കു​ടി​വെ​ള്ള​ത്തി​ന് അ​ല​ഞ്ഞ് തൃ​ക്ക​ല​ങ്ങോ​ട് പ​ഞ്ചാ​യ​ത്ത്

മ​ഞ്ചേ​രി: വേ​ന​ൽ ക​ടു​ത്ത​തോ​ടെ തൃ​ക്ക​ല​ങ്ങോ​ട് ഗ്രാ​മ​പ​ഞ്ചാ​യ​ത്തിൽ അ​തി​രൂ​ക്ഷ​മാ​യ കു​ടി​വെ​ള്ള ക്ഷാ​മം. കി​ണ​റു​ക​ളി​ലും മ​റ്റ് ജ​ലാ​ശ​യ​ങ്ങ​ളി​ലും ജ​ല​നി​ര​പ്പ് താ​ഴ്ന്ന​തോ​ടെ കു​ടി​വെ​ള്ള​ത്തി​നാ​യി നെ​ട്ടോ​ട്ട​മോ​ടു​ക​യാ​ണ് ജ​നം. വീ​ട്ടാ​വ​ശ്യ​ത്തി​നാ​യി ഗു​ഡ്സ് വാ​ഹ​ന​ങ്ങ​ളി​ൽ വീ​ട്ടി​ലെ ടാ​ങ്കി​ലേ​ക്ക് വെ​ള്ളം അ​ടി​ച്ചാ​ണ് ഓ​രോ ദി​വ​സ​വും ത​ള്ളി നീ​ക്കു​ന്ന​ത്. വേ​ന​ൽ മ​ഴ​യി​ലും കു​റ​വ് വ​ന്ന​തോ​ടെ വ​ലി​യ പ്ര​യാ​സ​മാ​ണ് സൃ​ഷ്ടി​ക്കു​ന്ന​ത്. വെ​ള്ള​മി​ല്ലാ​ത്ത​തി​നാ​ൽ ഗ്രാ​മ​പ​ഞ്ചാ​യ​ത്തി​ലെ പ​ല കു​ടി​വെ​ള്ള പ​ദ്ധ​തി​ക​ളും നി​ല​ച്ച മ​ട്ടാ​ണ്. ജ​ല​ക്ഷാ​മം നേ​രി​ടു​ന്ന പ​ഞ്ചാ​യ​ത്തി​ന്റെ വി​വി​ധ ഭാ​ഗ​ങ്ങ​ളി​ൽ ടാ​ങ്ക​റു​ക​ളി​ൽ വെ​ള്ള​മെ​ത്തി​ക്കു​ന്നു​ണ്ട്. എ​ന്നാ​ൽ ഓ​രോ ദി​വ​സ​വും കൂ​ടു​ത​ൽ സ്ഥ​ല​ങ്ങ​ളി​ലേ​ക്ക് വെ​ള്ളം ആ​വ​ശ്യ​മാ​യി വ​രി​ക​യാ​ണ്.

