ആനക്കയം പാറക്കടവിൽ കുളിക്കാനിറങ്ങിയ ഒരാളെ കാണാതായി, സുഹൃത്ത്​ നീന്തിരക്ഷപ്പെട്ടു

മ​ഞ്ചേ​രി: ആ​ന​ക്ക​യം പു​ള്ളി​യി​ല​ങ്ങാ​ടി പാ​റ​ക്ക​ട​വി​ൽ കു​ളി​ക്കാ​നി​റ​ങ്ങി​യ സു​ഹൃ​ത്തു​ക്ക​ളി​ൽ ഒ​രാ​ളെ കാ​ണാ​താ​യി. മ​റ്റൊ​രാ​ൾ നീ​ന്തി ര​ക്ഷ​പ്പെ​ട്ടു.

കോ​ഴി​ക്കോ​ട് തി​രു​വ​ണ്ണൂ​ർ ത​യ്യി​ൽ ഇ​ൽ​ത്താ​സി​നെ​യാ​ണ് (35) കാ​ണാ​താ​യ​ത്. എ​ട​വ​ണ്ണ സ്വ​ദേ​ശി വ​ളാ​പ​റ​മ്പി​ൽ അ​ബ്ദു​ൽ ജ​ഷീ​ലാ​ണ് (27) ര​ക്ഷ​പ്പെ​ട്ട​ത്. തി​ങ്ക​ളാ​ഴ്ച വൈ​കീ​ട്ട് അ​ഞ്ചോ​ടെ​യാ​ണ് ഇ​രു​വ​രും കു​ളി​ക്കാ​ൻ ക​ട​വി​ലെ​ത്തി​യ​ത്. പു​ഴ​യു​ടെ മ​റു​ക​ര​യി​ലേ​ക്ക് ഒ​ന്നി​ച്ച് നീ​ന്തു​ന്ന​തി​നി​ടെ ന​ടു​വി​ൽ​നി​ന്ന്​ ഇ​ൽ​ത്താ​സ് ഒ​ഴു​ക്കി​ൽ​പെ​ടു​ക​യാ​യി​രു​ന്നു. ഇ​ൽ​ത്താ​സി​നെ ര​ക്ഷ​പ്പെ​ടു​ത്താ​ൻ ജ​ഷീ​ൽ ശ്ര​മി​ച്ചെ​ങ്കി​ലും വെ​ള്ള​ത്തി​ൽ താ​ഴ്ന്നു. നാ​ട്ടു​കാ​രും അ​ഗ്​​നി​ര​ക്ഷാ​സേ​ന ഉ​ദ്യോ​ഗ​സ്ഥ​രും ഏ​റെ നേ​രം തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല.

ര​ണ്ടാ​ൾ പൊ​ക്കം വെ​ള്ള​വും ന​ല്ല ഒ​ഴു​ക്കു​മു​ള്ള സ്ഥ​ല​മാ​ണെ​ന്ന് നാ​ട്ടു​കാ​ർ പ​റ​യു​ന്നു. മു​ങ്ങ​ൽ വി​ദ​ഗ്ധ​രും ട്രോ​മ​കെ​യ​ർ, സി​വി​ൽ ഡി​ഫ​ൻ​സ് അം​ഗ​ങ്ങ​ളും സ്ഥ​ല​ത്തെ​ത്തി​യി​രു​ന്നു. മ​ഞ്ചേ​രി, മ​ല​പ്പു​റം യൂ​നി​റ്റി​ലെ അ​ഗ്​​നി​ര​ക്ഷാ​സേ​നാം​ഗ​ങ്ങ​ളും ക​ട​വി​ലെ​ത്തി ര​ക്ഷാ​പ്ര​വ​ർ​ത്ത​നം ന​ട​ത്തി. ക​രു​വ​മ്പ്ര​ത്തെ വാ​ട​ക ക്വാ​ർ​ട്ടേ​ഴ്സി​ലാ​ണ് ഇ​വ​ർ താ​മ​സി​ച്ചി​രു​ന്ന​ത്. ഈ ​വീ​ട്ടി​ൽ​നി​ന്ന്​ മു​ള്ള​മ്പാ​റ​യി​ലെ മ​റ്റൊ​രു വീ​ട്ടി​ലേ​ക്ക് താ​മ​സം മാ​റു​ന്ന​തി​ന്​ സാ​ധ​ന​ങ്ങ​ൾ കൊ​ണ്ടു​പോ​യി​രു​ന്നു. തു​ട​ർ​ന്നാ​ണ് കു​ളി​ക്കാ​ൻ ക​ട​വി​ലേ​ക്ക് പോ​യ​ത്. ഇ​തി​നി​ടെ​യാ​ണ് അ​പ​ക​ടം സം​ഭ​വി​ച്ച​ത്.

എ​ട്ട​ര​യോ​ടെ തി​ര​ച്ചി​ലി​നി​ടെ കാ​ലി​ൽ ത​ട​ഞ്ഞ​താ​യി നാ​ട്ടു​കാ​ർ അ​റി​യി​ച്ച​തോ​ടെ മു​ങ്ങ​ൽ വി​ദ​ഗ്ധ​രു​ടെ സേ​വ​നം പ്ര​യോ​ജ​ന​പ്പെ​ടു​ത്തി തി​ര​ഞ്ഞെ​ങ്കി​ലും ക​ണ്ടെ​ത്താ​നാ​യി​ല്ല. ഇ​ൽ​ത്താ​സി​നെ അ​ടു​ത്തി​ടെ​യാ​ണ് പ​രി​ച​യ​പ്പെ​ട്ട​തെ​ന്ന് ജ​ഷീ​ൽ പ​റ​യു​ന്നു. രാ​ത്രി ഒ​മ്പ​തോ​ടെ തി​ര​ച്ചി​ൽ അ​വ​സാ​നി​പ്പി​ച്ചു. ചൊ​വ്വാ​ഴ്ച​യും തി​ര​ച്ചി​ൽ തു​ട​രും.