മെ​ഡി​ക്ക​ൽ കോ​ള​ജി​ലെ ആം​ബു​ല​ൻ​സ് മൂ​ന്നു​മാ​സ​മാ​യി ക​ട്ട​പ്പു​റ​ത്ത്

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ ആം​ബു​ല​ൻ​സ് ത​ക​രാ​റി​ലാ​യി​ട്ട് മൂ​ന്ന് മാ​സം. രോ​ഗി​യു​മാ​യി പോ​കു​മ്പോ​ൾ അ​പ​ക​ട​ത്തി​ൽ​പ്പെ​ട്ട​തോ​ടെ​യാ​ണ് വാ​ഹ​നം കേ​ടു​വ​ന്ന​ത്. ആ​ദി​വാ​സി​ക​ൾ, ഗ​ർ​ഭി​ണി​ക​ൾ, കു​ട്ടി​ക​ൾ, അ​നാ​ഥ​ർ തു​ട​ങ്ങി​യ​വ​ർ​ക്ക് മ​റ്റു ആ​ശു​പ​ത്രി​ക​ളി​ലേ​ക്ക് റ​ഫ​ർ ചെ​യ്യ​പ്പെ​ടു​മ്പോ​ൾ സൗ​ജ​ന്യ സേ​വ​നം ല​ഭി​ച്ചി​രു​ന്നു. ആ​രോ​ഗ്യ പ്ര​വ​ർ​ത്ത​ക​ർ മെ​ഡി​ക്ക​ൽ ക്യാ​മ്പു​ക​ൾ​ക്കാ​യി സ​ഞ്ച​രി​ച്ചി​രു​ന്ന​തും ഈ ​വാ​ഹ​ന​ത്തി​ലാ​യി​രു​ന്നു. ഇ​തി​ന്റെ സേ​വ​നം മു​ട​ങ്ങി​യ​തോ​ടെ വ​ലി​യ പ്ര​യാ​സ​മാ​ണ് നേ​രി​ടു​ന്ന​ത്.

ക​ഴി​ഞ്ഞ സെ​പ്റ്റം​ബ​ർ 10ന് ​കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ലേ​ക്ക് രോ​ഗി​യെ കൊ​ണ്ടു പോ​കു​മ്പോ​ൾ കു​റ്റി​ക്കാ​ട്ടൂ​രി​ലാ​ണ് വാ​ഹ​നം അ​പ​ക​ട​ത്തി​ൽ​പ്പെ​ട്ട​ത്. ന​ന്നാ​ക്കാ​ൻ വാ​ഹ​നം മ​ഞ്ചേ​രി തു​റ​ക്ക​ലി​ലെ വ​ർ​ക്ക് ഷോ​പ്പി​ലെ​ത്തി​ക്കു​ക​യും ചെ​യ്തു. എ​ന്നാ​ൽ ആം​ബു​ല​ൻ​സ് ന​ന്നാ​ക്കാ​ൻ സ​ർ​ക്കാ​ർ വ്യ​വ​സ്‌​ഥ​ക​ൾ അ​നു​സ​രി​ച്ചു​ള്ള ക​ട​ലാ​സ് ജോ​ലി​കൾ വൈ​കു​ക​യാ​ണ്.

സ​ർ​ക്കാ​ർ ന​ട​പ​ടി പൂ​ർ​ത്തി​യാ​കാ​ത്ത​തി​നാ​ൽ വ​ർ​ക് ഷോ​പ്പി​ന് പു​റ​ത്ത് മ​ഴ​യും വെ​യി​ലു​മേ​ൽ​ക്കു​ക​യാ​ണ് വാ​ഹ​നം. നി​ല​വി​ൽ എം.​എ​ൽ.​എ ഫ​ണ്ടി​ൽ നി​ന്ന് അ​നു​വ​ദി​ച്ച ഐ.​സി.​യു ആം​ബു​ല​ൻ​സും മി​നി വാ​നു​മാ​ണ് ആ​ശു​പ​ത്രി​യി​ലു​ള്ള​ത്. ആം​ബു​ല​ൻ​സി​ന്റെ കേ​ടു​പാ​ടു​ക​ൾ തീ​ർ​ക്കാ​ൻ ക​ട​ലാ​സു​ജോ​ലി​ക​ൾ പൂ​ർ​ത്തി​യാ​യെ​ന്നും അ​ടു​ത്തു​ത​ന്നെ അ​റ്റ​കു​റ്റ​പ്പണി ന​ട​ത്തു​മെ​ന്നും ആ​ശു​പ​ത്രി അ​ധി​കൃ​ത​ർ അ​റി​യി​ച്ചു.