പു​ളി​ങ്ങോ​ട്ടു​പു​റം, കു​തി​രാ​ടം പ്ര​ദേ​ശ​ത്തെ ര​ണ്ട് കു​ടി​വെ​ള്ള പ​ദ്ധ​തി​യു​ടെ വൈ​ദ്യു​തി ചാ​ർ​ജ് ഗു​ണ​ഭോ​ക്താ​ക്ക​ൾ അ​ട​ക്കാ​ത്ത​തു മൂ​ലം കെ.​എ​സ്.​ഇ.​ബി ക​ണ​ക്ഷ​ൻ ഒ​ഴി​വാ​ക്കി. വോ​ൾ​ട്ടേ​ജ് ക്ഷാ​മം മൂ​ലം 100 പൊ​തു​ടാ​പ്പു​ക​ളു​ള്ള കാ​ര​ക്കു​ന്ന് കു​ടി​വെ​ള്ള പ​ദ്ധ​തി, പൂ​വ​ത്തി​ക്കു​ണ്ട്, ചാ​ര​ങ്കാ​വ്, ആ​ലും​കു​ണ്ട് കു​ടി​വെ​ള്ള പ​ദ്ധ​തി​ക​ളു​ടെ​യും പ്ര​വ​ർ​ത്ത​നം ഭാ​ഗി​ക​മാ​യി ത​ട​സ്സ​പ്പെ​ടു​ന്നു​ണ്ട്. മോ​ട്ടോ​ർ ത​ക​രാ​ർ മൂ​ലം പ​ഞ്ചാ​യ​ത്ത്‌ ഫ​ണ്ട്‌ വ​ക​യി​രു​ത്തി​യി​ട്ടും തെ​ര​ഞ്ഞെ​ടു​പ്പ് പെ​രു​മാ​റ്റം ച​ട്ടം മൂ​ലം പ്ര​വൃ​ത്തി ന​ട​ത്താ​നും സാ​ധി​ക്കു​ന്നി​ല്ല. തൃ​ക്ക​ല​ങ്ങോ​ട്, പാ​ണ്ടി​ക്കാ​ട്, പോ​രൂ​ർ പ​ഞ്ചാ​യ​ത്തു​ക​ളി​ലെ കു​ടി​വെ​ള്ള പ്ര​ശ്നം പ​രി​ഹ​രി​ക്കാ​ൻ ആ​രം​ഭി​ച്ച ജ​ൽ ജീ​വ​ൻ മി​ഷ​ൻ കു​ടി​വെ​ള്ള പ​ദ്ധ​തി​യു​ടെ പൈ​പ്പ് ലൈ​ൻ സ്ഥാ​പി​ക്ക​ൽ തൃ​ക്ക​ല​ങ്ങോ​ട്ടി​ൽ പു​രോ​ഗ​മി​ക്കു​ക​യാ​ണ്. ഗ്രാ​മ​പ​ഞ്ചാ​യ​ത്ത്‌ 60 ല​ക്ഷം രൂ​പ​ക്ക് വാ​ങ്ങി​യ 11.5 ഏ​ക്ക​ർ ഭൂ​മി​യി​ൽ 31 എം.​എ​ൽ.​ഡി പാ​ന്റി​ന്റെ ശി​ലാ​സ്ഥാ​പ​നം അ​ടു​ത്ത മാ​സം എ​ട്ടി​ന് ജ​ല വി​ഭ​വ വ​കു​പ്പ് മ​ന്ത്രി റോ​ഷി അ​ഗ​സ്റ്റി​ൻ നി​ർ​വ​ഹി​ക്കും.

പ്ലാ​ന്റി​ന് 60 കോ​ടി​യും പ​ഞ്ചാ​യ​ത്തി​ൽ പൈ​പ്പ് ലൈ​ൻ സ്ഥാ​പി​ക്കാ​ൻ 112 കോ​ടി​യു​മാ​ണ് വ​ക​യി​രു​ത്തി​ട്ടു​ള്ള​ത്. പാ​ണ്ടി​ക്കാ​ട്, പോ​രൂ​ർ പ​ഞ്ചാ​യ​ത്തു​ക​ൾ ടാ​ങ്കു​ക​ൾ​ക്കാ​വ​ശ്യ​മാ​യ ഭൂ​മി ഇ​നി​യും കൈ​മാ​റാ​ത്ത​തു പ​ദ്ധ​തി​യു​ടെ പൂ​ർ​ത്തീ​ക​ര​ണ​ത്തി​ന് ത​ട​സ്സ​മാ​വു​ന്നു​ണ്ട്. ജ​ൽ ജീ​വ​ൻ മി​ഷ​ൻ പ​ദ്ധ​തി പൂ​ർ​ത്തി​യാ​കു​ന്ന​തോ​ടെ പ​ഞ്ചാ​യ​ത്തി​ലെ മു​ഴു​വ​ൻ വീ​ടു​ക​ളി​ലേ​ക്കും വെ​ള്ളം എ​ത്തി​ക്കാ​നാ​കു​മെ​ന്നാ​ണ് പ്ര​തീ​ക്ഷി​ക്കു​ന്ന​തെ​ന്ന് പ​ഞ്ചാ​യ​ത്ത് പ്ര​സി​ഡ​ന്റ് എ​ൻ.​പി. ഷാ​ഹി​ദ മു​ഹ​മ്മ​ദ് പ​റ​ഞ്ഞു.