നൂ​റോ​ളം സി.​സി.​ടി.​വി ദൃ​ശ്യ​ങ്ങ​ൾ പ​രി​ശോ​ധി​ച്ചു; ഒടുവിൽ അ​ന്ത​ർ ജി​ല്ല മോ​ഷ്ടാ​വ് പൊ​ലീ​സ് വ​ല​യി​ൽ

മ​ഞ്ചേ​രി: വി​വി​ധ ജി​ല്ല​ക​ളി​ൽ നി​ര​വ​ധി ക​വ​ർ​ച്ച, മോ​ഷ​ണ കേ​സു​ക​ളി​ൽ പ്ര​തി​യാ​യ തൃ​ശൂ​ർ സ്വ​ദേ​ശി​യെ പൊ​ലീ​സ്​ അ​റ​സ്റ്റ്​ ചെ​യ്തു. അ​ണ്ട​ത്തോ​ട് ചെ​റാ​യി തൊ​ട്ടു​ങ്ങ​ൽ ഷ​ജീ​റാ​ണ്​ (37)പി​ടി​യി​ലാ​യ​ത്. ക​ള​വു ന​ട​ത്താ​ൻ ആ​ഡം​ബ​ര വാ​ഹ​ന​ത്തി​ൽ വ​രു​ന്ന​തി​നി​ടെ തു​റ​ക്ക​ൽ ബൈ​പാ​സി​ൽ​നി​ന്നാ​ണ്​ അ​റ​സ്റ്റ്​ ചെ​യ്ത​ത്​. ജി​ല്ല​യി​ലെ വി​വി​ധ​യി​ട​ങ്ങ​ളി​ൽ രാ​ത്രി ആ​ൾ​താ​മ​സ​മി​ല്ലാ​ത്ത വീ​ടു​ക​ൾ കു​ത്തി​പ്പൊ​ളി​ച്ച്​ ആ​ഭ​ര​ണ​ങ്ങ​ളും പ​ണ​വും മ​റ്റും ക​വ​ർ​ന്ന കേ​സി​ൽ ഇ​യാ​ൾ പ്ര​തി​യാ​ണെ​ന്ന്​ പൊ​ലീ​സ്​ അ​റി​യി​ച്ചു. ജി​ല്ല പൊ​ലീ​സ് മേ​ധാ​വി​യു​ടെ നി​ർ​ദേ​ശ പ്ര​കാ​രം പ്ര​ത്യേ​ക അ​ന്വേ​ഷ​ണ സം​ഘം രൂ​പ​വ​ത്​​ക​രി​ച്ച്​ ന​ട​ത്തി​യ അ​ന്വേ​ഷ​ണ​ത്തി​ലാ​ണ് പ്ര​തി പി​ടി​യി​ലാ​യ​ത്.

2007 മു​ത​ൽ ഇ​യാ​ൾ ക​ള​വും ക​വ​ർ​ച്ച​യും ന​ട​ത്തി​വ​രു​ക​യാ​യി​രു​ന്നെ​ന്ന്​ പൊ​ലീ​സ്​ പ​റ​ഞ്ഞു. വി​വി​ധ സ്ഥ​ല​ങ്ങ​ളി​ൽ കു​റ​ഞ്ഞ കാ​ല​യ​ള​വി​ൽ വാ​ട​ക​ക്ക് താ​മ​സി​ച്ചാ​ണ്​ ക​വ​ർ​ച്ച ആ​സൂ​ത്ര​ണം ചെ​യ്തി​രു​ന്ന​ത്. തൊ​ട്ട​ടു​ത്തു​ള്ള ടൗ​ണി​ൽ ജോ​ലി​യെ​ന്ന്​ നാ​ട്ടു​കാ​രെ വി​ശ്വ​സി​പ്പി​ച്ച് കാ​റി​ലും ബൈ​ക്കി​ലും ക​റ​ങ്ങി​ന​ട​ന്ന്​ ആ​ൾ​താ​മ​സ​മി​ല്ലാ​ത്ത വീ​ടു​ക​ൾ ക​ണ്ടെ​ത്തി അ​ർ​ധ​രാ​ത്രി ക​ള​വ് ന​ട​ത്തു​ക​യാ​യി​രു​ന്നു രീ​തി.

