Top
Begin typing your search above and press return to search.
exit_to_app
exit_to_app
manjeri medical college
cancel
Homechevron_rightNewschevron_rightLocal Newschevron_rightMalappuramchevron_rightManjerichevron_rightസൂചന പണിമുടക്കിൽ...

സൂചന പണിമുടക്കിൽ പങ്കെടുത്ത മെഡിക്കൽ കോളജ്​ നഴ്സുമാർക്ക് കാരണംകാണിക്കൽ നോട്ടീസ്

text_fields
bookmark_border

മ​ഞ്ചേ​രി: ഗ​വ. മെ​ഡി​ക്ക​ൽ കോ​ള​ജ്​ ആ​ശു​പ​ത്രി​യി​ൽ കോ​വി​ഡ് ബ്രി​ഗേ​ഡി​ൽ ജോ​ലി ചെ​യ്യു​ന്ന ന​ഴ്സു​മാ​ർ​ക്ക് സ​ർ​ക്കാ​ർ നി​ർ​ദേ​ശി​ച്ച ശ​മ്പ​ളം ല​ഭി​ക്കാ​ത്ത​തി​ൽ പ്ര​തി​ഷേ​ധി​ച്ച് ക​ഴി​ഞ്ഞ ദി​വ​സം ന​ട​ത്തി​യ സൂ​ച​ന പ​ണി​മു​ട​ക്കി​ൽ പ​ങ്കെ​ടു​ത്ത​വ​ർ​ക്ക് കാ​ര​ണം​കാ​ണി​ക്ക​ൽ നോ​ട്ടീ​സ്. സ്​​റ്റാ​ഫ് ന​ഴ്സ് ത​സ്തി​ക​യി​ൽ ദി​വ​സ​വേ​ത​നാ​ടി​സ്ഥാ​ന​ത്തി​ൽ ജോ​ലി ചെ​യ്യു​ന്ന 57 പേ​ർ​ക്കാ​ണ് ആ​ശു​പ​ത്രി സൂ​പ്ര​ണ്ട് നോ​ട്ടീ​സ് ന​ൽ​കി​യ​ത്. മൂ​ന്നു ദി​വ​സ​ത്തി​ന​കം വി​ശ​ദീ​ക​ര​ണം ന​ൽ​ക​ണ​മെ​ന്നും നോ​ട്ടീ​സി​ൽ പ​റ​യു​ന്നു.

യു​നൈ​റ്റ​ഡ് ന​ഴ്സ​സ് അ​സോ​സി​യേ​ഷ​െൻറ നേ​തൃ​ത്വ​ത്തി​ലാ​ണ് ജീ​വ​ന​ക്കാ​ർ ഫെ​ബ്രു​വ​രി 26ന് ​ഉ​ച്ച​ക്ക് 12.30 മു​ത​ൽ 2.30 വ​രെ പ​ണി​മു​ട​ക്കി​യ​ത്. ക​ഴി​ഞ്ഞ നാ​ലു മാ​സ​മാ​യി ന​ൽ​കാ​നു​ള്ള കോ​വി​ഡ് അ​ല​വ​ൻ​സ് ന​ൽ​കു​ക, സു​പ്രീം​കോ​ട​തി നി​ർ​ദേ​ശ പ്ര​കാ​ര​മു​ള്ള മി​നി​മം വേ​ത​നം എ​ൻ.​എ​ച്ച്.​എം മേ​ഖ​ല​യി​ലും ന​ട​പ്പാ​ക്കു​ക എ​ന്നി​വ​യാ​യി​രു​ന്നു ആ​വ​ശ്യ​ങ്ങ​ൾ. പ​ണി​മു​ട​ക്കി​െൻറ ഭാ​ഗ​മാ​യി പ​ഴ​യ ബ​സ് സ്​​റ്റാ​ൻ​ഡ് പ​രി​സ​ര​ത്തു​നി​ന്ന്​ മെ​ഡി​ക്ക​ൽ കോ​ള​ജി​ലേ​ക്ക് പ്ര​തി​ഷേ​ധ കാ​ൽ​ന​ട ജാ​ഥ​യും ന​ട​ത്തി.

എ​ന്നാ​ൽ, ആ​ശു​പ​ത്രി​യു​ടെ സു​ഗ​മ​മാ​യ പ്ര​വ​ർ​ത്ത​ന​ത്തി​ന് ത​ട​സ്സം വ​രു​ത്തു​ന്ന രീ​തി​യി​ൽ കോ​മ്പൗ​ണ്ടി​ന​ക​ത്ത് പ്ര​ക​ട​നം ന​ട​ത്തു​ക​യും സ​മൂ​ഹ മാ​ധ്യ​മ​ങ്ങ​ളി​ൽ പ്ര​ച​രി​പ്പി​ച്ച് ആ​ശു​പ​ത്രി​ക്ക് പൊ​തു​സ​മൂ​ഹ​ത്തി​ൽ അ​വ​മ​തി​പ്പു​ണ്ടാ​ക്കി​യ​താ​യും കാ​ണി​ച്ചാ​ണ് നോ​ട്ടീ​സ് ന​ൽ​കി​യ​ത്.

മൂ​ന്നു ദി​വ​സ​ത്തി​ന​കം വി​ശ​ദീ​ക​ര​ണം ന​ൽ​കി​യി​ല്ലെ​ങ്കി​ൽ ന​ട​പ​ടി സ്വീ​ക​രി​ക്കു​മെ​ന്നും പ​റ​യു​ന്നു. എ​ന്നാ​ൽ, ജോ​ലി​യി​ൽ​നി​ന്ന്​ നേ​ര​ത്തേ രാ​ജി​വെ​ച്ച് പോ​യ​വ​ർ​ക്കും നോ​ട്ടീ​സ് ന​ൽ​കി​യി​ട്ടു​ണ്ടെ​ന്നും സം​ഘ​ട​ന​യു​മാ​യി ആ​ലോ​ചി​ച്ച് നി​യ​മ​പ​ര​മാ​യി നേ​രി​ടു​മെ​ന്നും ജീ​വ​ന​ക്കാ​ർ പ​റ​ഞ്ഞു.

Show Full Article
TAGS:manjeri medical college nurse 
News Summary - Indication Notice of reason for medical college nurses participating in the strike
Next Story