കരഞ്ഞുകലങ്ങിയ കണ്ണുമായി അവർ തസ്കിയയെ കാണാനെത്തി

മ​ഞ്ചേ​രി: സ്റ്റെ​ത​സ്കോ​പ് ക​ഴു​ത്തി​ലി​ട്ട് വീ​ട്ടി​ലേ​ക്കു ക​യ​റാ​നാ​യി​രു​ന്നു കി​ഴ​ക്കേ​ത്ത​ല ഓ​വു​ങ്ങ​ൽ വീ​ട്ടി​ൽ ഫാ​ത്തി​മ ത​സ്കി​യ​യു​ടെ ആ​ഗ്ര​ഹം. ഡോ​ക്ട​റാ​ക​ണ​മെ​ന്ന മോ​ഹം സ​ഫ​ല​മാ​ക്കാ​നാ​വാ​തെ, അ​വ​ളു​ടെ മൃ​ത​ദേ​ഹം വീ​ട്ടി​ലേ​ക്കെ​ത്തി​യ​പ്പോ​ൾ ക​ണ്ടു​നി​ന്ന​വ​രു​ടെ ഉ​ള്ളം പി​ട​ഞ്ഞു. ക​ര​ഞ്ഞു​ക​ല​ങ്ങി​യ ക​ണ്ണു​മാ​യി പ​ല​രും അ​വ​സാ​ന നോ​ക്ക് കാ​ണാ​നെ​ത്തി. ചെ​റു​പ്പം​തൊ​ട്ടേ പ​ഠി​ക്കാ​ൻ മി​ടു​ക്കി​യാ​യി​രു​ന്നു ത​സ്കി​യ. ഹൈ​സ്കൂ​ൾ, ഹ​യ​ർ സെ​ക്ക​ൻ​ഡ​റി പ​രീ​ക്ഷ​യി​ലെ​ല്ലാം ഉ​ന്ന​ത വി​ജ​യം നേ​ടി. എ​ട്ടാം ക്ലാ​സി​ൽ പ​ഠി​ക്കു​ന്ന സ​മ​യ​ത്താ​ണ് ഡോ​ക്ട​റാ​ക​ണ​മെ​ന്ന മോ​ഹ​മു​ദി​ച്ച​ത്.

പി​ന്നെ ആ ​ല​ക്ഷ്യ​ത്തി​ലേ​ക്കാ​യി ഓ​രോ ചു​വ​ടും. പാ​തി​വ​ഴി​യി​ൽ പ​ല​ത​വ​ണ വീ​ണെ​ങ്കി​ലും വി​ജ​യം​നേ​ടാ​തെ പി​ന്തി​രി​യി​ല്ലെ​ന്ന അ​വ​ളു​ടെ ആ​ത്മ​വി​ശ്വാ​സം ക​രു​ത്താ​യി. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ​ത​ന്നെ എം.​ബി.​ബി.​എ​സി​ന് പ്ര​വേ​ശ​നം നേ​ടി​യ​തും ആ ​ക​രു​ത്തി​ന്റെ ബ​ല​ത്തി​ലാ​ണ്. ആ​ദ്യ ത​വ​ണ ഹൈ​ദ​രാ​ബാ​ദി​ൽ പ്ര​വേ​ശ​നം ല​ഭി​ച്ചി​രു​ന്നെ​ങ്കി​ലും നാ​ട്ടി​ൽ നി​ന്നു​ത​ന്നെ പ​ഠി​ക്കാ​നാ​യി​രു​ന്നു അ​വ​ളു​ടെ ആ​ഗ്ര​ഹം.

അ​തി​ന് കു​ടും​ബ​വും പൂ​ർ​ണ പി​ന്തു​ണ ന​ൽ​കി. പ​രി​ശ്ര​മ​ങ്ങ​ൾ​ക്കി​ട​യി​ൽ രോ​ഗ​വും മ​റ്റും ത​ട​സ്സ​ങ്ങ​ൾ സൃ​ഷ്ടി​ച്ച​പ്പോ​ൾ വി​ട്ടു​കൊ​ടു​ക്കാ​ൻ ത​സ്കി​യ ത​യാ​റാ​യി​രു​ന്നി​ല്ല. നീ​റ്റ് പ​രീ​ക്ഷ​യി​ൽ ആ​ദ്യ​ത​വ​ണ പ​രാ​ജ​യം ഏ​റ്റു​വാ​ങ്ങി​യ​പ്പോ​ൾ ക​ളി​യാ​ക്കി​യ​വ​ർ​ക്കു മു​ന്നി​ൽ പി​ന്നീ​ട് റാ​ങ്കു​മാ​യി അ​വ​ൾ ത​ല​യു​യ​ർ​ത്തി നി​ന്നു. ലോ​ക​ത്തി​ന്റെ ഏ​തു കോ​ണി​ൽ​നി​ന്നാ​ണെ​ങ്കി​ലും ഒ​രാ​ളു​ടെ​യെ​ങ്കി​ലും ജീ​വ​ൻ ര​ക്ഷി​ക്ക​ണ​മെ​ന്ന ആ​ഗ്ര​ഹ​ത്തോ​ടെ​യാ​ണ് ത​സ്കി​യ ഡോ​ക്ട​റാ​കാ​ൻ തീ​രു​മാ​നി​ച്ച​ത്. പ​ക്ഷേ, ആ​ഗ്ര​ഹ​പൂ​ർ​ത്തീ​ക​ര​ണ​ത്തി​ന് കാ​ത്തു​നി​ൽ​ക്കാ​ത അ​വ​ൾ മ​റ്റൊ​രു ലോ​ക​ത്തേ​ക്കു മ​ട​ങ്ങി.