പ്ര​തി​യി​ൽ​നി​ന്ന്, കാ​ർ, മോ​ട്ടോ​ർ സൈ​ക്കി​ൾ, 30 പ​വ​ൻ സ്വ​ർ​ണാ​ഭ​ര​ണ​ങ്ങ​ളും വെ​ള്ളി ആ​ഭ​ര​ണ​ങ്ങ​ളും വാ​ച്ചു​ക​ളും, ടാ​ബ് തു​ട​ങ്ങി​യ ക​ള​വു മു​ത​ലു​ക​ൾ ക​ണ്ടെ​ടു​ത്തു. സ്വ​ർ​ണാ​ഭ​ര​ണ​ങ്ങ​ൾ പ്ര​തി പ​ട്ടാ​മ്പി​യി​ലെ ജ്വ​ല്ല​റി​യി​ലും വാ​ച്ച്, കാ​മ​റ തു​ട​ങ്ങി​യ​വ പെ​രി​ന്ത​ൽ​മ​ണ്ണ​യി​ലു​ള്ള ഷോ​പ്പി​ലും വി​ൽ​പ​ന ന​ട​ത്തു​കയാണ്​ ചെയ്തതെന്ന്​ പൊലീസ്​ പറഞ്ഞു. . വ​ട​ക്കേ​ക്കാ​ട്, പെ​രു​മ്പ​ട​പ്പ്, പൊ​ന്നാ​നി, ചാ​വ​ക്കാ​ട്, ആ​ലു​വ, ഗു​രു​വാ​യൂ​ർ ക്ഷേ​ത്രം, പെ​രു​മ്പാ​വൂ​ർ, എ​റ​ണാ​കു​ളം നോ​ർ​ത്ത് തു​ട​ങ്ങി​യ സ്റ്റേ​ഷ​നു​ക​ളി​ലാ​യി അ​മ്പ​തോ​ളം ക​ള​വു കേ​സു​ക​ളി​ൽ ഇ​യാ​ൾ പ്ര​തി​യാ​ണ്.

വി​വി​ധ കോ​ട​തി​ക​ൾ പി​ടി​കി​ട്ടാ​പ്പു​ള്ളി​യാ​യി പ്ര​ഖ്യാ​പി​ച്ച​യാ​ളാ​ണ് പ്ര​തി. ജി​ല്ല പൊ​ലീ​സ് മേ​ധാ​വി കെ. ​സു​ജി​ത്ത് ദാ​സ്, എ.​എ​സ്.​പി ഷാ​ഹു​ൽ ഹ​മീ​ദ്, മ​ല​പ്പു​റം ഡി​വൈ.​എ​സ്.​പി പി.​എം. പ്ര​ദീ​പ് എ​ന്നി​വ​രു​ടെ നി​ർ​ദേ​ശ​പ്ര​കാ​രം മ​ഞ്ചേ​രി പൊ​ലീ​സ് ഇ​ൻ​സ്‌​പെ​ക്ട​ർ സി. ​അ​ല​വി​യു​ടെ നേ​തൃ​ത്വ​ത്തി​ൽ എ​സ്.​ഐ വി​വേ​ക്, പ്ര​ത്യേ​ക അ​ന്വേ​ഷ​ണ സം​ഘാം​ഗ​ങ്ങ​ളാ​യ അ​നീ​ഷ്‌ ചാ​ക്കോ, ദി​നേ​ഷ് ഇ​രു​പ്പ​ക്ക​ണ്ട​ൻ, മു​ഹ​മ്മ​ദ്‌ സ​ലീം പു​വ​ത്തി, പി. ​ഹ​രി​ലാ​ൽ, ആ​ർ. ഷ​ഹേ​ഷ്, അ​ബ്ദു​ൽ റ​ഷീ​ദ്, തൗ​ഫീ​ഖ് എ​ന്നി​വ​ർ അ​ട​ങ്ങി​യ സം​ഘ​മാ​ണ് പ്ര​തി​യെ പി​ടി​കൂ​ടി​യ​ത്.

