മങ്ങാട്ടുപുലം-ഹാജിയാര്‍പള്ളി തൂക്കുപാലം; പ്രവൃത്തികൾ ഈ ആഴ്ച തുടങ്ങും

മ​ല​പ്പു​റം: 2019ലെ ​പ്ര​ള​യ​ത്തി​ല്‍ ത​ക​ര്‍ന്ന ഹാ​ജി​യാ​ര്‍പ​ള്ളി-​മ​ങ്ങാ​ട്ടു​പു​ലം തൂ​ക്കു​പാ​ലം പു​ന​ര്‍നി​ര്‍മാ​ണ പ്ര​വൃ​ത്തി​ക​ൾ ഈ ​ആ​ഴ്ച തു​ട​ങ്ങും. ഇ​തി​നു​ള്ള ന​ട​പ​ടി​ക​ൾ തു​ട​ങ്ങി. ആ​ദ്യ​ഘ​ട്ട​ത്തി​ൽ ക​ട​ലു​ണ്ടി​പു​ഴ​യി​ൽ പൈ​ലി​ങ്ങാകും ആ​രം​ഭി​ക്കു​ക. നി​ർ​മാ​ണ സാ​മ​ഗ്രി​ക​ൾ എ​ത്തു​ന്ന​തോ​ടെ പ്ര​വൃ​ത്തി​ക​ൾ​ക്ക് തു​ട​ക്ക​മാ​കും. സ്റ്റീ​ൽ ഇ​ൻ​ഡ​സ്ട്രി​യ​ൽ​സ് കേ​ര​ള ലി​മി​റ്റ​ഡി(​സി​ൽ​ക്)​നാ​ണ് പ്ര​വൃ​ത്തി​യു​ടെ ഏ​ജ​ൻ​സി.

3.05 കോ​ടി​ക്കാ​ണ് പ​ദ്ധ​തി ന​ട​പ്പാ​ക്കു​ന്ന​ത്. പാ​ലം ത​ക​ർ​ന്ന് അ​ഞ്ച് വ​ർ​ഷ​ത്തി​ലേ​ക്ക് ക​ട​ക്കു​മ്പോ​ഴാ​ണ് നി​ർ​മാ​ണം യാ​ഥാ​ർ​ഥ്യ​മാ​കു​ന്ന​ത്. 2023 മേ​യി​ൽ മ​ന്ത്രി വി.​അ​ബ്ദു​റ​ഹ്മാ​ൻ പ്ര​വൃ​ത്തി​യു​ടെ പു​ന​ർ​നി​ർ​മാ​ണ​ത്തി​ന് ത​റ​ക്ക​ലി​ട്ടി​രു​ന്നു. പ​ദ്ധ​തി​ക്ക് ആ​ദ്യ​ഘ​ട്ട​ത്തി​ൽ 75 ല​ക്ഷ​മാ​ണ്​ അ​നു​വ​ദി​ച്ചി​രു​ന്ന​ത്. ഇ​ത്​ പി​ന്നീ​ട്​ 1.25 കോ​ടി​യാ​യി വ​ർ​ധി​പ്പി​ച്ചു. എ​സ്റ്റി​മേ​റ്റ്​ തു​ക ഇ​തി​നെ​ക്കാ​ൾ അ​ധി​ക​മാ​യി​രു​ന്നു. ബാ​ക്കി തു​ക ക​ണ്ടെ​ത്താ​നാ​കി​ല്ലെ​ന്ന്​ ത​ദ്ദേ​ശ​സ്ഥാ​പ​ന​ങ്ങ​ൾ സ​ർ​ക്കാ​റി​നെ അ​റി​യി​ച്ചി​രു​ന്നു.

തു​ട​ർ​ന്നാ​ണ്​ 2.31 കോ​ടി രൂ​പ​യും പി​ന്നീ​ട്​ 2.65 കോ​ടി​യാ​യും ഉ​യ​ർ​ത്തി​യ​ത്. 2022 ഡി​സം​ബ​റി​ൽ തു​ക വ​ർ​ധി​പ്പി​ച്ച് 3.05 കോ​ടി​യാ​ക്കി. ഇ​താ​ണ്​ 3.05 കോ​ടി​യാ​യി വീ​ണ്ടും വ​ർ​ധി​പ്പി​ച്ച​ത്. മു​ഖ്യ​മ​ന്ത്രി​യു​ടെ ത​ദ്ദേ​ശ​റോ​ഡ്​ പു​ന​രു​ദ്ധാ​ര​ണ പ​ദ്ധ​തി(​സി.​എം.​എ​ൽ.​ആ​ർ.​ആ​ർ.​പി) യി​ൽ ഉ​ൾ​പ്പെ​ടു​ത്തി​യാ​ണ് പ്ര​വൃ​ത്തി ന​ട​ത്തു​ന്ന​ത്. പാ​ലം പു​ന​ർ​നി​ർ​മി​ക്കു​ന്ന​തോ​ടെ പ്ര​ദേ​ശ​​ത്തു​കാ​രു​​ടെ കാ​ത്തി​രി​പ്പി​നാ​ണ്​ അ​റു​തി​യാ​കു​ന്ന​തെ​ന്ന്​ തൂ​ക്കു​പാ​ലം പു​ന​രു​ദ്ധാ​ര​ണ ക​മ്മി​റ്റി ചെ​യ​ർ​മാ​ൻ സി.​പി. അ​ഷ്​​റ​ഫ്​ അ​റി​യി​ച്ചു.

ജ​ന​കീ​യാ​സൂ​ത്ര​ണ പ​ദ്ധ​തി​യി​ൽ ഉ​ൾ​പ്പെ​ടു​ത്തി സ്വാ​ത​ന്ത്ര്യ സു​വ​ർ​ണ ജൂ​ബി​ലി സ്മാ​ര​ക​മാ​യി 1997ലാ​ണ്​ പാ​ലം നി​ർ​മി​ച്ച​ത്. കോ​ഡൂ​ർ പ​ഞ്ചാ​യ​ത്തി​ലെ മ​ങ്ങാ​ട്ടു​പു​ല​ത്തെും മ​ല​പ്പു​റം ന​ഗ​ര​സ​ഭ​യി​ലെ ഹാ​ജി​യാ​ർ പ​ള്ളി​യെ​യും ബ​ന്ധി​പ്പി​ക്കു​ന്ന​താ​ണ്​ തൂ​ക്കു​പാ​ലം