മെ​ഡി​ക്ക​ൽ കോ​ള​ജ് വൈ​റോ​ള​ജി ലാ​ബ് ന​ട​പ​ടി വേ​ഗ​ത്തി​ലാ​ക്കും

മ​ഞ്ചേ​രി: ഗ​വ. മെ​ഡി​ക്ക​ല്‍ കോ​ള​ജി​ൽ വൈ​റോ​ള​ജി ലാ​ബ് സ്ഥാ​പി​ക്കാ​നു​ള്ള ന​ട​പ​ടി​ക​ൾ വേ​ഗ​ത്തി​ലാ​ക്കും. ലാ​ബി​ലേ​ക്കു​ള്ള ജീ​വ​ന​ക്കാ​രെ നി​യ​മി​ക്കാ​നു​ള്ള അ​ഭി​മു​ഖം ആ​രം​ഭി​ച്ചു. ഏ​ഴ് ത​സ്തി​ക​ക​ളാ​ണു​ള്ള​ത്. മൈ​ക്രോ​ബ​യോ​ള​ജി വി​ഭാ​ഗ​ത്തി​ന് കീ​ഴി​ലു​ള്ള ലാ​ബി​ലേ​ക്ക് സ​യ​ന്‍റി​സ്റ്റ് മെ​ഡി​ക്ക​ല്‍ ആ​ന്‍ഡ് നോ​ണ്‍ മെ​ഡി​ക്ക​ല്‍, റി​സ​ര്‍ച് അ​സി​സ്റ്റ​ന്റ്, ലാ​ബ് ടെ​ക്നീ​ഷ്യ​ന്‍, ഡേ​റ്റ എ​ന്‍ട്രി ഓ​പ​റേ​റ്റ​ര്‍, മ​ള്‍ട്ടി ടാ​സ്‌​കി​ങ് സ്റ്റാ​ഫ് എ​ന്നി​വ​രെ​യാ​ണ് നി​യ​മി​ക്കു​ക. തു​ട​ർ​ന്ന് ജീ​വ​ന​ക്കാ​രു​ടെ നേ​തൃ​ത്വ​ത്തി​ൽ ലാ​ബി​ലേ​ക്ക് ആ​വ​ശ്യ​മാ​യ ഉ​പ​ക​ര​ണ​ങ്ങ​ൾ വാ​ങ്ങും. ഐ.​സി.​എം.​ആ​റി​ന്റെ നി​ർ​ദേ​ശം പാ​ലി​ച്ചാ​യി​രി​ക്കും ഇ​ത്. അ​ക്കാ​ദ​മി​ക കെ​ട്ടി​ട​ത്തി​ല്‍ സ​ജ്ജ​മാ​ക്കി​യ പി.​സി.​ആ​ര്‍ ലാ​ബി​നോ​ട് ചേ​ര്‍ന്നാ​ണ് വൈ​റോ​ള​ജി ലാ​ബി​നാ​യി സൗ​ക​ര്യം ഒ​രു​ക്കു​ക. പി.​സി.​ആ​ര്‍ ലാ​ബി​ന് എ​തി​ര്‍വ​ശ​ങ്ങ​ളി​ലു​ള്ള ക്ലാ​സ് മു​റി​ക​ളും അ​നു​ബ​ന്ധ മു​റി​ക​ളും പൊ​ളി​ച്ചു​നീ​ക്കും. സി​വി​ൽ, ഇ​ല​ക്ട്രി​ക്ക​ൽ വ​ർ​ക്കു​ക​ൾ ചെ​യ്യാ​നാ​യി പൊ​തു​മ​രാ​മ​ത്ത് വ​കു​പ്പി​നെ ചു​മ​ത​ല​പ്പെ​ടു​ത്തി. ലാ​ബി​നാ​യി 1.96 കോ​ടി രൂ​പ കേ​ന്ദ്ര സ​ർ​ക്കാ​ർ നേ​ര​ത്തേ അ​നു​വ​ദി​ച്ചി​രു​ന്നു. ആ​ദ്യ അ​ഞ്ച് വ​ർ​ഷം ഐ.​സി.​എം.​ആ​റി​ന്റെ നേ​തൃ​ത്വ​ത്തി​ലാ​യി​രി​ക്കും ലാ​ബി​ന്റെ പ്ര​വ​ർ​ത്ത​നം. ഒ​രു​മാ​സ​ത്തി​നു​ള്ളി​ൽ നി​ര്‍മാ​ണ പ്ര​വ​ര്‍ത്ത​നം ആ​രം​ഭി​ക്കാ​നാ​ണ് തീ​രു​മാ​നം. വൈ​റോ​ള​ജി ലാ​ബ് സ്ഥാ​പി​ക്കു​ന്ന​തി​നാ​യി സ​ര്‍ക്കാ​ര്‍ നി​യോ​ഗി​ച്ച വി​ദ​ഗ്ധ സ​മി​തി നേ​ര​ത്തേ സ്ഥ​ലം സ​ന്ദ​ര്‍ശി​ച്ചി​രു​ന്നു. മെ​ഡി​ക്ക​ൽ വി​ദ്യാ​ഭ്യാ​സ വ​കു​പ്പ് ജോ​യ​ന്റ് ഡ​യ​റ​ക്ട​റു​ടെ നി​ര്‍ദേ​ശ​ത്തെ തു​ട​ര്‍ന്ന് കോ​ഴി​ക്കോ​ട് മെ​ഡി​ക്ക​ല്‍ കോ​ള​ജി​ലെ പ്ര​ഫ. ഡോ. ​അ​നി​ത, തൃ​ശൂ​ർ മെ​ഡി​ക്ക​ൽ കോ​ള​ജി​ലെ അ​സോ​സി​യേ​റ്റ് പ്ര​ഫ. ഡോ. ​സു​ജാ​ത എ​ന്നി​വ​ര​ട​ങ്ങു​ന്ന സം​ഘ​മാ​ണ് ആ​ശു​പ​ത്രി​യി​ൽ എ​ത്തി​യ​ത്. സം​ശ​യ​ക​ര​മാ​യ വൈ​റ​സു​ക​ളു​ടെ പ​രി​ശോ​ധ​ന​ക്ക് നി​ല​വി​ൽ ആ​ല​പ്പു​ഴ, പു​ണെ വൈ​റോ​ള​ജി ലാ​ബി​ലേ​ക്കാ​ണ് സാ​മ്പി​ൾ ശേ​ഖ​രി​ച്ച് അ​യ​ക്കു​ന്ന​ത്. പു​തി​യ ലാ​ബ് ഒ​രു​ങ്ങു​ന്ന​തോ​ടെ നി​പ്പ, മ​ങ്കി​പ്പ​നി പോ​ലു​ള്ള മാ​ര​ക രോ​ഗ​ങ്ങ​ളു​ടെ വൈ​റ​സ് നി​ർ​ണ​യം ജി​ല്ല​യി​ൽ സാ​ധ്യ​മാ​കും.