പ​രി​ശോ​ധി​ച്ച​ത് നൂ​റോ​ളം സി.​സി.​ടി.​വി ദൃ​ശ്യ​ങ്ങ​ൾ

ജി​ല്ല​യെ വി​റ​പ്പി​ച്ച മോ​ഷ്ടാ​വി​നെ പി​ടി​കൂ​ടാ​ൻ പൊ​ലീ​സ് പ​രി​ശോ​ധി​ച്ച​ത് നൂ​റോ​ളം സി.​സി.​ടി.​വി ദൃ​ശ്യ​ങ്ങ​ൾ. വെ​ള്ളി​ല യു.​കെ പ​ടി​യി​ലെ വാ​ട​ക ക്വാ​ർ​ട്ടേ​ഴ്സി​ൽ താ​മ​സി​ച്ചി​രു​ന്ന പ്ര​തി അ​ർ​ധ​രാ​ത്രി ഒ​രു​മ​ണി​യോ​ടെ വീ​ട്ടി​ൽ നി​ന്ന്​ ഇ​റ​ങ്ങി മൂ​ന്ന​ര​യോ​ടെ തി​രി​ച്ചെ​ത്തു​ന്ന രീ​തി​യി​ലാ​ണ്​ മോ​ഷ​ണം ആ​സൂ​ത്ര​ണം ചെ​യ്തി​രു​ന്ന​ത്.

ഈ ​സ​മ​യ​ങ്ങ​ളി​ലെ സി.​സി.​ടി.​വി ദൃ​ശ്യ​ങ്ങ​ളാ​ണ് പൊ​ലീ​സ് പ്ര​ധാ​ന​മാ​യും പ​രി​ശോ​ധി​ച്ച​ത്. ക​ഴി​ഞ്ഞ 25ന് ​മ​ല​പ്പു​റം റോ​ഡി​ൽ 22-ാം മൈ​ലി​ലെ ആ​ളി​ല്ലാ​ത്ത വീ​ട്ടി​ൽ ന​ട​ന്ന മോ​ഷ​ണ​ത്തി​ൽ തൊ​ട്ട​ടു​ത്തു​ള്ള ക​ട​യി​ൽ നി​ന്ന്​ ഇ​യാ​ൾ എ​ത്തു​ന്ന ദൃ​ശ്യ​ങ്ങ​ൾ ല​ഭി​ച്ചി​രു​ന്നു. തു​ട​ർ​ന്ന് മ​ല​പ്പു​റം റോ​ഡി​ലെ​യും ആ​ന​ക്ക​യ​ത്തെ​യും നി​ര​വ​ധി സ്ഥാ​പ​ന​ങ്ങ​ളി​ലെ ദൃ​ശ്യ​ങ്ങ​ൾ പൊ​ലീ​സ് പ​രി​ശോ​ധി​ച്ചു. രാ​ത്രി മൂ​ന്ന​ര​യോ​ടെ ഈ ​ക്വാ​ർ​ട്ടേ​ഴ്സി​ലേ​ക്ക് ബൈ​ക്കി​ൽ എ​ത്തു​ന്ന ദൃ​ശ്യ​ങ്ങ​ൾ ല​ഭി​ച്ച​തോ​ടെ​യാ​ണ് പൊ​ലീ​സി​ന്​ പ്ര​തി​യെ​ക്കു​റി​ച്ച് വി​വ​രം ല​ഭി​ച്ച​ത്. ആ​ഴ്ച​ക​ളാ​യി ന​ട​ത്തി​യ അ​ന്വേ​ഷ​ണ​ത്തി​നൊടുവിലാണ്​ പ്ര​തി പി​ടി​യി​ലാ​യ​ത്.

