കാ​ര്യ​മാ​യ പ​രി​ഗ​ണ​ന ന​ൽ​കി​യി​ല്ല. എ​ന്നാ​ൽ, പാ​ർ​ട്ടി​യി​ൽ അ​ച്ച​ട​ക്കം ഉ​റ​പ്പാ​ക്കാ​നും വി​ഭാ​ഗീ​യ​ത അ​വ​സാ​നി​പ്പി​ക്കാ​നു​മാ​യി സം​സ്ഥാ​ന ക​മ്മി​റ്റി​യും കൗ​ൺ​സി​ലും പി​രി​ച്ചു​വി​ട്ട് അ​ഡ്ഹോ​ക് ക​മ്മി​റ്റി​യെ നി​യ​മി​ച്ച ഐ.​എ​ൻ.​എ​ൽ ദേ​ശീ​യ സ​മി​തി തീ​രു​മാ​നം ധീ​ര​വും സ്വാ​ഗ​താ​ർ​ഹ​വു​മാ​ണെ​ന്നാ​യി​രു​ന്നു ഐ.​എ​ൻ.​എ​ൽ മ​ഞ്ചേ​രി മ​ണ്ഡ​ലം ക​മ്മി​റ്റി​യു​ടെ പ്ര​സ്താ​വ​ന. ജി​ല്ല സെ​ക്ര​ട്ടേ​റി​യ​റ്റ് അം​ഗം സ​ലാം കു​രി​ക്ക​ൾ ഉ​ദ്ഘാ​ട​നം ചെ​യ്തു. കു​റ്റി​ക്കാ​ട​ൻ കു​ഞ്ഞി മു​ഹ​മ്മ​ദ് ഹാ​ജി അ​ധ്യ​ക്ഷ​ത വ​ഹി​ച്ചു. നാ​സ​ർ വ​ല്ലാ​ഞ്ചി​റ, യാ​സ​ർ പ​ട്ട​ർ​ക്കു​ളം, അ​ബു പു​ല്ലൂ​ർ, കാ​രാ​ട്ട് ഹ​സ​ൻ, മു​ഹ​മ്മ​ദ​ലി തു​ട​ങ്ങി​യ​വ​ർ സം​സാ​രി​ച്ചു.

അ​തേ​സ​മ​യം, അം​ഗ​ത്വ അ​ടി​സ്ഥാ​ന​ത്തി​ൽ തെ​ര​ഞ്ഞെ​ടു​ക്ക​പ്പെ​ട്ടെ​ന്ന് പ​റ​യു​ന്ന മ​ണ്ഡ​ലം ക​മ്മി​റ്റി പ്ര​സി​ഡ​ൻ​റ് എം. ​അ​ബ്ദു​ൽ​ക​രീം, സെ​ക്ര​ട്ട​റി അ​ല​വി മാ​ര്യാ​ട് എ​ന്നി​വ​ർ ത​ങ്ങ​ൾ വ​ഹാ​ബ് പ​ക്ഷ​ത്തോ​ടൊ​പ്പ​മാ​ണെ​ന്ന് പ​റ​ഞ്ഞു.

ദേ​ശീ​യ നേ​തൃ​ത്വ​ത്തി​ന്‍റെ ന​ട​പ​ടി അം​ഗീ​ക​രി​ക്കാ​നാ​വി​ല്ലെ​ന്നും എ​ൻ.​വൈ.​എ​ൽ ഭാ​ര​വാ​ഹി​ക​ളും പ​റ​ഞ്ഞു. ജി​ല്ല​യി​ലെ മു​ഴു​വ​ൻ മ​ണ്ഡ​ലം ക​മ്മി​റ്റി​ക​ളും സം​സ്ഥാ​ന പ്ര​സി​ഡ​ൻ​റ് ആ​യി​രു​ന്ന പ്ര​ഫ. എ.​പി. അ​ബ്ദു​ൽ വ​ഹാ​ബി​ന് പി​ന്തു​ണ ന​ൽ​കു​മെ​ന്നും ഇ​വ​ർ പ​റ​ഞ്ഞു. നാ​ഷ​ന​ൽ യൂ​ത്ത് ലീ​ഗ് ജി​ല്ല പ്ര​സി​ഡ​ന്‍റ്​ ഗ​ഫൂ​ർ താ​നൂ​ർ അ​ധ്യ​ക്ഷ​ത വ​ഹി​ച്ചു. ജി​ല്ല ജ​ന​റ​ൽ സെ​ക്ര​ട്ട​റി ഷം​സു പാ​ല​ത്തി​ങ്ങ​ൽ, സെ​ക്ര​ട്ട​റി​മാ​രാ​യ സാ​ലി മ​ഞ്ചേ​രി, എ​ൻ.​എം. മ​ഷ്ഹു​ദ്, ക​ലാം ആ​ലു​ങ്ങ​ൽ, ജി​ല്ല ട്ര​ഷ​റ​ർ റ​ഹീം വ​ട്ട​പ്പാ​റ, സെ​ക്ര​ട്ടേ​റി​യ​റ്റ് അം​ഗ​ങ്ങ​ളാ​യ അ​ൻ​വ​ർ തു​വ്വൂ​ർ, സ​ഫീ​ർ പ​ട്ട​ർ​ക്കു​ളം, സി​ദ്ദീ​ഖ് ഉ​ള്ളാ​ടം​കു​ന്ന് തു​ട​ങ്ങി​യ​വ​ർ പ​ങ്കെ​ടു​ത്തു.