തു​മ്പു​ണ്ടാ​യ​ത്​ നി​ര​വ​ധി കേ​സു​ക​ൾ​ക്ക്​

തൃ​ശൂ​ർ സ്വ​ദേ​ശി ഷ​ജീ​റി​നെ പി​ടി​കൂ​ടി​യ​തോ​ടെ തു​മ്പു​ണ്ടാ​യ​ത് നി​ര​വ​ധി കേ​സു​ക​ൾ​ക്ക്. മ​ഞ്ചേ​രി​യി​ലെ നി​ര​വ​ധി സ്ഥ​ല​ങ്ങ​ളി​ലാ​ണ് ഇ​യാ​ൾ മോ​ഷ​ണം ന​ട​ത്തി​യ​ത്. ക​ഴി​ഞ്ഞ 25ന് ​പു​ല​ർ​ച്ച മ​ഞ്ചേ​രി 22-ാം മൈ​ലി​ലു​ള്ള വീ​ട്ടി​ൽ​നി​ന്ന് 30 പ​വ​നും അ​ര​ല​ക്ഷം രൂ​പ​യും ക​വ​ർ​ന്ന ഇ​യാ​ൾ മ​ഞ്ചേ​രി മു​ള്ള​മ്പാ​റ റോ​ഡി​ൽ ജ​ഡ്ജി​യു​ടെ വീ​ട് കു​ത്തി​പ്പൊ​ളി​ച്ചും ക​വ​ർ​ച്ച ന​ട​ത്തി.

ക​ഴി​ഞ്ഞ ഫെ​ബ്രു​വ​രി 17ന് ​വാ​യ്പാ​റ​പ്പ​ടി മു​ര​ളീ​ധ​ര​ന്‍റെ വീ​ട്ടി​ൽ ന​ട​ന്ന ക​വ​ർ​ച്ച, മ​ഞ്ചേ​രി തു​റ​ക്ക​ലി​ൽ ഡോ. ​സു​ലൈ​ഖ​യു​ടെ വീ​ട്ടി​ലെ മോ​ഷ​ണം, മ​ല​ബാ​ർ ആ​ശു​പ​ത്രി​ക്ക് അ​ടു​ത്തു​ള്ള പ​ത്മാ​ല​യം വീ​ട്ടി​ൽ ശ​ശി​യു​ടെ വീ​ട്ടി​ലെ മോ​ഷ​ണം തു​ട​ങ്ങി​യ കേ​സു​ക​ളി​ലും തു​മ്പാ​യി.

ക​ഴി​ഞ്ഞ വ​ർ​ഷം മ​ഞ്ചേ​രി മേ​ലാ​ക്കം, കി​ഴ​ക്കേ പു​ത്ത​ൻ​പു​ര​ക്ക​ൽ ര​മേ​ശ​ന്‍റെ വീ​ട്ടി​ൽ​നി​ന്ന് ഏ​ഴ​ര പ​വ​നും, 2020 ഒ​ക്ടോ​ബ​റി​ൽ മ​ങ്ക​ട മ​ണി​യ​റ​യി​ൽ വീ​ട്ടി​ൽ ജി​ൻ​ഷാ​ദി​ന്‍റെ വീ​ട്ടി​ൽ നി​ന്ന് ഏ​ഴ​ര പ​വ​നും ക​ട​ന്ന​മ​ണ്ണ പ​ള്ളി​യാ​ലി​ൽ അ​ബ്ദു​ൽ റ​ഷീ​ദി​ന്‍റെ വീ​ട്ടി​ൽ നി​ന്ന് ഒ​രു പ​വ​നും ക​വ​ർ​ന്ന കേസിലും ഇയാൾ പ്രതിയാണ്​.